Jirimaya 25:3 - DAWAN BÎLA AISKA

³ “Josías Amón luhpia waitna ba Juda ra 13 mani king aimaki kan, bara baha piua wina nanara kat, wibia kaka, pat 23 mani Dawan bui yang ra aisin ba, baha yang bui man nani ra kli kli aisari; sakuna man nani lika yang ra walras.

Jirimaya 25:3 ပူးပေါင်းရင်းမြစ်များ

Blasi Sturka 22:3

Bara Ebraham titan pali buan, mahka ai birikuka ba satil mangkan. Sakripais daukaia pâta nani ba baikan, bara Gâd mita witin ra marikaia win yaba tasbaya kaikaia taki wan. Ai luhpia Aisak ba brin bara ai albika nani wina sin wâl aikuki brih wan.

1 King Nani 22:3

Bara Israel kingka ba mita ai wark uplika tara nani ra win: —Man nani kasak tânka brisma, Ramot Galaad tasbaya ba yawan wan dukia sa. ¿Dîa muni yawan mita diara daukras, Siria kingka mihta wina baha ba dakbi briaia?

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

2 Kronikas 24:19

Ban sakuna, Dawan ai dahra aisasarika nani blikan, kli witin ra tawbia wisi. Sakuna upla nani ba prapit nani smalkan ba walras kata.

2 Kronikas 34:1

Josías ba king aimakan taim 8 mani bri kan, bara Jerusalem ra 31 mani king aimaki kan.

2 Kronikas 34:3

Josías mani 8 king aimaki kan, witin ba kau wahma kan ba ra, witin ai almukka Debit Gâdka ba plikan. Bara mani 12 king aimakan ba ra, mahka idan nani ai pura suni pliska nani ba, Aserá lilka nani, aidul nani slilki paskan gâdka nani lilka ba sut slingban.

2 Kronikas 34:8

King lâka ra mani 18 alkan ba ra, tawan aiska ba klin daukan bara tempel ba sin, bara Safán blikan, Asalías luhpia ba, Amasías ra, tawanka ra alkalde ba, bara ai âiulbrika Joah ra, Joacaz luhpia ba, ai Dawan Gâdka tempelka ba kli paskaia dukiara.

2 Kronikas 36:15

Dawan, ai almukka nani Gâdka ba, piu manis ra maisa paki bliki kan ai sturka twilki uplika nani ba wal, kan witin ai tawanka ra latwan kaiki kan, baha pliska witin nani ai iwaika kan ba.

Lawana Nani 81:13

¡Upliki ba bîli wali daukan kan kaka! ¡Israel ba yabalki nani ba nina blikan kan kaka,

Impakan Sturka 8:20

Dawan bui Moses ra win: —Yauhka titan king ba awala ra auya, bahamna man sin titan pali bûi awala ra was, bara witin ra wis: ‘Dawan wisa: Upliki nani ba swis wabia, witin nani ba yang ra ai pura suni maiyunbia.

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Jirimaya 1:2

Dawan ba Jirimaya ra aisin, ba piua ra Josías Amón luhpia waitna ba pat 13 mani Juda kingka aimaki kan.

Jirimaya 11:7

Man nani damikam nani yang bui Idsip wina sakri ba ra, witin nani ra kupia krauki wîri yang ra baman bîli wali kabia, baha piua wina yang kupia krauki ban sna naha piua kat.

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 22:21

Yang bui man ra aisari, man piua yamni bri kapram ba ra, sakuna man walaia apia wiram. Man wahma kapram ba yua wina baku daukisma: ¡yang bîli baikra ba lan mai daukras sa!

Jirimaya 25:4

Baha sut ban sakuna, Dawan ba aima kum kli aima wâl ra sin, ai dukia dadaukra, ai prapitka nani ba man nani ra blikan, man nani bui witin nani ra walras, aisi ba sin walan mai daukras bara bîla wali sin daukras.

Jirimaya 26:5

prapit nani witin nani kupia krauki smalki ba, kum blikuna kli wala blikisna ba, baha nani bîla witin nani wali daukras ba,

Jirimaya 29:19

Baku takbia, kan witin nani ra kupia krauki smalkri yang warkki dadaukra nani dahra aisin ba witin nani walras kan bamna, witin nani ba blikri bara kli blikri, witin nani ra walras kan sakuna. Yang, Dawan, kasak aisisna.

Jirimaya 32:33

Witin nani ai nina yang ra tawan, ai mawan lika apia. Yang yu bani smalki takaskras pali katna sakuna, witin nani lika yang ra walras, saura dauki ba sin wapni takaia lukras kan.

Jirimaya 35:14

Jonadab, Recab luhpia waitna ba kiamka nani ai damika Jonadab witin nani ra aisi adar win ba kat witin nani bîla wali daukan wain diras, naiwa kat sin witin nani wain diras ban sa, kan ai damika lâka bîla wali dauki ba mita. Yang sin man nani ra adarki nani maikri kli sin mai wîri, sakuna man nani bîli wali daukras.

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 36:1

Joaquim, Josías luhpia waitna ba, pat mani walhwal Juda ra king kan ba piua ra, Dawan Jirimaya ra aisin, bara win:

Jirimaya 36:2

“Ulbaia wauhkataya kum bris, bara bahara Israel Juda bara nisan wala nani dukiara sin, yang diara mai wîri ba uls; Josías piua mai aisisatna ba wina naiwa kat sturka ba sut.

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Jirimaya 7:13

Bara ban kra yang bui man nani ra kli kli pat kupiam krauki daukankam ba dukiara, sakuna man nani bîli wali daukaia apia wiram, uni kahbaia pan sakuna man nani baha sin daukras. Yang Dawan, baha kasak aisisna.

Jirimaya 7:25

Man nani damikam nani Idsip wina takan ba yua wina naiwa kat, prapitki nani duki dadaukra nani ba man nani ra kum blikri ba ninara wala nani bliki ban sna.

Isikiel 33:4

Upla kum walbia trumpit puhban ba bara baha ba kulkras sa, bara waihla nani ba, balbia bara ikbia, witin ai pruanka pâtka ba, klauna takisa;

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Mark 1:35

Titan, yu baiwras, kau tihmia kan, Jisas mahka buan bara tawan wina taki yakan ai pura sunaia wan plis kum yakan bâra kan ba ra.

Jan 8:2

Bara yu wala titan pali kli tempel ra balan. Upla sut ai lamara balan, bamna witin iwi mahka baha nani ra smalkan.

Jan 8:47

Ya Gâd wina sa kaka, Gâd bîla nani ba aman walisa; sakuna man nani na Gâd wina apia sma ba mita, walaia want apia sma.

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.