Jirimaya 23:28 - DAWAN BÎLA AISKA

^28-29 ¡Prapit kum yaprisauhkan kaikan kaka witin param wiaia sa: ‘Yaprisauhkan kaikri’, sakuna prapitka ba yang aisari walan kaka baha witin kasakka lâka kat aisaia sa! Sakuna plawar ba taya ba wal bâra kaia apia sa. Yang aisisna bîla ba pauta klauhan baku sa, amar baku sa walpa tara ba yuya man krikisa. Yang, Dawan, kasak aisisna.

Jirimaya 23:28 ပူးပေါင်းရင်းမြစ်များ

1 King Nani 22:14

Bara Micaías pana win: —¡Dawan nina mâki swer takisna, Dawan dîa ai wibia ba baha aisamna!

1 King Nani 22:16

Bara king bui win: —¿Aima an kat taibi mai munrika, Dawan nina ra diara kasak ba ai wima ki?

Sins Lâka 14:5

Witnis kasakkira sip kunin aisabia apia, kuna witnis kuninkira kunin nani man sâkbia.

Aiseya 21:10

Yang upliki nani, plawar ai mina ra taibi baku sma, karnika sut bri ba, dîa aisin walisna ba yang maisam pakisna.

Jirimaya 23:25

“Baha prapitka nani kunin aisi ba yang walri, witin nani ba yang nini bri aisisa, yang bui witin nani ra yaprisauhkan ra aisisna wisa.

Jirimaya 42:4

Jirimaya witin nani ra win: —Yamni aisaram. Man nani tâmwan Dawan Gâdki ra puri sunamni, man nani makabram ba baku, bara witin pana yang ra dîa ai wibia ba, yukukamna apia, sut mai wimna.

Jirimaya 9:12

¿Ya ba ban aitani sinskira pali sa baha tânka briaia? ¿Yaura Dawan baha tânka nani ba briaia marikan, bara witin tawi upla wala ra baha tânka wiaia? ¿Dîa muni kuntrika ba diara slingwan baku ba, lâwan upla iwras tasbaya baku ba, bahak sin upla impakras ba?

Jirimaya 9:20

Mairin nani, Dawan aisi ba wals, ai smalkanka nani ba aman wals. Luhpiam mairin nani smalks nahki inaia, uplikam mairin nani ra sin naku pura mata inaia smalks:

Isikiel 13:3

Naku win Dawan Gâd ba: ¡Alai, prapit taniskira nani, klauna ai spiritka nina baman bliki ba, bara diara kumi sin kasak kaikras ba!

Matiu 24:45

“¿Bamna ya pali ba alba kasak sinskira ba? Baha lika ai dawanka mita ai watla suliarka nani purara mangkan ba, witin nani ra piua kat plun dakakbia dukiara.

Luk 12:42

Pana Dawan bila: “Bamna, ¿ya ba alba kasak sins aitani sin kat bri ba? Baha ba lika ai dawanka mita ai watla dukia aiska ba ai mihta ra mangkuya ba, suliar nani utla ra ba ra piua kat plun yabi kaia dukiara.

1 Korint 4:2

Bamna, dukia dadaukra ba mita latan marikaia sa, witin ba ai dawanka ra kasak sa.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

1 Timoti 1:12

Wan Dawan Jisas Kraist ra yang tingki wisni, witinka mita warkki na daukamna wisi karnika aikan. Witin ra tingki wisna yang ra kasak ai kulkan bamna, bara ai warkka daukamna wisi ai mangkan bamna.