Jirimaya 25:28 - DAWAN BÎLA AISKA

²⁸ Witin nani man mihta wina kâp ba bri diaia apia wibia kaka, witin nani ra wis: ‘Dawan, karnika sut bri ba, aisisa: Diaia apia wibia sin witin nani diaia sa.

Jirimaya 25:28 ပူးပေါင်းရင်းမြစ်များ

Job 34:33

Apia kaka, ¿brin mai daukisa ki, Gâd mita mana ba maikbia, man yamni kaia kaikisma ba kat, man mita brin mai daukras, swiram sakuna? Yang apia, man sika luki kaikisma dîa daukaia ba, yang nani ra wan wis dîa nu sma ba.

Jirimaya 25:17

Dawan mihta wina kapka ba yang briri, bara baha nisanka ra waia Dawan ai blikan ba baha nani sut ra yabri diaia.

Jirimaya 27:8

Sakuna tila nisan nani king Nabucodonosor bîp lal ra mangkaika dusa bri ba ra bawras sa kaka, baha nani yang klala yabamna, war blikamna, sanglang iwbia, siknis yarka baha nani sut ra alkbia, witin ai lâka ra bawbia ba kat. Yang, Dawan, kasak aisisna.

Jirimaya 4:28

Tasbaya ba sari man banhwan kabia, kasbrika pura ba sari mita tihmia takbia. Yang aisari, bamna kli kupi lakamna apia; yang mita daukri, bara kli ninira tawamna apia.

Jirimaya 49:12

Dawan aisisa: “Baha wala nani ba, pât wauhbia kapka ba diara ai dukia apia kan, sakuna ban din kaka, yabal wala âpu sa, bamna man klala briaia sma, man sin baha wina diaia sma.

Jirimaya 51:29

Tasba ba nikwisa, lalaubisa, Dawan dîa daukaia win ba dauki bamna, Babilon ba upla iwras tasbaya saura kum daukisa.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Abdías 1:16

Kâp tahpla pali ba man nani yang ilki holikira ra diram ba, baha tahplika kan ba baku nisan wala nani sin dibia, kwatbi langki witin nani dibia, sut âpu pali takbia ba kat.

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.