Jirimaya 20:12 - DAWAN BÎLA AISKA

¹² Dawan karnika sut brisma, wapni lâka ba ni laki kaikisna, upla lukanka tihuka ba kat kaikisma, mairiks baha uplika nani ba nahki klala yabaisma ba, dîa yang ra taki ba man mihtam ra swisna bamna.

Jirimaya 20:12 ပူးပေါင်းရင်းမြစ်များ

2 Kronikas 24:22

King Joás ba ai âuya tikan Sakaraya aisika Joiadá witin ra marikan ba, bara Sakaraya ra ikan, ai luhpia ba, bamna witin pruaia baila kan ba ra winan: “¡Dawan naha na kaikbia, baha mana witin nani ra klala yabia!”

Lawana Nani 11:5

Dawan ba upla kasakkira bara watawikira nani sut ra sin aihwaki kaikisa. Witin ai kupia aiska saura pali kaikisa, baha nani saura daukaia latwan kaiki ba ra.

Lawana Nani 139:23

Dawan, man tâinka pliki kaiks bara kupi tânka ba sin kaiks: yang kupi lukra ba dukiara traiki kaiks bara lukanki nani ba sin.

Lawana Nani 17:3

Man bui yang lukanki nani ra dimram, tihmia ra bal aihwaki ai kaikatma; tâinka aihwa sapa plikatma, bara diara saura nani yang ra sakras katma; sturi aisaia apia nani ba, yang aisaras.

Lawana Nani 54:7

kan trabil nani sut ba wina man ai sakram; waihli nani kata ba sip apia takan, witin nani ra pura luan tânka ba kaikri.

Lawana Nani 58:10

Ani uplika nani kasak ba, pana munan ba dukiara ai lilia bribia, baku sin watawikira nani ba, tâlia ra ai mina nani ba buskbia.

Lawana Nani 59:10

Baha Gâdka latwan ai kaiki aula, yang wal prawaia; yang waihli nani ra pura luan tânka ba ai marikbia.

Lawana Nani 62:8

¡Upliki nani, witin ra kasak luki ban bas! ¡Witin ra aisas puram sunra ni kupiam aiska luki kira! ¡Dawan sika wan yukuwaika ba!

Lawana Nani 7:9

Gâd kasakkira, lukanka nani ba laki kaikisma, ai dara walanka tihu pali ba sin, ¡watawikira nani saurka dauki ba yas takaskbia, sakuna upla lukanka pain ba swirka bâra ban kabia!

Lawana Nani 86:4

Dawan, naha nampakan lukanka ba lilia dauks, kan man ra puri sunisni bamna.

Aiseya 37:14

Bara Ezequías ba, naha nani ai tawanka bîla twatwilkra nani mihta wina wauhkataya ba brin, bara aisi kaikan. Ba ningkara, Dawan watla ra uli wan, bara Ezequías ba naha wauhkataya na Dawan lamara kwâki mangkan.

Aiseya 38:14

Suki tara baku, plipli baku sin yang brukwi katni; butku baku maimna lulki kapri. Naikra nani kasbrika purara kaiki swapan. ¡Dawan, yang na ai taiban sa, man bui yang dukira pana aisas!

Jirimaya 11:20

Sakuna Dawan, man lika karnika sut brisma ba, man ba wihta kasak kum sma; upla kupia lukanka kat dîa luki ba sut kaikisma ba. Aik kaikamna man baha uplika nani ra nahki klala yabaisma ba, yang ra diara nani takaia ba man mihtam ra swiri bamna.

Jirimaya 12:8

Naha tasbaya, yang upliki nani kata ba, nanara yang maipara layan kum unta ra bâra ba baku takan; yang maipara uhbisa, baha tâwan misbara kaikisna.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Jirimaya 17:18

Nini bliki nani ba lawaska kikaia dauks, yang lika apia; witin nani sirang tara iwbia ba ra, yang lika apia. Witin nani purara sari balaia dauks, kriki, kli kriki âpu pali dauks.

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.

1 Pita 4:19

Baku bamna, Gâd kupia lâka kat pât wahwi nani ba, ban diara yamni dauki kaia sa, bara ai sulka nani ba aiska pali ai Papaskra mihta ra mangkaia sa, kan witin lika kasakkira sa.

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Param Marikanka 6:10

Naha nani ai bîla baikra karna wini kan: “Dawan, man holikira sma ba bara kasak kat pramis daukisma ba, ¿ahkia kat man ba lâ daukma naha tasba ra iwi nani ra, bara pana ikma wan pruanka nani ra?”

1 Samuil 1:15

Ana pana aisin: —Baku apia, dawanki, wain karna bara tahpla sin diri tânka lika apia sa, kuna yang kupi kriwan wirha pali sa, bamna tâinka ba saki Dawan ra kahbisna.