Jirimaya 23:21 - DAWAN BÎLA AISKA

²¹ “Baha prapitka nani ba yang mita blikras, yang sin witin wal aisaras pali, sakuna witin nani plapi taki wan yang nini brih aisaia.

Jirimaya 23:21 ပူးပေါင်းရင်းမြစ်များ

Aiseya 6:8

Baha ningkara Dawan bîla baikra ba walri, naku win: “¿Ya pali ba blikrika wabia? ¿Ya yawan wan dukiara wabia ki?” Bara yang pana aisari: “Yang nâra sni, yang ai blîks.”

Jirimaya 14:14

Bamna Dawan pana ai win: “Prapit nani ba yang nini bri baku aisisa kaka, kunin aisisa. Yang bui witin nani ba blikras, witin nani ra sin yang aisaras, witin nani aisaia sin yang wiras. Witin nani nahki kunin aisaia tânka ba param kaikan, upla ra kunin munaia tânka ba param brin, ai lukanka kat luki kaikan ba. Baha prapitka nani ba sika naha kunin aisaia dahra ba man nani ra aisisa.

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Jirimaya 27:14

Baha prapitka nani ra walpara Babilon kingka ra bawaia apia mai smalki ba, baha man nani ra mai wi ba kunin.

Jirimaya 27:15

Dawan kasak aisisa baha nani ba witin mita blikras; Dawan nina ra witin nani kunin aisisa. Bamna witin nani bui man nani ra mai yakabaia dauki ba baku, man nani bara witin nani baha baku mai smalki ba aikuki pruma.”

Jirimaya 28:15

Bara Jirimaya bui Hananías ra win: —¡Hananías, wals! Dawan bui man ra mai blikras kan, man bui naha uplika nani ra kunin ra kasak lukaia baman smalkisma.

Jirimaya 29:31

“Babilon ra brih wan silak ra uplika nani sut ra bîlam bliki wis yang, Dawan, witin nani ra wisna: Baha Semaías, Nehelam tawanka wina ba man nani ra yang nini bri aisi ba yang bui witin ba blikras, yang sin man nani ra mai wiras kunin ra kasak lukaia,

Jirimaya 29:8

Yang, Dawan, karnika sut brisna, Israel Gâdka, man nani ra naha maisam pakisna: Dahra aisi nani ba mita bara diara kaiki uplika nani tilamra iwi ba mita swirka kunin mai munbiara; witin nani yaprisauhkan kaiki aisi ba walpara.

Jirimaya 29:9

Witin nani bui yang nini bri aisi ba kunin. Yang bui witin nani ba blikras. Yang, Dawan, kasak aisisna.’

Jan 20:21

Baha ningkara Jisas kli win: —¡Kupia kumi lâka man nani wal kabia! Aisa mita yang ai blikan ba baku, yang mita man nani ba mai blikisna.

Apastil Nani Sturka 13:4

Bernabé Saulo wal ba Spirit Holikira mita blikan bamna, witin nani Cilicia ra iwi wih, baha wina duri tara kum ra aimaki Chipre kî dakura ra wan.

Roman 10:15

¿Bara nahki sturi yamni ba smalkbia, blîkka wih smalkaia ba âpu sa bamna? Ulbanka ra wi ba baku: “¡Kupia kumi lâka sturka bara sturi yamni smalkaia brih aula uplika mina nani ba painkira pali sa!”