Jirimaya 22:30 - DAWAN BÎLA AISKA

³⁰ Dawan aisisa: “Man nani naha waitnika na ulbi swis waitna kum luhpias kan baku, upla kum ai rayaka ra diara daukras kan baku. Kan ai kiamka nani kumi sin Debit kiamka iwaika ra iwbia apia Juda ra kli king aimaki kaia.”

Jirimaya 22:30 ပူးပေါင်းရင်းမြစ်များ

Job 18:19

Ai uplika nani tilara ai kiamka sin âpu kabia, ai watla bilara sin upla kumi sin raya swin kabia apia.

Lawana Nani 94:20

Man sip wihta saura nani wal uplikam takras, witin nani saura daukisa lâ ba mapara;

Jirimaya 10:21

—Naha tawanka ra sepad nani ba sinskas atia sa; witin nani Dawan ra plikras. Baha tâka mita sika witin nani kauhan ba bara daknika ba yakawi tanis man tauki banhwisa.

Jirimaya 2:37

Idsip wina swiram tara daukka tawi balma, baha nani man ra pain mai kulki ba yang mita lulki swiri, witin nani wal pain sma ba wina diara brima apia.”

Jirimaya 22:2

Juda kingka mawanra bûi, Debit iwaika ra iwi ba wihta tara nani ba mawanra sin, upla nani tawan ra ba sin wali kaka aisas:

Jirimaya 29:32

yang Dawan sna ba, wisni Semaías ba klala yabamna, ai kiamka nani ba sin. Witin ai kiamka nani wina upliki tilara âpu kabia, upliki nani ra lilia lâka yabaisna ba tilara sin lilia bribia apia, witin ai bîla nani aisi kan ba mita upliki nani ba yang maipara buan bamna. Yang, Dawan, kasak aisisna.”

Jirimaya 36:30

Baha aitani, daukram nanara, yang, Dawan, Joaquim, man Juda kingka ra, mai wisni man kiamkam wina Debit iwaika ra iwbia apia. Man sin pruma bara kakna ra lata lapta ra prawi kama, tihmia ra lata kauhla ra prawi kama,

Jirimaya 52:10

Sedequías kaiki kan luhpia waitna nani ba nana dakbi ikan, Juda wihtka tara nani ba sin baku ikan.