Jirimaya 21:7 - DAWAN BÎLA AISKA

⁷ Baha ningkara Sedequías, Juda kingka ba Nabucodonosor mihta ra mangkamna, ai waihla upla âikra nani ba mihta ra, wihtka tara nani ba daknika nani ba sin mihta ra mangkamna, war lubia bara siknis saura ba sanglang ba sut lubia ningkara kau pruras raya uplika nani ba. Baha yang daukamna, kuna pruras swakwan nani ba sin sord ni ikaia kupia pihni lâka âpu umpira kaikan lâka luha ikbia. Yang, Dawan, kasak aisisna.

Jirimaya 21:7 ပူးပေါင်းရင်းမြစ်များ

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Jirimaya 13:14

Bla takbia bara lî watla nani kalki baku kalkamna, pana pana mapara kabia, aisika nani luhpia nani sut baku daukbia. Witin nani ra luki kupi kriwan takbia apia: pâtkas umpira wimna apia; yamni kaikras lâka ra. Yang, Dawan, kasak aisisna.’ ”

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Jirimaya 15:5

“Jerusalem, ¿ya man nani tâmwan kupia swapni takbia ki? ¿Ya pali man nani ra umpira mai kaikbia ki? ¿Ya pali man nani wînam aiska yamni kaia dukiara mai lukbia ki?

Jirimaya 15:9

Luhpa ailal bri kan yaptika nani ba kupia lap tiwan kauhan, sip ai wingka puhbras kan; swira paskan mâyara batakan, lapta ingnika ba witin nani ra tihmia takan. Tila kau raya ba, yang yabrika waihla nani mita ikaia. Yang Dawan ba, yang bîli mai wisna.”

Jirimaya 19:7

Juda Jerusalem wal diara nani daukaia luki kaikan ba, yang naha tasbaya ra baha yuya sirpi daukamna. Yang daukamna ai waihla nani upla âikra nani ba mita bal iki pura luaia, bara wîna nani ba tnawira wîna papira nani ba daiwan wail nani pata takbia.

Jirimaya 20:4

Kan Dawan aisisa: ‘Man silp sirang iwi kaia mai daukaisna, uplikam nani ra sin sirang iki kaia; man namkra ni kaiki kama man uplikam nani ba waihlam nani sordka ra kauhi kabia. Juda uplika nani ba sut Babilon kingka mihta ra mangkamna, upla tila witin Babilon ra brih wabia, wala nani skiru ni ikbia.

Jirimaya 22:25

waihlam upla âikra nani ba mihta ra mai mangkaia, man baha nani sîa pali mai dauki ba, Nabucodonosor Babilon kingka, Caldea uplika nani ba mihta ra aimakma.

Jirimaya 27:6

Baha ba aitani, yang mita naha tasbaya nani sut na warkki dadaukra Nabucodonosor, Babilon kingka karnika bri ba mihta ra yabri sa, daiwan wail nani ba sin witin lâ dauki ba munhtara kabia.

Jirimaya 32:4

bara baku sin Sedequías king ba Caldea uplika nani bui ban swibia apia, sakuna kauhbia Babilon kingka karnika ra, bara witin ai mawanra wan kabia.

Jirimaya 34:3

Bara man sip swak takma apia, ai mihta ra kauhma; witin nani mai alkbia Nabucodonosor ra mai brih waia, witin ai mawanra mai brih wabia ba ningkara, witin nani Babilon ra mai brih wabia.

Jirimaya 36:29

Wis naku ulbaia: ‘Dawan naku aisisa: Wauhkataya ulban ba man brih angkram, bara Jirimaya ra sin lawi daukram baha ulban ba tâwan, witin ulban Babilon kingka ba balbia, bara kuntrika na sauhkbia upla kum sin âpu, daiwan kumi sin âpu kabia.

Jirimaya 37:17

Bara king Sedequías ai bîla blikan Jirimaya ba saki king watla ra brih wabia, bara witin nani Jirimaya ba king mawanra brih wan; bara yukuwan ra king ba witin ra makabi walan: —¿Dawan wina bîla blikan kum bâra sa ki? Jirimaya pana win: —Âu, naku ai bîla blikan sa: King ba Babilon kingka mihta ra mangkan kabia wisa.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Inanka Nani 2:20

Dawan, man kaiks, kainara naha sut dukia upla kumi ra sin daukras kapram ba. ¿Yapti kum ba ai luhpia swap lupia tiala ra bri ba piaia sip sa ki? ¿Prîs nani bara prapit nani ra sin, Dawan watla bîla ba kat ikaia sa ki?

Inanka Nani 2:22

Tnaya bani wina pât nani yaram balan, lilia daukaia kum ra auya kan baku; Dawan, man lawankam yua ra, upla kumi sin âpu kan baha wina swak takaia. Baha nani yang bui pakri bara sins lâka sin smalkri kata ba, sut waihla nani bui iki tikan sa.

Isikiel 23:28

“Naha yang, Dawan, mai wisni: Man nisan nani ra misbara kaikisma ba karnika mihta ra mai mangkamni, man mita sîa aikaban mai dauki ba.

Isikiel 7:9

Umpira kaikan lâka ni mai kaikamna apia; klala maikaisna daukankam ba kat, maikrika man diara saura pali nani daukram ba mana aibapma. Bara man nani tânka brima yang, Dawan, man nani ra klala maikisna ba.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Kli Smalkanka 28:50

upla mawan kraskira nani kabia, almuk nani ra kulkras kabia, tuktan nani ra sin latwan kaikbia apia.