Jirimaya 24:2 - DAWAN BÎLA AISKA

² Baskit kum bilara kwah mâ nani ba pain pali kan, baha nani ba pat pawan kan, sakuna baskit wala ra mâ nani ba saura baman kan, piaia sip apia.

Jirimaya 24:2 ပူးပေါင်းရင်းမြစ်များ

Aiseya 5:4

¿Yang wainki nasla ra diara kum daukaia bâra kan? ¿Kau diara kum yang daukras swiri sa ki? Yang bîla kaiki kapri, wain mâ damni nani aikbia, ¿sakuna dîa muni, mâ swahni nani sakan ba?

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Jirimaya 29:17

‘Yang, Dawan, karnika sut brisna ba, aisisna: War witin nani ra blikaisna, sanglang, siknis sin. Kwah mâ sukwan saura pali, piaia sip apia kata ba baku daukaisna.

Oseas 9:10

Dawan aisisa: “Yang lika Israel wal prawri yua ba, lilia ai daukan, sim upla iwras tasbaya ra wain pâwan kan sakan liliaka baku. Man nani damikam nani ba naikra ra kaiki kapri ba kwah mâ disang baku kan. Sakuna witin nani Baal-peor ra wan piua ra bara kuninkira nani ba gâdka ra tawan. Bara witin nani lika upla bahki pali takan, baha aidulka nani latwan kaiki ba wal baku takan.

Miqueas 7:1

¡Alai! Upla dus mâ nani sut dakbi brin ba ningkara wala kum bal mâ dakbaia pliki ba baku sna; dus mâ pain pawan nani ba âpu sa, baha mâ nani pin ai dauki kan ba.

Nahum 3:12

Man kan kahbaikam pliska nani sut ba kwah damni dusa ra, mâ pawan nani ailal ba baku sa, bara ya baha dusa yahbuya uplika ba bîla kat kwah mâ ba kauhbia.

Kulki Kaikanka 18:13

Baku sin insla mâ tawahkia nani wina yang ra aikaia brih aula ba sin, man ra maikisna. Ya ya man wamtla ra ba sunu sa kaka, witin sin sip sa baha piaia.

Matiu 5:13

“Man nani sika naha tasbaya sâlka sma. Sakuna sâl ba ai damnika tikbia kaka, ¿nahki kli damni takbia? Baha ba bahki takan sa, lulkaia upla mita ai mina ni taibia baman lika.