Jirimaya 23:16 - DAWAN BÎLA AISKA

¹⁶ Karnika sut bri ba, Dawan, aisisa: “Israel luhpia nani, prapit nani aisi ba walpara. Witin nani aisi ba kunin baman aisisa, witin nani luki kaiki si ban baku aisisa yakan, yang bui witin nani ra diara wiras.

Jirimaya 23:16 ပူးပေါင်းရင်းမြစ်များ

1 King Nani 22:11

Bara Sedequías, Quenaaná luhpia ba, ayan ni bîp aringka nani daukan bri kan, bara naku winan: “¡Dawan naku wisa: ‘Naha aringka nani wal Siria uplika nani sut ba mangki âpu pali daukamna!’ ”

2 King Nani 17:15

Bara witin nani ai lâka nani ba lulki swin, bara sin ai damika nani wal lâ aisi daukan kan ba sut krikan, baha tânka bribia dukiara kaina wina ulbi swin kan ba witin nani dukiara. Bara baku gâd bahki nani ba nina blikan, bara witin nani ba sin bahki baman takan. Baha purkara sin, nisan sât wala nani witin nani ai lamara iwi nani kan ba ninara wan, baha pali dukiara sika Dawan mita pat win kan daukbiara naha uplika nani dauki ba.

2 Kronikas 18:5

Bara Israel kingka mita prapit nani 400 asla dauki, witin nani ra makabi walan: —¿Ramot Galaad tasbaya ba mapara war aiklabaia wamna, apia kaka wamna apia ki? Bara prapit nani ba win: —Was bara aiklas, Gâd bui king lâka ba man mihtam ra mangkbia bamna.

Sins Lâka 19:27

Luhpi, lawi dauki smalkanka tânka ba walaia apia swima kaka, sins lâka tânka yamni ba wina mamwahkma.

Jirimaya 14:14

Bamna Dawan pana ai win: “Prapit nani ba yang nini bri baku aisisa kaka, kunin aisisa. Yang bui witin nani ba blikras, witin nani ra sin yang aisaras, witin nani aisaia sin yang wiras. Witin nani nahki kunin aisaia tânka ba param kaikan, upla ra kunin munaia tânka ba param brin, ai lukanka kat luki kaikan ba. Baha prapitka nani ba sika naha kunin aisaia dahra ba man nani ra aisisa.

Jirimaya 2:5

Dawan aisisa: “¿Almukkam nani ba dîa saura daukri ai kaikan, baha tâwan yang wina laihura taki wan ba? Gâd apia diara bahki nani ba ninara witin nani wan, bara witin nani sin baku diara bahki takan.

Jirimaya 23:21

“Baha prapitka nani ba yang mita blikras, yang sin witin wal aisaras pali, sakuna witin nani plapi taki wan yang nini brih aisaia.

Jirimaya 23:26

¿Ahkia kat baha prapitka kuninkira nani witin nani luki ba wina yaka ai lukanka kat aisi ba ban aisi kabia?

Jirimaya 29:23

Witin nani ra baku takbia, kan Israel wina tâski daukaia dukia nani daukan bamna: ai uplika maya nani lâka krikan, yang nini bri kunin manis aisin, baku aisaia wiras katna ba. Yang baha kaikisna, yang ra param sa. Yang, Dawan, kasak aisisna.’ ”

Jirimaya 29:8

Yang, Dawan, karnika sut brisna, Israel Gâdka, man nani ra naha maisam pakisna: Dahra aisi nani ba mita bara diara kaiki uplika nani tilamra iwi ba mita swirka kunin mai munbiara; witin nani yaprisauhkan kaiki aisi ba walpara.

Jirimaya 9:12

¿Ya ba ban aitani sinskira pali sa baha tânka briaia? ¿Yaura Dawan baha tânka nani ba briaia marikan, bara witin tawi upla wala ra baha tânka wiaia? ¿Dîa muni kuntrika ba diara slingwan baku ba, lâwan upla iwras tasbaya baku ba, bahak sin upla impakras ba?

Jirimaya 9:20

Mairin nani, Dawan aisi ba wals, ai smalkanka nani ba aman wals. Luhpiam mairin nani smalks nahki inaia, uplikam mairin nani ra sin naku pura mata inaia smalks:

Inanka Nani 2:9

Tawan getka nani sut tasba ra baman kauhan sa, ¡waihla nani alki takaskaia kutbanka kan ba sin sut kriki tiwan sa! Ai wihta tara nani bara ai kingka nani sin idan nani tilara sa; Dawan lâka bîla nani sin âpu sa. ¡Witin nani tilara, prapit nani sin kli diara aihka nani kaikras sa Dawan wina!

Isikiel 13:16

Israel prapitka nani Jerusalem dukiara kunin smalki nani ba, bara diara tânka kaiki nani ba kupia kumi lâka ra aisi kan, sakuna kasak pali ba lika baku apia kan.’ Yang, Dawan, kasak aisisna.

Isikiel 13:23

Baha mita man nani kli diara lilka kunin kaikaia tânka kaikma apia, dahra kunin aisaia tânka sin brima apia. Yang upliki nani ba swaki sakamna man nani karnikam wina, bara damra walma yang sika Dawan sna ba.’ ”

Isikiel 13:3

Naku win Dawan Gâd ba: ¡Alai, prapit taniskira nani, klauna ai spiritka nina baman bliki ba, bara diara kumi sin kasak kaikras ba!

Isikiel 13:6

Witin nani diara kaiki ba kunin baman, dahra aisi ba sin kunin. Witin nani wisa Dawan aisi ba yang nani aisisna, sakuna yang, witin nani ba blikras. ¡Baku ban witin nani dîa aisin ba baku takbia bîla kaikisa!

Isikiel 22:28

Prapit nani ba diara kasak ba yukukisa, kutbanka pihni dauki baku; diara nani kaikisa wisa, bara dahra aisisa kuna ningkara sut ba kunin man takisa. Yang nini ra aisisa wisa, kasakka ba yang bui witin nani ra wiras.

Miqueas 2:11

Kunin aisasara kum, upla nani ra kunin muni dahra aisi wibia: “Yang lika wain laya bara laya tahpla dukiara aisi wisna”, baha sât prapitka sika naha uplika nani na brin daukisa.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Roman 1:21

Bamna baku Gâd ra kakaira sa, sakuna Gâd ra mayunras bara tingki sin wiras. Kau ni diara bahki nani ra baman ai lukanka mangkan, bara witin nani ai kupia tanis ba tihmia ra bamna, ba kat takaskan sa.

1 Jan 4:1

Muihki laitwankira nani, Spirit brisa wisi aisi nani ba sut ra kasak lukpara, sakuna tânka nani ba pliki kaiks, Spirit brih aisi ba sut Gâd wina sa sapa. Kan tasba na prapit kuninkira nani ni aibanhwan sa, bamna wisa dîa witin nani aisi ba lika Gâd wina baman sa.