Jirimaya 25:12 - DAWAN BÎLA AISKA

¹² Bara 70 mani ba alkbia ningkara, Babilon kingka ra makabamna nisanka ra sin, witin nani saura daukan ba wapnika daukaia, bara Caldea uplika nani kuntrika ba, sauhki tikamna ban kaia ra. Yang, Dawan, kasak aisisna.

Jirimaya 25:12 ပူးပေါင်းရင်းမြစ်များ

2 King Nani 24:1

Bara Joaquim king aimaki kan piua ra, Babilon kingka Nabucodonosor ba ai uplika nani kira balan bara tawan dahra walras kutbi alkan, bara Joaquim ba witin ai albika takan mani yumhpa praiska. Sakuna tisku kan witin mita Nabucodonosor mapara buan.

2 Kronikas 36:22

Ciro king aimakan pas mani alkan ba ra, Persia kingka ba, Dawan bîla Jirimaya aisinka ba aimakbia dukiara, Dawan ba Ciro ra tâ baikan, king tasbaya aiska ra ulbi lakaia naha lâka nani ba:

Lawana Nani 137:8

¡Man Babilon, sauhki mai tikan kabia ba! ¡Lilia kabia kli pana mana maikaia, man bui yang nani ra ai munram praiska ba kat!

Aiseya 13:19

Bara Babilon, king tasbaya nani pranakira ba, Caldea uplika nani tasbaya tara skahkanka pranakira ba, Sodoma bara Gomora baku takma yang mita sauhki tikatna piua ra.

Aiseya 14:23

Yang mita swamp baman daukamna, istapla nani pliska daukamni, kaina kutbanka ba wih, sauhki tatikra brumka ba wal pahbamni.” Baha sika Dawan karnika sut bri ba aisisa.

Aiseya 15:6

Nimrim layawanhta nani sut ba lâwan kabia, twi nani ba sin srawbia, inma wahia nani ba sut prubia, inma wahia kumi sin sangni kabia apia.

Aiseya 20:1

Piua kum bâra kan, Asiria kingka Sargón mita, war lalka tara kum Asdod tawanka ra blikan. War lalka tara ba bahara wih aiklabi pura luan.

Aiseya 33:1

¡Sasauhkra, man ra saura pali kabia, man ra lika mai sauhkras; pât ra dadingkra man ra lika pât mai dingkras! Sut sauhkma ba ra, man ra sin mai sauhkan kabia, sut pât ra lakma bara man ra sin pât ra mai lakan kabia.

Aiseya 46:1

Bel gâdka ba ai lula krikisa, Nebo gâdka ba tasba ra kauhan; aidul paskan nani ba, daiwan nani purara sunan, twilki brih wan baha dukia nani man nani twilki brih waia katma ba, wirhika nani ba daiwan swapan nani purara sunan.

Jirimaya 23:2

Dawan, Israel Gâdka ba, sepad nani dahra aisisa, witin nani ai uplika nani wihtka tara nani aimaki ba: “Man nani mita sîpki nani ba aihka aihka yakabram, main kaikras munram sut plapan. Bamna aitani pali sa yang bui man nani ra klala maikaia daukankam saura nani ba tâwan. Yang, Dawan, kasak aisisna.

Jirimaya 25:14

Nisan tara nani bara king nani karnika tara bri ba, witin nani sin mina ra kauhbia. Bara baku witin nani dîa daukan ba mana briaia aitani ni mana aibapamna.’ ”

Jirimaya 27:22

‘Witin nani Babilon ra brih wabia sa kaka, bahara kabia ani yua yang want sna ba kat kli naha pliska ra bri balamna. Yang, Dawan, kasak aisisna.’ ”

Jirimaya 27:7

Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.

Jirimaya 29:10

“Dawan aisisa: ‘Babilon ra 70 mani piua yari ba lubia ba ra, yang bui man nani ra pramis mai munri ba daukamna man nani ra yamni lukri ba baku tasbayam ra kli mai brih waia.

Isikiel 35:9

Ban kaia ra upla iwras tasbaya mai daukamna bara upla kum sin kuntrikam ra iwbia apia. Bara baku man nani damra walma yang sika Dawan sna ba.

Daniel 9:2

Pas mani witin king aimaki kan ba piua ra, yang Daniel, prapit Jirimaya wauhkataya aisi kaiki tânka pliki kapri, baha 70 mani Jerusalem sauhki tikanka piua tnata alki luan kabia ba, Dawan bui prapit ra win kan ba baku.

Abakuk 1:17

¿Caldea uplika nani ba baku ban yang nani ra, inska alkaika dukia nani ba ni ban wan alki kaia sa ki? ¿Upla nani ra umpira kaikras ban baku iki kaia sa ki?