Jirimaya 23:10 - DAWAN BÎLA AISKA

¹⁰ Kuntrika na ra maya lâka sasauhkra waitnika nani banhwan, diara saura daukaia plapi tauki uplika nani, karnika yan ba ni saura ba daukisa. Baha tâwan Dawan mita tasbaya ba lahtubisa, bara tasba ba lâwan, twi nani sin upla iwras tasbaya ra kan ba aman.

Jirimaya 23:10 ပူးပေါင်းရင်းမြစ်များ

Esdras 10:18

Naha prîska nani na sika tringsar mairin nani ba ai maya brin ba: Jasua kiamka nani ba wina, Josadac luhpia waitna ba, ai taya nani tila wina: Maaseías, Eliézer, Jarib bara Guedalías,

Lawana Nani 107:34

tasba pain kata ba, sâl tasbaya daukisa, bahara iwi ba uplika nani saurka tâwan;

Aiseya 24:6

Baha tâka sika, lahtubanka kum mita tasba na âpu daukan, iwanka watla nani ba sut bîla man swin, baha tâka mita, upla nani bahara iwi kan ba sin sut âpu daukan. Upla nani ba maura man swin.

Aiseya 5:18

Man nani ra saura pali kabia kan kunin lâka ni watawika lâka ra raskisma ba, saura lâka ba raski brih auma wagin kum raski ba baku.

Jirimaya 12:11

Upla iwras tasbaya bîla man dauki swin, bara yang kaikisna ai pura mata inisa. Kuntrika aiska ba upla iwras tasbaya takan sa, sakuna upla kumi sin baha kaiki trabil taki lukras sa.

Jirimaya 14:2

“Juda sari bri inisa, tawanka tara nani sari ba mita, upla nani ba tasba kat prawisa. Jerusalem sin hilp brin dauki wini inisa.

Jirimaya 6:13

“Tara nani bara sirpi nani ba, upla sut, saura dauki wina baman lalah briaia lukisa; prapit nani prîs nani sin sut, upla ra taibi lalahka dakbaia warkka daukisa.

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Jirimaya 9:12

¿Ya ba ban aitani sinskira pali sa baha tânka briaia? ¿Yaura Dawan baha tânka nani ba briaia marikan, bara witin tawi upla wala ra baha tânka wiaia? ¿Dîa muni kuntrika ba diara slingwan baku ba, lâwan upla iwras tasbaya baku ba, bahak sin upla impakras ba?

Jirimaya 9:2

¡Aitani lukaina upla iwras tasbaya ra iwaia pliska kum sakri kaka, upliki nani tila wina laihura waia! Kan witin nani sut ba kasak lukras nani takan sa; upla wala pât ra lalulkra daknika atia takan.

Oseas 7:4

Witin nani sut ba ai maya lâka krakrikra atia: brit angkaika kubuska baku sa, pauta muki swin ba ra, pauta mamukra ba, krauhni puskaia bîla kaiki ba baku sa.

Joel 1:10

Insla nani bilara diara âpu dauki swin sa, tasba ba kwala siksa dimi sari sa. Plawar mâ nani ba âpu takan, wain nasla ra, wain kiwka nani ba sut lâwan, oliv dusa nani ba sin sut srawan oliv batana laya sin âpu.

Libait Lâka 5:1

“Upla kum bui upla wala saura dauki kan kaikan, bara baha witniska ba aisaia lâ watla ra paiwan, sakuna witin baha dahra ba aisaras yukukbia kaka, saura daukisa. Uplika saura daukan saurka ba witin purara kabia.

Sofonías 3:4

Ai dahra aisasarika nani ba, saura daukisa kunin lâka ra; ai prîska nani ba, Dawan lâka kriki bara Dawan wal prawaia watla holi ba bahki lâka ra daukisa.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

1 Timoti 1:10

marit takras tâski lâka dauki nani ba, waitna ai tahkia wal tâski lâka dauki nani ba, upla ai tahkia ra impliki nani ba, kuninkira nani, swer taki kunin aisi nani ba sut, wibia sa kaka, ani uplika nani smalkanka kasak ba mapara bûi ba tani ra lâ ba bâra sa.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.