Jirimaya 27:13 - DAWAN BÎLA AISKA

¹³ ¿Dîa brinka mita man uplikam nani aikuki war aula ba tâka, sanglang ra bara siknis ra sin pruaia sma? Kan Dawan pat aisin baha nisanka nani sut ra Babilon kingka ra bawras ba baku takbia.

Jirimaya 27:13 ပူးပေါင်းရင်းမြစ်များ

Sins Lâka 8:36

Sakuna yang wina sait ra takaia ba lika rayakam ba pât ra mangkisma; ¡misbara ai kaikma kaka, prura ra latwan kaikisma!”

Jirimaya 17:4

Man prapatikam baku tasba maikri ba tasbaya ba man lulki swiaia sma, waihlam nani ba albika takaia mai daukamna man kakaira apia sma ba tasbaya ra, kan yang kupi baiwanka buki klauhan pauta klauhi ba baku, mai angki âpu mai daukbia.”

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 27:8

Sakuna tila nisan nani king Nabucodonosor bîp lal ra mangkaika dusa bri ba ra bawras sa kaka, baha nani yang klala yabamna, war blikamna, sanglang iwbia, siknis yarka baha nani sut ra alkbia, witin ai lâka ra bawbia ba kat. Yang, Dawan, kasak aisisna.

Jirimaya 38:2

“Dawan aisisa: ‘Tawan ra takaskbia uplika nani ba aiklabi ikbia, sanglang prubia, siknis alki prubia. Sakuna ya bal taki Caldea uplika nani wal wabia ba, ai rayaka ba pruras swak takbia.’

Jirimaya 38:20

Jirimaya pana witin ra win: —Sakuna king ba baha nani mihta ra kauhbia apia. King, pliskam, Dawan aisi bîla ba, man wali dauks, yang bui man ra mai wîri ba, man ra baku yamni takbia man pruras raya kama.

Jirimaya 38:23

Jirimaya kau ban king ra aisi kan: —Mairin nani ba sut, king luhpia waitna nani ba sut Caldea uplika nani mihta ra aimakbia, king baha nani mihta wina swak takbia apia, Babilon kingka mihta ra mangkan kabia, bara tawan ba angkan kabia.

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 18:24

“Kuna kasakkira ba ai natka kasak nani ba swibia kaka, bara diara saura nani sut ba kli daukbia saurakira baku; ¿man nani lukisma ki, witin ba raya kaia sa? Yang kli kupi kraukamna apia diara yamni daukan nani ba ra, ai kasakka lâka luha bara ai saurka ba tâka prubia.

Isikiel 18:31

Yang maipara saura daukram sut ba wina tnaya ra taks, kupiam ra spirit raya bris. ¿Dîa muni pruaia kabia, Israel luhpia nani ba,

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’