Jirimaya 21:4 - DAWAN BÎLA AISKA

⁴ “Sedequías ra wis Dawan, Israel Gâdka ba aisisa: ‘Yang daukaisna tawan kutbanka lata tani ra, man nani daknikam Babilon nani Caldea uplika nani mapara aiklabi ba kli ai ninara tawaia, bara baha nani sut tawan lila kat asla daukamna.

Jirimaya 21:4 ပူးပေါင်းရင်းမြစ်များ

Aiseya 10:4

Witin nani bahki mai kulkbia bara silak ra mai mangkaia mai brih wabia, pruan ba nani tilara ikan kabia. Baha sut daukan kabia, ban sakuna, Dawan ai kupia baiwanka ba takaskbia apia; ai mihta bukan ba ban sa.

Aiseya 13:4

Kwâra tara winanka walisa, il nani tilara; upla ailal bâra baku sa. Nisan nani kârma binka ba walisa upla ailal aidrubi asla takan nani ba wina, karnika sut bri Dawanka kli laki kaikisa ai dakni ba aiklabaia ridi takan ba.

Aiseya 5:5

Man nani ra mamrikamni, nanara yang wainki nasla ra daukamna ba: kutbanka ba sakamni, bara bal sauhki tikan kabia; kutbanka ba krikamni, upla ai mina ra taibi sauhki daukbia.

Jirimaya 20:4

Kan Dawan aisisa: ‘Man silp sirang iwi kaia mai daukaisna, uplikam nani ra sin sirang iki kaia; man namkra ni kaiki kama man uplikam nani ba waihlam nani sordka ra kauhi kabia. Juda uplika nani ba sut Babilon kingka mihta ra mangkamna, upla tila witin Babilon ra brih wabia, wala nani skiru ni ikbia.

Jirimaya 21:3

bara witin mita tawi Sedequías ra blikan waitnika nani ba ra win:

Jirimaya 32:24

‘Bara Caldea uplika nani balan tawanka kir ba kutban witin nani mapara aiklabaia, aiklabi kan ba mita, plun wahwan siknis nani ba mita, tawan ba waihla nani aiklabi ba mihta ra kauhaia kan. Dawan, man mita dîa takaia wiram ba baku takan ba kaikisma.

Jirimaya 32:3

Sedequías kingka mita blikan wan silak mangkaia, kan Jirimaya naku aisin kan: “Dawan bila: ‘Yang daukamni naha tawanka na Babilon ai karnika bri ba mihta ra kauhbia,

Jirimaya 32:5

Nabucodonosor mita Sedequías ba alki Babilon ra brih wabia, witin bâra kabia, yang mita kli witin ra wark yabamna ba kat. Ban kra man nani Caldea uplika nani mapara aiklama, sakuna diara yamni takbia apia. Yang, Dawan, kasak aisisna.’ ”

Jirimaya 35:17

Baha mita yang, Dawan karnika sut brisna ba bara Israel Gâdka, mai wisna: Yang daukisna Juda bara Jerusalem wal purara, uplika nani ba purara pât nani balaia wîri ba balbia. Kan yang bui man nani ra aisari, sakuna man nani ai walras; man nani ra mai winri, sakuna man nani pana yang ra aisaras.’ ”

Jirimaya 39:3

Babilon kingka watla ra wihta nani ba, Nergal-sarézer, Samgar-nebó, Sarsequim, kli wihta tara wala Nergal-sarézer sin, witin nani tawan lilara getka ba ra dimi takaskan, wihta tara nani ba sin.

Jirimaya 52:18

Naha diara wala nani na sin brih wan: yamhpus auhbaika nani ba, subil nani ba, diara nani klin daukan dukia nani ba, kâp tara nani ba, ispan tara nani ba bara diara watla paskan pura sunra dauki yus muni dukia nani kan ba sut kwahkan.

Inanka Nani 2:3

Witin ai kupia baiwanka ra, Israel karnika aiska ba klaki dakban. Yawan wina laihura sakan ai hilpka karnika ba, wan waihla mapara buan piua ra; ¡Jekob ra pauta laknika kum yan klauhan, sauhki tiki kan dîa wal prawi bani ba!

Inanka Nani 2:5

Dawan ba waihla kum baku takan sa: witin bui Israel aiska ba sauhki tikan; ai wihtka tara watla nani sut sauhki âpu tikan, ai kan kahbaika pliska nani sut batakan, bara sarka lâka, inaia lâka ba kau ailal daukan sa Juda luhpia mairin tilara.

Inanka Nani 2:7

Dawan mita ai altarka ba bahki kulkan bara Dawan wal prawaia watla ba sut tikan; bara kutbanka tara kata ba sut, witin bui waihla nani mihta ra mangkan. ¡Ini yahwi binka tara kum sin takisa Dawan tempelka ra, liliaka yua tara kum ra baku!

Isikiel 39:3

Bara pantamangka mihtam smihka ra bri kama ba yabrika kauhbia, trisbaya nani mihtam aihkika ra bri wama ba sin kauhaia daukamna.

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Sakaraya 14:2

Baha yua, Dawan mita nisan nani sut ba asla daukbia, Jerusalem mapara aiklabaia. Witin nani tawan tara ba pura lubia, watla wina diara sut saki bribia, mairin nani ra sin alki saura muni, tawanka bakriki uplika nani ba alba briaia brih wabia. Bakriki baman Jerusalem ra takaskbia.

Matiu 22:7

Bara king ba kasak pali ai kupia baikan, bamna ai suldiar nani blikan baha upla âikra nani ba iki tikaia, bara ai tawanka ba sin angkka luaia.