Jirimaya 21:11 - DAWAN BÎLA AISKA

^11-12 ‘Juda kingka watla uplika nani ra, Debit watla uplika nani ra, yang aisisna na wis: Dawan maisa paki ba wals: Wapni lâka ba yu bani dauks; tataibra nani ba mihta wina taiban uplika nani ba pri sâks, apia kra, daukankam saura nani ba mita kupi baiwbia bara pauta klauhan baku takamna, angkamna bara upla sip daskbia apia.

Jirimaya 21:11 ပူးပေါင်းရင်းမြစ်များ

Jirimaya 13:18

“King ra, yaptika ra sin wis: ‘Man nani iwaikam ba wina, man nani tasba ra iws, kan man nani lamla wina kraunka pramna kata ba kauhan bamna.’

Jirimaya 17:20

Bara upla nani ra wis: ‘King nani bara Juda uplika nani sut, Jerusalem uplika nani sut naha get nani bâk bal dimisma ba,

Jirimaya 22:1

Dawan bui ai win: “King watla ra was bara naha maisa pakanka na wis

Jirimaya 22:18

Bamna Dawan Joaquim, Josías luhpia waitna Juda kingka ba dahra aisisa: “Witin prubia ba sarka inaia upla âpu kabia. Upla kumi sin âpu kabia pura mata ini aisaia: ‘¡Alai, muihki! ¡Alai, laikra! ¡Alai, Dawan! ¡Alai, king tara!’

Miqueas 3:1

Man nani wihtka nani, Israel tâ uplika nani aimakisma ba, nanara yang aisanki na wals: ¿Kasakka lâka tânka briaia ba, man nani warkkam sa apia?