Jirimaya 23:26 - DAWAN BÎLA AISKA

²⁶ ¿Ahkia kat baha prapitka kuninkira nani witin nani luki ba wina yaka ai lukanka kat aisi ba ban aisi kabia?

Jirimaya 23:26 ပူးပေါင်းရင်းမြစ်များ

Lawana Nani 4:2

Man nani, upla tara sma lukisma ba, ¿ahkia kat man nani, yang kulkanki lâka ra saura aisi wima? ¿Ahkia kat, man nani lihki blîkma diara tânka âpu nani ba kunin lâka, bahki baman ba?

Aiseya 30:10

Diara kaiki nani ra witin nani wisa: “Lilka aihka nani bâra ba man krikpara.” Prapit nani ra sin wisa: “Diara rait param mariki ba yang nani ra ai wipara; bîla damni swapni ba baman aisi bas; diara kupi lilia dauki nani ba yang wina sâkpara.

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Jirimaya 14:14

Bamna Dawan pana ai win: “Prapit nani ba yang nini bri baku aisisa kaka, kunin aisisa. Yang bui witin nani ba blikras, witin nani ra sin yang aisaras, witin nani aisaia sin yang wiras. Witin nani nahki kunin aisaia tânka ba param kaikan, upla ra kunin munaia tânka ba param brin, ai lukanka kat luki kaikan ba. Baha prapitka nani ba sika naha kunin aisaia dahra ba man nani ra aisisa.

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Oseas 8:5

¡Sameria, baha bîpka lilka lupia ra, yang misbara kaikisna ba ra, man puram sunisma! Bîpka ba mapara kupi baiwanka ba lapta pali takan sa. ¿Baha tâskika ba wina, Israel luhpia nani ba ahkia kat klin takbia ki? ¡Baha Sameria bîpka lilka lupia ba, Gâd apia! Baha lika diara papaskra kum mita paskan, bara yu kum yuya man krikan kabia.

Apastil Nani Sturka 13:10

naku win: —Man kuninkira, saurakira, dibil luhpia, diara pain nani sut wailhka sma ba. ¿Dîa kan man Dawan yabalka wapni nani ba warbi lakaia munisma?

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

2 Pita 1:21

Kan prapit nani lika, aima kumi sin upla lâka kat ai kupia wina diara saki aisaras kan. Sakuna, witin nani lika upla nani kan, bara Spirit Holikira mita tâ bri kan ba mita, Gâd wina diara brih aisi kata.