Jirimaya 22:8 - DAWAN BÎLA AISKA

⁸ “Baha ningkara nisan ailal uplika nani ba naha tawanka bâk bal lubia, bara pana pana ai walka ra makabi walbia: ‘¿Naha tawanka tara na dîa muni Dawan mita naku sauhkan?’

Jirimaya 22:8 ပူးပေါင်းရင်းမြစ်များ

Jirimaya 16:10

“Naha bîla nani na man bui witin nani ra wima ba ra, upla nani ba pana man ra mamkabi walbia: ‘¿Dîa muni Dawan baha saurka tara ba yang nani maipara daukaia baku adar yaban? ¿Dîa saurka yang nani Dawanki Gâdki mapara dauki banhri ki?’

Jirimaya 40:2

Bara kamandanti ba Jirimaya ba brih wan witin wal man taki aisaia, bara witin win: “Dawan Gâdkam naha tasbaya purara pât saura blikaia aisin,

Jirimaya 40:3

bara nanara witin aisin ba baku takan. Naha naku man nani ra takan na, man nani bui Dawan mapara saura daukram witin ai bîla wali daukras kapram ba tâka mita.

Inanka Nani 4:12

Tasba kingka nani baku sip kasak lukras kan, tasba aiska ra king aimaki nani ba sin, waihla bara lahma nani ba, Jerusalem getka nani bâk bal dimbia.

Isikiel 12:16

Sakuna yabrika upla kum kum war wina swakwi takbia, plun wahwan, bara siknis nani wina. Ani nisanka ra wabia sut ra, witnis aisabia yamni apia diara nani daukan ba dukiara, baku ai dahra walbia yang sika Dawan sna ba.”

Isikiel 14:23

Witin nani ai maisa nihkan kabia, baha dukia nani witin nani daukan ba kaikbia ba ra. Baha ningkara man tâinka brima Jerusalem ra yang baku daukri ba tânkas daukras sna ba. Yang, Dawan, kasak aisisna.”

Isikiel 39:23

Bara nisan tringsar nani ba nu takbia Israel luhpia nani ba alki upla wala tasbaya ra brih wan ba witin saura daukan ba tâwan, kan witin nani lika yang wal kasak apia kan; bara yang lika witin nani ra kaikras maiwan lakri bara swiri ai waihla nani ba mita pura luaia bara war ra sut ikaia.

Isikiel 5:15

Yang kupi baiwan ra man nani mampara lâ daukamna piua ra, klala karna pali maikamna, bara upla sut saura mai aisi lamwaska kiki kabia, kainam kir ra iwi uplika nani mawanra sin klala karna brima, bara tawan kir mai bribia ba ai tânka bribia. Yang, Dawan, baha aisari.

Daniel 9:7

Man lika Dawan kasakkira sma, sakuna yang nani Ju nani ba naiwa wan swira tara sa, baha nani Jerusalem ra iwi ba Israel luhpia nani sut sin, baha nani wan lamara ba bara laihura ba sin, witin nani man bîlam kulkras kan ba tâwan plis plis ra yakabram sa.