Jirimaya 26:8 - DAWAN BÎLA AISKA

⁸ Witin aisaia Dawan mita win ba witin sut aisin ba ra, prîs nani, prapit nani, upla wala nani bal Jirimaya ra prak alki bara win: “¡Man lika pruaia!

Jirimaya 26:8 ပူးပေါင်းရင်းမြစ်များ

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Jirimaya 1:19

Witin nani mampara war aiklabia, sakuna puram lubia apia, kan yang lika man wal kamna kainam kahbaia. Yang, Dawan ba, yang bîli mai wisna.”

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 18:23

Sakuna, Dawan, man bui witin nani dîa dauki ba sut kaikisma, witin nani bui yang ai ikaia daukan. ¡Watawika lâka pâtka ba swih tikpara, saura daukan ba sin âmya tiwbiara! ¡Yas witin nani man mamwanra kauhbia, kupiam baiwan ra lâ ni dauks!

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 32:3

Sedequías kingka mita blikan wan silak mangkaia, kan Jirimaya naku aisin kan: “Dawan bila: ‘Yang daukamni naha tawanka na Babilon ai karnika bri ba mihta ra kauhbia,

Jirimaya 43:1

Dawan, witin nani ai Gâdka, dîa witin nani ra wiaia win ba Jirimaya baha sut witin nani ra win ningkara,

Emus 7:10

Amasías, Betel ra prîs aimaki kan ba, Israel kingka Jeroboam ra maisa paki wisa: “Israel tasbaya aiska ra, Emus king tara ba mampara warbanka nani daukisa; upla nani lukanka ba sut saura takisa, bara ban ai kainara aisi auya.

Matiu 22:6

wala nani ba lika king albika nani ba alki rausauhki, ikan.

Matiu 27:20

Sakuna prîs wihta nani bara wihta almuk nani kira, upla nani kupia ba alki, Barabas ba pri sâkbia wisi makabaia win, sakuna Jisas ba lika ikbia.

Apastil Nani Sturka 5:33

Aidrubanka uplika nani sut naha walan ba ra, ai kupia baikan bara ban sin apastil nani ra ikaia lukan.

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

Param Marikanka 18:24

Kan baha tawanka ra sika, Gâd prapitka nani tâlia, Gâd uplika nani tâlia sin bahara kaikan bamna, naha tasba ra ikan nani tâlia ba sin sut.