Jirimaya 26:2 - DAWAN BÎLA AISKA

² bara win: “Tempel ra dimaia durka ba ra wih bus, bara dîa sut man aisaia yang mai wîri ba Juda tawanka nani wina upla nani ai pura sunaia aula nani ba ra wis. Mai wîri ba sut pali aisas.

Jirimaya 26:2 ပူးပေါင်းရင်းမြစ်များ

Jirimaya 1:17

Bamna man, kupiam karna bris; was bara yang dîa mai wîri ba baha wis. Man lika witin nani ra sibri apia sma, baha apia kaka yang bui mai munrika man bui witin nani mawan ra tatatwi kama.

Jirimaya 1:7

Sakuna Dawan bui ai win: “Man aisapara uba wahma sma. Yang anira mai blikamna ba, man bâra waia sma, baku sin yang dîa aisaia maikamna ba baha sika aisama.

Jirimaya 19:14

Baha ningkara Jirimaya Tófet wina kli Jerusalem ra wan, Jerusalem ra sika witin ba blikan kan bahara Dawan nina ra dahra aisaia, bara witin tempel barandika ra buan, upla nani ra aisin:

Jirimaya 23:28

¡Prapit kum yaprisauhkan kaikan kaka witin param wiaia sa: ‘Yaprisauhkan kaikri’, sakuna prapitka ba yang aisari walan kaka baha witin kasakka lâka kat aisaia sa! Sakuna plawar ba taya ba wal bâra kaia apia sa. Yang aisisna bîla ba pauta klauhan baku sa, amar baku sa walpa tara ba yuya man krikisa. Yang, Dawan, kasak aisisna.

Jirimaya 25:2

Jirimaya prapit ba bîla dahra ba Juda uplika nani Jerusalem uplika nani sut ra maisa pakan. Jirimaya win:

Jirimaya 28:5

Bara prapit Jirimaya bara Hananías ra tempel ra prîs upla nani sin wali kan win:

Jirimaya 36:10

Tempel kutbanka bîla kau purara ba ra Baruc wan, tempel Getka Raya ra ba dimaika ra, Safán sturi âiulbra luhpia waitna Guemarías wauhkataya âiulbra ba kutbanka ra, bahara witin buan, baha wina ulbanka ba aisi kaikan upla nani ra, Jirimaya aisin bîla nani ba.

Jirimaya 42:4

Jirimaya witin nani ra win: —Yamni aisaram. Man nani tâmwan Dawan Gâdki ra puri sunamni, man nani makabram ba baku, bara witin pana yang ra dîa ai wibia ba, yukukamna apia, sut mai wimna.

Jirimaya 7:2

“Man Dawan tempelka durka ra bûi naha smalkanka na wis: Juda wina uplika nani sut, nahara bal dimi Dawan mayuni banhwisma ba, naha bîla man nani ra blikan na wals.

Jirimaya 7:27

“Jirimaya, man naha sturka nani na sut witin nani ra wis, man bîlam wali daukras sa sakuna; karna wini aisas, ban kra pana mampara aisaras kabia sin.

Isikiel 3:10

Ningkara ai win: “Pain ai wals diara sut mai wiaisna bara sinskam ra klaki mangks.

Isikiel 33:7

“Kan man ra, upla luhpia, yang aihwawakra baku mai mangkri, Israel tawanka dukiara. Man sturi mai wisna ba walaia sma, bara maisa pakaia kupia kraukanka ba.

Isikiel 40:4

Bara baha waitnika ai win: “Aman kaiks bara tânkira wals; aman pali kaiki bas diara sut mamrikaisna nani ba, Gâd mai brih balan sa yang diara na mamrikaia. Ningkara, dîa kaikma ba sut Israel luhpia nani ra wima.”

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Luk 19:47

Bara yu bani Jisas tempel ra upla smalki kan, bara prîs wihtka nani, Lâ Smasmalkra nani bara upla tâ aimaki nani ba mita nahki ikaia sapa pliki banhwi kata.

Jan 18:20

Jisas mita pana win: —Yang lika upla sut mawanra param pali aisari; piua bani Ju nani priaska watla nani ra, bara tempel ra sin smalki katna, Ju nani sut bahara asla taki kan ba ra; yang diara kumi sin yukuki smalkras katna.

Jan 8:2

Bara yu wala titan pali kli tempel ra balan. Upla sut ai lamara balan, bamna witin iwi mahka baha nani ra smalkan.

Apastil Nani Sturka 20:20

Sakuna takaskras mai smalki katna man nani ra dîa dîa man nani yamnikam kaia ba dukiara, ban tawan bilara, wamtla nani kat sin.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

Apastil Nani Sturka 5:25

Baha sim piua ra waitna kum bal win: —Waitna nani man nani mita silak ra mangkram kata ba, nanara pali witin nani tempel ra upla nani ra smalkisa.

Apastil Nani Sturka 5:42

Witin nani yu bani Jisas Misaya ba sturka yamni ba witniska aisi smalkaia ba swiras kata, tempel ra bara utla wala nani ra sin.

Kli Smalkanka 12:32

“Ban main kaiki bri, yang dîa mai wîri ba alki brih trai kaiks daukaia, pura prakaia apia, dakbi sin sakaia apia.

Kli Smalkanka 12:5

Man nani kiamkam ra, Dawan bui plis kum saki maikbia witin ai nina bâra kaia pliska, bara man nani baha pliska ra wih mayuni kama.

Kli Smalkanka 4:2

Yang mai wîri ba, pura prakpara, dakbi sin sâkpara, Dawan Gâdkam dîa mai win ba kat dauks. Yang mai wîri ba kat,

Jasua 8:35

Moses lâka bîla nani win ba sut pali aisi kaikan, kumi sin aisi kaikras swiras kan, Israel luhpia nani sut, mairin nani, tuktan nani, tringsar nani witin nani ai tilara iwi kan ba, sut pali wali kan witin aisi kaiki kan ba.

Param Marikanka 22:19

Bara upla naha dahra aisin wauhkataya bîla nani na wina diara kum dakbi sâkbia kaka, Gâd mita witin ai dukia briaia ba dakbi sâkbia, raya kaia dusa ba wina sin bara tawan holikira ba wina sin dakbia, bara baha nani tânka ba naha wauhkataya ra ulban sa.