Jirimaya 27:15 - DAWAN BÎLA AISKA

¹⁵ Dawan kasak aisisa baha nani ba witin mita blikras; Dawan nina ra witin nani kunin aisisa. Bamna witin nani bui man nani ra mai yakabaia dauki ba baku, man nani bara witin nani baha baku mai smalki ba aikuki pruma.”

Jirimaya 27:15 ပူးပေါင်းရင်းမြစ်များ

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

Jirimaya 14:14

Bamna Dawan pana ai win: “Prapit nani ba yang nini bri baku aisisa kaka, kunin aisisa. Yang bui witin nani ba blikras, witin nani ra sin yang aisaras, witin nani aisaia sin yang wiras. Witin nani nahki kunin aisaia tânka ba param kaikan, upla ra kunin munaia tânka ba param brin, ai lukanka kat luki kaikan ba. Baha prapitka nani ba sika naha kunin aisaia dahra ba man nani ra aisisa.

Jirimaya 20:6

Bara, Pashur, man Babilon ra mai brih wabia tamya nani sut aikuki. Man bahara pruma, bahara sin mai bikbia man uplikam nani ba sut aikuki; man bui witin nani diara dahra ba aisi katma ba.’ ”

Jirimaya 23:15

Baha mita yang, Dawan karnika sut brisna, prapit nani ba mapara naha aisisna: Diara tahpla pali kum man nani piaia maikaisna; puisin laya maikrika dima, kan Jerusalem prapitka nani ba mita tasbaya na aiska ra saurka lâka ba yakaban.”

Jirimaya 23:21

“Baha prapitka nani ba yang mita blikras, yang sin witin wal aisaras pali, sakuna witin nani plapi taki wan yang nini brih aisaia.

Jirimaya 23:25

“Baha prapitka nani kunin aisi ba yang walri, witin nani ba yang nini bri aisisa, yang bui witin nani ra yaprisauhkan ra aisisna wisa.

Jirimaya 27:10

Baha witin nani aisi ba kunin, baha wina diara kumi baman man nani saki brima ba lika, tasbayam wina tasba wala ra mai blîkbia, yang bui man nani mai yakabamna bara prui banhma.

Jirimaya 29:8

Yang, Dawan, karnika sut brisna, Israel Gâdka, man nani ra naha maisam pakisna: Dahra aisi nani ba mita bara diara kaiki uplika nani tilamra iwi ba mita swirka kunin mai munbiara; witin nani yaprisauhkan kaiki aisi ba walpara.

Jirimaya 29:9

Witin nani bui yang nini bri aisi ba kunin. Yang bui witin nani ba blikras. Yang, Dawan, kasak aisisna.’

Jirimaya 38:22

mairin nani sut Juda kingka watla ra kan ba Babilon wina aiklaklabra wihtka nani ba bal saki brih wan kabia, bara mairka nani ba naku aisi kabia: ‘King ai uplika nani kau pain bri kan ba mita tawi kunin muni pura luan; mina ba drapapa kat dingkaia dauki si ai nina tawi mahka wan.’

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.