Jirimaya 25:15 - DAWAN BÎLA AISKA

¹⁵ Dawan, Israel Gâdka ba, yang ra ai win: “Naha kapka na kaiks kupi baiwanka wainka banhki na. Man bris bara nisan nani sut ra yas diaia, witin nani diaia blikisna.

Jirimaya 25:15 ပူးပေါင်းရင်းမြစ်များ

Job 21:20

Witin klala briaia sa, baha Gâd, karnira sut bri ba lawanka tara ra.

Lawana Nani 11:6

Upla watawikira nani purara Dawan mita yaka masku aswi ba, pauta klauhan, sulpa lî auhi baku blîkbia, yaka pâsa krawi diara sut angkbia. ¡Witin nani briaia aitani ba, Dawan bui witin nani ra yabia!

Lawana Nani 60:3

Man uplikam nani ra pât saura yaram sa, baku sin wain diaia yaram, wan sinska aihka takan sa.

Lawana Nani 75:8

Dawan ai lawanka tara kapka ba ai mihta ra brisa, wain miks munan piawi ba. Baha wainka ba tasba ra laikbia ba ra, watawi dadaukra nani sut tasba ra iwi ba baha laya tahwi ba sut pali dibia.

Lawana Nani 75:9

Yang lika Jekob Gâd ba dahra aisi ban kamna baku sin witin ra lawana aiwani mayuni kamni;

Aiseya 14:26

Naha sika tasba aiska purara dîa daukaia win ba, mihti ba sakban sa klala yabaia nisan nani sut purara.”

Aiseya 34:2

Kan Dawan ba nisan nani sut mapara lawisa, ai lawanka ba war aiklaklabra nani ailalka ba mapara lawisa, pât ban kaia ra ba ra sauhki tikaia ra lulkan sa.

Aiseya 51:17

¡Rawi bus! ¡Rawi bus! ¡Jerusalem, rawi bus! Dawan klalka ba wauhram, kupia baiwanka kapka ba diram, man ban bla takram ba kat.

Aiseya 51:22

Man Dawankam bara man Gâdkam ba, witin ai tawanka tâwan aisi ba bîla wisa: “Kaiks nanara yang bui man mihtam wina baha kapka ba sakaisna, baha di bla takram ba; yang kupi baiwanka kapka ba wina kli dima apia.

Aiseya 51:23

Baha nani sarkam papaskra nani ba mihta ra kapka ba mangkamni, witin nani bui man nani ra mai win: ‘Tasba ra prawi kama bara yang nani lika man puramku wapi luamna’; bara man wînam tara ba baku, tasba ra prawram bara witin nani mai taiban.”

Jirimaya 1:5

“Man kau mamikam biara ra aimakras katma ba kaina wina pat man ba yang warkki daukaia bâk mai saki mai paiwri kan; kau mai baikras kata ba yua ba wina pat aihka mai sakri kan; tasba aiska ra waia nisan nani ra yang daihra aisaia dukiara.”

Jirimaya 36:2

“Ulbaia wauhkataya kum bris, bara bahara Israel Juda bara nisan wala nani dukiara sin, yang diara mai wîri ba uls; Josías piua mai aisisatna ba wina naiwa kat sturka ba sut.

Jirimaya 43:11

Witin balbia Idsip kuntrika ba sauhki tikbia. Prubia win, uplika nani ba prubia; priski brih wabia win uplika nani ba priski brih wabia; war ra prubia win uplika nani ba sin, war ra prubia.

Jirimaya 45:5

¿Man baman diara painkira kum makabaia lukisma? Baku kaka makapara, kan pât nani ba upla sut purara yang blikaisna. Sakuna diara kumi baman mai daukamna: ani anira wama ba mai swirka pruma apia, raya kama. Yang, Dawan, kasak aisisna.’ ”

Jirimaya 46:1

Nisan nani ra dîa takaia dahra ba Dawan Jirimaya ra aisin.

Jirimaya 48:26

Man nani Moab ba yas bla takbia, kan Dawan mapara buan ba tâwan. Baku bamna Moab ba witin aikabi baha ra karwi kabia bara upla sut witin ai lawaska kikbia.

Jirimaya 49:12

Dawan aisisa: “Baha wala nani ba, pât wauhbia kapka ba diara ai dukia apia kan, sakuna ban din kaka, yabal wala âpu sa, bamna man klala briaia sma, man sin baha wina diaia sma.

Jirimaya 51:7

Babilon ba yang mihti ra gul kapka kum baku kan, tasba aiska ba baha wina yan di bla taki kan. Nisan nani baha wainka ba di sinska tiwi kan.

Isikiel 23:32

“Naku wisni, yang Dawan ba: Man sin muihkam din kapka ba dima, kâp kum tara, yahpa bara tihu, lawaska kikan bara bahki kulkan ba wal banhwan,

Isikiel 23:33

batakan bara sauhki tikan lâka ailal. Baha sika muihkam Sameria kapka ba, baha wal bla taki latwan wahwi kama.

Isikiel 29:12

Idsip, man ba mai daukamna, kuntri kum diara âpu pali kaia; mani yawanaiska wâl tawankam nani ba, sauhki tikan tara ra kabia, tawan wala sauhki tikan wal kau purkara saura kabia, bara uplikam nani ba baha wina sakamna bara yakabrira mai daukamna, tawan wala nani ra, bara nisan wala nani tilara sin.

Isikiel 36:5

Dawan naku aisisa: Bîli aisinka nani ba pauta klauhi baku kupi baiwanka ba tawan wala nani ba mapara auya, kau pali ba Edom mampara, kan witin liliaka tara wal tasbaya iki ba brin bara misbara tara ni witin nani wal nasla nani ba impliki âpu daukan.’

Abdías 1:16

Kâp tahpla pali ba man nani yang ilki holikira ra diram ba, baha tahplika kan ba baku nisan wala nani sin dibia, kwatbi langki witin nani dibia, sut âpu pali takbia ba kat.

Abakuk 2:16

Baha daukram ba tâka mita, yamni mai kulkan kan lâka ba swiram mai daukaia lâka ra tawbia, bamna Dawan ai kupia baiwanka kapka ba maikka dima; bara mamrikbia man kupiam ra Dawan lâka âpu sma ba, pramna maikan kan ba mai kulkanka âpu lâka ra tawbia.

Param Marikanka 14:10

Gâd kupia baiwanka wainka ba diaia kabia, baha ba uya karna pali ai lawanka ba ra witin laikan sa. Ani uplika naha daukbia ba, pauta klauhan ni bara sulpa ni sin rausauhkan kabia Gâd insalka nani mawanra, Sîp Luhpia ba mawanra sin.

Param Marikanka 14:19

Bara insal ba ai isparka mala pali ba tasba purara lulkan, bamna tasba wainka mâ nani ba wahbi, wain taibaia watlika tara kum ra auhban; baha sika Gâd kupia baiwanka tara ba.