Jirimaya 22:14 - DAWAN BÎLA AISKA

¹⁴ Man aisisma: ‘Yang waitla tara pali aihwa kum mâkaisna, rum bîla tarka tara nani paskamna pura rumka ra.’ Windar nani sin paskisma, tnaya ba yalam tatka sabisma, prâka pauni dingkisma.

Jirimaya 22:14 ပူးပေါင်းရင်းမြစ်များ

2 Samuil 7:2

bara witin prapit Natán ra win: —Nahki man kaikaia sip sma, yang lika yalam ni mâkan watla bilara iwisna, sakuna Dawan lâka auhbaia watla ba lika kwala kutbanka bilara brisa.

2 Kronikas 3:5

Bara watla bahamna dusa ba Chipre dusa wal paskan bara gul aihwa wal lalauban, bahara supa dusa wahia sâtka nani bara sîn nani wal purara bukan.

Sins Lâka 17:19

Ya uplika saura munaia lihki ba, unsabaia sin lihkisa. Ai mayunra ba ban ai wîna ra sauhki tikisa.

Sins Lâka 24:27

Bisniskam nani ba yabal ra dauks bara namsla ra sin ridi dauki bris warkkam nani ba; bara baha ningkara wamtla ba mâkma.

Yamni Kulki Lawana 1:17

Yalam dusa nani ba, utla bînka nani sa, saiprus nani ba lika, utla bahna wan pura praki ba.

Aiseya 9:9

bara upla nani sut ba tânka bribia, Efraín bara Sameria ra iwi nani ba sut. Praut lâka wal ai kupia ra aimayuni aisi ba:

Isikiel 23:14

Sakuna witin kau laihura wan, ur taki lâka ra: utla tnaya ra Babilon lilka nani kaikan, kusbi bara pauni ni ulban kan; sut ba suldiar tara nani baku lâka daukan kabia, ai maisa wilkaika bara ai nana wila ba dukiara.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”

Hageo 1:4

“¿Bara dîa man nani baman lika utla pranakira ra dimaia piua brisma, bara yang tempelki ba lika kli paskaia piua kau aimakras ba tâka, sauhki tikan ra ban kaia?

Malaquía 1:4

Bara Edom tasbaya uplika nani Isau masraka ba, witin nani naku aisabia kaka: “Wan tawanka nani sauhki tikan sa, ban sakuna yawan wan nisanka na kli bukaia sa”, karnika sut bri Dawanka ba pana aisabia: “Âu, witin nani kli bubia kaka, sakuna yang mita kli slingbamna. Witin nani ai tasbaya nina ba ‘Watawika lâka tasbaya’ mâkbia, bara ‘Dawan mita baha nisanka ra ban kaia ra ai kupia baiki ba.’ ”