Jirimaya 23:4 - DAWAN BÎLA AISKA

⁴ Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 23:4 ပူးပေါင်းရင်းမြစ်များ

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 31:10

“Nisan nani, Dawan bîla ba wals maisa paks laih kabu un ra iwi nani ra: ‘Dawan ba Israel ra yakabi aihka sakan, sakuna asla daukan kabia bara main kaikan kabia, sepad ai sîpka main kaiki baku.’

Jirimaya 33:26

Jekob kiamka nani bara duki dadaukra Debit ba sip lulki swimna apia, Ebraham, Aisak, Jekob kiamka nani tila wina pura aimaki kaia wihtka ba sakras swimna apia. Witin nani ra luki kupi swapni lâka kli brimni, bara diara sut witin nani ra yamni takaia daukamni.”

Isikiel 36:11

Yabrika upla bara daiwan nani ba ailal pali sauhbia. Upla ailal pali takbia blasi piua ra kata baku; bara piu luan ba wal, man nani kau yamni kama. Baku mika damra wali banhma yang sika Dawan sna ba.

Libait Lâka 26:9

Yang bui man nani ra pain mai kaikamni, ailal sahwaia mai daukamna, man wal lâika ba ban alki bri kamna.

Miqueas 4:4

Upla nani sut ai wainka nasla nani ra, kwah damni dusa nani distika ra sin, ban ai kupia kumi iwi kabia, sibrin sin daukbia apia. ¡Dawan karnika nani sut bri ba ai bîla aisin ba kat kabia!

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Kulki Kaikanka 31:49

bara aisi banhwan: “Yang nani na man nani albikam nani, war aiklaklabra nani ba kulki kaiki banhri kumi sin pruras sa.

Jan 17:12

Yang naha tasba ra witin nani wal katna ba ra, man aikram ba sut main kaiki, kan kahbi bri kapri. Bamna witin nani wina kumi sin tiwras, sakuna witinka pat tiwan kata ba lika, Ulbanka dîa aisi ba aimakaia dukiara.

Jan 18:9

Jisas baku aisin, dîa witin pali aisata ba aimakaia dukiara: “Aisa mita aikan nani ba wina, kumi sin tiwras.”

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.