Jirimaya 25:18 - DAWAN BÎLA AISKA

¹⁸ Bara Jerusalem ra yabri din Juda tawanka tara nani ra ba ra, king nani ra, wihta tara nani ra sin yabri diaia witin nani sauhki tikaia, bara baku sauhka ban swiaia, upla nani ra sirang iki sibrin dingki kaia, watawika lâka daukan patrangka naiwa kat baku ban sa.

Jirimaya 25:18 ပူးပေါင်းရင်းမြစ်များ

1 King Nani 8:24

Aisiki Debit ra dîa daukaia win ba kat pali daukram sa, man pali aisi wiram bara mihtam pali ni dauki tnata alkram naiwa yua diara taki na.

2 King Nani 22:19

bara man kupiam ba sin swapnikira pali takan, bara Dawan lamara sin bawram naha bîla ba tawan uplika nani mapara aisisa bara naha tasbaya ra iwi uplika aiska ba mapara sin, witin nani sut ba âpu pali daukbia saurkira nani ba, bara man prâmka ba kalkram, ba purkara sin yang maiwanra inram ba sin yang walri. Yang, Dawan, man ra aisisna.

2 Kronikas 29:8

Baha mita Dawan ba Juda bara Jerusalem mapara ai kupia baikan, baha mita witin nani daukan ba mita sirang wan iki kaia Dawan mita baku daukan.

Esdras 9:7

Wan aisika nani yua ba wina naiwa kat, yang nani saurka lâka ra iwi banhwisna. Yang nani saurki nani tâka mita, kingki bara prîski nani sut aikuki tasba wala nani kingka nani mihta ra ai mangkram. Naiwa yua kat ban wan ikisa, alba wan brisa, wan dukia nani implikisa, yang nani swira lâka tara wal ban iwi banhwisna.

Nihimaya 9:36

“Naiwa man bui yang nani ra ai kaiks, yang nani damiki nani ra yabatma ba tasbaya ra, baha wina plun saki duki kukanka nani bri kaia watlika ra, bahara alba banhwisna.

Lawana Nani 60:3

Man uplikam nani ra pât saura yaram sa, baku sin wain diaia yaram, wan sinska aihka takan sa.

Aiseya 40:23

Karnakira nani ba witin mita diara âpu lakisa, tasba ra wihta aimaki nani ba diara bahki daukisa.

Aiseya 65:15

Bara man nani ninam ba mâki, yang upliki nani ba upla wala nani ra lahtubi kabia, bara Dawan mita ai dukia dadaukra nani ra nina wala ni mâki kabia.

Jirimaya 1:10

“Yang aisaia sna ba man unam ra mangkisna, bara naiwa karnika sut maikisna king nani purara, nisan nani purara sin, daikaia, batakaia, sauhki tikaia, kriki tikaia, baku sin paskaia bara mangkaia.”

Jirimaya 13:3

Bara Dawan bui yang ra kli aisin, bara ai win:

Jirimaya 13:9

bara ai win: “Naha sukwan na baku natka ra Juda Jerusalem wal prautka lâka ba sauhkamna.

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 25:11

Naha kuntrika aiska na sauhki tikan slingban bâra kabia. Piua ba 70 mani kabia naha nisanka nani bani ba Babilon kingka munhtara kabia.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 26:6

bara naha tempelka ra sin Siló ra daukri ba baku daukamna. Naha tawanka na lahtuban ba patrangka kum daukamna nisan nani sut kaikbia tasba aiska ra.’ ”

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Isikiel 30:7

“Idsip ba kuntri kum kau bîla man kabia, kuntri wala nani wal; tawanka nani ba aiska sauhki tikan kabia.

Daniel 9:12

Bamna man klala tara yang nani purira blikram, bîlam aisaram ba kat dauki tnata alkram sa, yang nani ra bara wan tasbaya wihtka nani ra sin; bamna, Jerusalem purara klala balan ba baku kau wala âpu sa naha tasba purara.

Emus 2:5

Witin nani baku daukan bamna, yang bui Juda tawanka purara pauta klauhan blikamna, bara baha pauta kauhan ba mita, Jerusalem tawanka ra wihta tara nani watla sut angkbia.”

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Miqueas 6:16

Man nani king Omrí lâka nani kat, baku sin Ahab kiamka warkka saura nani lâka kat nina bliki saura daukram. Witin nani dîa daukan baku man sin daukram. Bahamna man nani ba upla sâtka sut nakra ra diara saura mai kaikaia mai daukamna, bara bahki mai kulki lamwaska kiki kabia; upliki nani swira lâka kaia ba sut, man nani puramra kauhbia.”

Jasua 6:18

Man nani aman kaiks, tawan bilara diara nani ba wina diara kumi sin bripara, mihtam sin kangpara, kan diara sut bâra ba dukiara pat adar win sa baha sut sauhki tikaia, baku daukras kama kaka, Israel kiampka Dawan mita lahtuban kabia bara sari lâka tara twilkbia.

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?