Jirimaya 23:5 - DAWAN BÎLA AISKA

⁵ Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 23:5 ပူးပေါင်းရင်းမြစ်များ

2 Samuil 23:3

Israel Gâdka ba witin aisin; Israel kan kakahbra ba witin bui yang ra ai win; upla purara kasak lâka ra wihta aimaki ba, “Dawan ra sin sibrin luki wihta aimaki ba,

Lawana Nani 45:4

Man pramna ba sika, pura lui kainamra auya, kasak tânka ba dukiara aiklabi kaia sa; bara kasakka lâka daukaia, upla bawikira nani ra bara mihtam aihkika ba, ¡kupiam karnika tara ba warkka daukisa!

Lawana Nani 80:15

naha wain kiwka man bui mangkatma ba urhwi takuya, baha sika man pali bui bapram ba.

Lawana Nani 99:4

Man ba king kum karnakira sma, man sin kasakka lâka ra latwan kaikisma man bui bapram, wal baku kaia lâka ba; Jekob luhpia nani ra, kasakka lâka ba bara wapni kaia lâka ba sin.

Aiseya 33:5

Dawan yakan ai lâka daukisa, witinka ai iwaika ba laih purara ba ra iwisa; wapni lâka bara kasakka lâka witin Saion ra banhkan,

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Aiseya 42:6

“Yang, Dawan, mai paiwri bara mihtam wina mai alkri, man ba upla swaki sakaia dukia kaia; yang mai paskri, yang want sna man baku kaia, yang lâika upla wal daukri ba sainka kaia, nisan nani ingnika.

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Aiseya 52:13

Bara kaiks yang warkki dadaukra warkka ba, pain man takbia, purara sin bukan kabia, bara laih purara mangkan kabia.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Aiseya 9:5

Suldiar sûska nani war aiklabaia ra bin tara dauki kan ba, ai kwalka nani sin tala ra buswan ba, twi lâwan baku, sut pauta klauhan ra angkan kabia.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 22:15

¿Man lukisma yalam tatka kainam kir brih iwisma ba mita king sma? Man aisikam ai raya ba lilia brin, sakuna kasak lâka wapni lâka ra ai warkka dauki kan, baha mita diara sut dauki kan ba yamni man taki kan.

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 22:30

Dawan aisisa: “Man nani naha waitnika na ulbi swis waitna kum luhpias kan baku, upla kum ai rayaka ra diara daukras kan baku. Kan ai kiamka nani kumi sin Debit kiamka iwaika ra iwbia apia Juda ra kli king aimaki kaia.”

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 29:11

Yang kaikisna man nani dukiam dîa daukaia lukisna ba, man nani ra yamni takaia daukaia sna, saura lika apia, man nani bîla kaikanka aihwa kum brima lukanka wal. Yang, Dawan, kasak aisisna.

Jirimaya 30:3

yua nani ba aula bamna baha yua ra upliki nani Israel Juda wal ba iwanka ba kli tawi wala ra lakamni. Yang, Dawan, kasak aisisna. Yang daukamna witin nani ai damika nani ra ai tasbaya prapati baku yabri ba ra kli tawi waia.”

Jirimaya 30:9

Witin nani bui yang warkki daukbia, ai Dawanka bara ai Gâdka sna, bara Debit ra, yang mita king mangkamni.

Jirimaya 31:27

Dawan ba kasak aisisa: “Yua kum balbia ba ra yang daukamni upla nani bara daiwan nani ailal kabia Israel ra bara Juda ra sin.

Isikiel 21:27

Aiska pali sauhki tikanka tara ra swimna, sauhki tikan, kau sauhki tikanka ra. Kuna naha na takan kabia, baha yang mita daukaia blikuna ba balbia, bara kasak lâka daukbia.

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Isikiel 34:29

Insla mangkan mâ ailal yabamna, bara witin nani kli plun wauhbia apia; nisan wala nani ba sin, witin nani lawaska kikbia apia.

Isikiel 45:8

Naha tasbaya Israel gabamintka tâ bri ba dukia kabia; baku gabamint tâ brabrira nani ba kli upliki nani ra taiban lâka ra bribia apia, kuna swibia Israel luhpia nani tasbaya kiamka bani ra.

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Oseas 1:11

Bamna Juda bara Israel wal kiamka asla daukbia, ai tila wina wihta kum mangki bribia, bara plis sut wina Jerusalem ra kli tawi balbia. ¡Jezreel yua kulkanka ba tara pali kabia!

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Sakaraya 3:8

Jasua, prîs tara, aman pali wals, prîs wala nani ba sin naha na walaia sa, kan man nani sut naika yang duki dadaukra Urhwi Takaia ba lilka kum sma.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 2:2

bara makabi walan: —¿Anira sa Ju nani kingka aisubi takan ba? Yang nani ai slilmika laih lalma ra kaikri, bara nahara balri witin ra luli kriki mayunaia.

Jan 1:45

Bamna Pilip lika wan Natanael pliki, bara naku win: —Yang nani waitna kum kaikri, witinka dukiara Moses bara prapit nani mita ulban kan ba. Baha ba lika Jisas Nasaret wina, Josep luhpia ba.

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

Hibru Nani 8:8

Sakuna Gâd mita ai uplika nani aimawahki tauki nani ba sakan, witin nani dukiara ulbanka ra wisata ba baku: “Dawan naku wisa: Yua nani balbia, bara Israel luhpia nani bara Juda uplika nani aikuki sin kli lâ raya kum daukamna.

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.