Jirimaya 25:24 - DAWAN BÎLA AISKA

²⁴ Arabia kingka nani sut ra yabri; nisan sât sât iwi kingka nani sut ra upla iwras tasbaya ra iwi nani ra;

Jirimaya 25:24 ပူးပေါင်းရင်းမြစ်များ

1 King Nani 10:15

diara wauhi atki uplika nani wina lal man aibapi kan ba lalahka nani, baku sin Arabia kingka nani bara baha tasbaya ra wihta tara nani ba wina sin lalah bri kan ba kulkras kata.

2 Kronikas 9:14

diara wauhi atki tauki uplika nani wina lal mana bri kan ba kau kulkras, baha purara sin Arabia kingka nani bara baha tasbaya wihtka tara nani ba wina sin, gul bara silbar Salaman ra bri bali kan ba sin kau kulkras.

Aiseya 21:13

Upla iwras ba tasbaya ra dahra aisi ba: Dedán wina uplika kwâra ailal upla iwras tasbaya ra srikra nani tilara tihmia lalawisa,

Jirimaya 25:20

bara upla wala nani masraka sât sât nani bâra ba nani ra sin; Us tasbaya kingka nani sut ra, filisteo nani tasbaya aiska ra: Ascalón, Gaza, Ecrón, Asdod ra takaski nani ba sin;

Jirimaya 50:37

¡War ba suldiar nani purara sa: sibrin mita tatatwaia! ¡War ba araska nani purara sa, waginka nani purara sin! ¡War ba mana aibapan suldiar nani purara sa: witin nani mairin baku swapni lakaia! ¡War ba diara nani bri ba purara sa: wala nani bal implikaia!

Isikiel 27:21

Arabia bara Quedar lalka nani sut man wina baman diara atki kan: mai aibapi kan sîp luhpia nani, sîp tara nani bara guts nani ni.

Isikiel 30:5

Baku sin kauhan kabia war ra, Etiopía bara Libia suldiarka nani ba, Lidia wina, Arabia aiska wina, Cub wina bara tawan wala nani ba wina sin; bara kuntri wala nani aikuki asla takan ba sin.