Jirimaya 25:30 - DAWAN BÎLA AISKA

³⁰ “Jirimaya, man bui yang nini ra naha sturka nani na witin nani ra wis: ‘Dawan ba pura wina alwani baku ai bîla baikra ba blikisa, ai iwaika holikira iwi ba wina. Ai sîpka nani ba mapara winisa wain tataibra nani wini ba baku, tasba ra upla nani iwi ba sin mapara.

Jirimaya 25:30 ပူးပေါင်းရင်းမြစ်များ

2 Samuil 15:25

Sakuna king ba Sadoc ra win: —Gâd lâka auhbaia watla ba kli tawan ra brih was, Dawan bui yang ra yamni ai kaikisa kaka, kli ai bri balbia; bara ai lâka auhbaia watla ba mairikbia, witin takaski ba watla ba sin.

1 King Nani 9:3

bara Dawan bui win: “Yang puram sunra bara makabankam daukram ba sut walri. Yang bui naha tempel daukram na yamnika yâri sa, bahara yang nini ba swiaia ban kaia ra. Bara naha watla ba, yang piu sut main kaiki kamna bara yang sin bâra kamni.

2 Kronikas 30:27

Baha ningkara prîs nani bara Libait nani ba ai mina ra bûi, upla nani ra yamni munan; bara Dawan baha walan, bara ai pura sunra ba kasbrika purara Gâd holikira iwi ba kat walan.

Lawana Nani 11:4

Dawan ai tempelka holikira ra bâra sa. Dawan, witin ai iwaika kasbrika purara bri ba, witin ai nakra nani aman param, kasak aihwaki kaikisa upla nani ra.

Lawana Nani 132:14

“Naha ilka ra sika, bâra kan ai dauki ba; bahara iwamna, baku brin ai dauki bamna.

Lawana Nani 46:6

Nisan nani bin tara daukisa, king tasbaya nani ba tatatwisa, tasba ba slilwisa ai bîla baikra saki ba waluya ba ra.

Lawana Nani 58:5

sinskira nani miusikka walaia apia wisi, âuya mâira nani ba mita yabaki ba.

Lawana Nani 78:65

Sakuna Dawan ba kli rawan, yapan wina bûi ba baku war aiklaklabra, wain dih bla taki yapi si bûi ba baku,

Aiseya 16:9

Baha mita inisna Sebná wainka nasla nani ra luki, Jazer ra sin luki, Hesbón, Elalé dukiara naikra laya laikisna, mâ tilwan nani dâkaia bri kata ba purara war aiklaban bamna.

Aiseya 33:3

Wan sauhkaia aulma binka ba upla nani wali, plapisa, man wan tilara dimisma ba ra nisan nani ba turwi takisa;

Aiseya 42:13

Dawan bal takbia pura lalura tara baku, bara war aiklaklabra lapta baku, aiklabia ai bîla baikra tara ni, ai waihla nani pura lubia, karna takbia sin.

Jirimaya 17:12

Yawan wan tempelka ba lika iwaika pranakira kum sa, blasi pali wina purara bâra swin sa.

Jirimaya 25:38

Ai watla wina takan layan kum baku, witin nani ai kuntrika sauhki tikan ba kat takaskan, Dawan kupia baiwanka ba buki klauhan bamna, war saura pali kum blikan.

Jirimaya 48:33

Moab giadinka nani ra lilia lâka winanka ba kli walras sa. Wain nani apahki swin ba sut âpu takan. Wain taibaia uplika nani sin âpu, lilia aiwananka nani sin aiwanras.

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Joel 3:16

Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Emus 1:2

Jerusalem, Saion ilka ba wina, Dawan ai bîla baikra bin tara alwani binka baku aisisa ba ra, tasba nani ra twi painkira pâwi ba srawisa, Carmelo ilka bahna ra twi nani ba sin sut lâwisa.

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Sakaraya 2:13

¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!

Kli Smalkanka 26:15

Kasbrika pura wina, man pliskam holikira wan kaiks, bara Israel man uplikam ba, tasbaya man wankram ba ra sin yamni muns, tialka laya bara nasma wal lî baku aubi ba, wan damika nani ra pramis munram ba baku.’

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.