Jirimaya 20:9 - DAWAN BÎLA AISKA

⁹ Yang naku wimna: “Yang Dawan ra kau luki kamna apia, witin ai nina bri yang kli aisamna apia”, bara man aisinkam nani ba biaira bilara ai angkisa pauta klauhan baku, ai sauhkisa dusi nani kat. Bapi buaia trai munisna, sakuna sip apia.

Jirimaya 20:9 ပူးပေါင်းရင်းမြစ်များ

Lawana Nani 39:3

¡yang kupi ba, lapta taki kan pauta ai ami baku! Yang kupi ra luki katna bara kupi bilara pauta buki klauhan, bara yang bîli baikra tara aisari:

Jirimaya 23:9

Baha bîla prapit nani ra aisin ba: Kasak pali yang ra ai turban; wîni aiska tatatbisa, laya tahpla diri baku sna, waitna kum wain mita pura lui taiban ba, Dawan tâwan sika ai bîla holi ba tâwan sin.

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Isikiel 3:3

Baha ningkara ai win: “Nanara langks naha ulbanka maikuna na, bara baha wal biamra banhki dauks.” Yang piri, bara bîli ra damni kata, nasma baku.

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Jona 1:2

“Ninibi tawanka tara ra was bara wis, yang bui witin nani ba sauhki tikaisna, kan witin nani ai watawanka ba yang sin kaikisna bamna.”

Jona 1:3

Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra waia, bara ai pâska aibapi aimakan.

Luk 9:62

Sakuna Jisas pana win: —Ya ai mihta ra tasba tukbaika alkan ningkara, witin ai nina ra tawi kaiki ba, baha lika Gâd king aimaki ba lâka mapa ra pain apia sa.

Apastil Nani Sturka 17:16

Pal ba Atenas ra, Silas bara Timoti wal bîla kaiki kan ba ra, witin ai kupia ba sâp apia kan, baha tawanka ba aidul lâka ni banhwan kan kaikan bamna.

Apastil Nani Sturka 18:5

Silas bara Timoti wal Macedonia wina balan ba ra, Pal lika ai piua aiska pali yaban, param pali Ju nani ra wiaia sturi yamni ba tânka, Jisas ba Misaya sa.

Apastil Nani Sturka 4:20

Bamna yang nani sip apia, diara nani kaikri ba bara walri ba sin aisaras kaia.