Jirimaya 25:32 - DAWAN BÎLA AISKA

³² Dawan, karnika sut bri ba, aisisa: “Sauhkaia klalka ba nisan kum ra alkbia, kli wala ra alkbia; pâsa saura karna kum tasba kir wina krawbia.”

Jirimaya 25:32 ပူးပေါင်းရင်းမြစ်များ

2 Kronikas 15:6

Nisan nani bara tawan nani ba pana pana aiklabi slingwi tiwaia kata, kan Dawan bui pâtka nani yaban ba bri kata bamna.

Aiseya 30:30

Bara Dawan ai kulkanka tara bri ba yaka upla nani walbia, ai klahkla karnika ba marikbia ai kupia baiwanka ra dauki ba mita, pauta buki klauhanka âpu wan tiki ba baku, alhkablakat, pâsa karna lî auhi ba, ais kauhi ba baku.

Aiseya 34:2

Kan Dawan ba nisan nani sut mapara lawisa, ai lawanka ba war aiklaklabra nani ailalka ba mapara lawisa, pât ban kaia ra ba ra sauhki tikaia ra lulkan sa.

Aiseya 5:28

Ai trisbaika nani ba, mala pali kabia, pantamangkika nani ba sin pamni bulkan kabia, Araska sûska nani ba karna walpa baku kabia, waginka nani ba wilwaika wilwi tawisa, pâsa pulaika baku;

Aiseya 66:18

Kan yang kaikisna, witin nani ai warkka ba; bara ai kupia lukanka nani ba sin. “Bara baha piua ra, yang balamna upla nani sut, twisa sâtka nani aisi ba, nisan nani ba asla daukaia; witin nani balbia, bara yang praina ba witin nani kaikbia.

Jirimaya 23:19

Dawan kupia baiwanka ba pâsa karna krawi baku sa, prari payaska kum krawi ba baku sa bara watawikira nani purara wauhisa.

Jirimaya 30:23

Dawan lawanka ba pâsa saura kum baku sa, prari krawi payaska baku watawikira nani ba purara.

Jirimaya 6:22

Dawan aisisa: “Laih pali yahbra tani tasbaya ba wina nisan karna pali kum ba balaia ridi takisa.

Jirimaya 6:23

Trisba nani bara sord nani brisa; witin nani lika upla ra umpira kaikras, saura rausauhkisa; winanka nani ba kabu binka tara baku sa, aras ra uli aula. Saion mapara aiklabaia ridi sa.”

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!

Luk 21:10

Bamna Jisas kau ban aisi, win: “Nisan kumi nisan wala mapara aiklabia, kuntri kumi kuntri wala mapara war daukbia.

Luk 21:25

“Bamna sain nani takan kabia lapta ra, kati ra bara slilma nani ra sin, naha tasba ra nisan nani ba aihka aimawahkan kabia, bara sibrin tara sin takbia kabu ripka binka tara ba mita.