Jirimaya 20:10 - DAWAN BÎLA AISKA

¹⁰ Upla nani pusbi aisi ba walaia sip sna: ‘‘¡Sibrin tara ba tnaya bani ra bâra sa!” Witin nani wisa: “¡Man nani bal, kaisa yawan bui witin dahra kwahkaia!” Yang upliki aihwa nani ba sin bîla kaikisa kunin lâka ra mini tâi baikan kum lulkamna. Witin nani aisisa: “Ban kra swirka kunin munbiara; bara yawan mita pura lui bara yawan pana witin ra munbia.”

Jirimaya 20:10 ပူးပေါင်းရင်းမြစ်များ

1 King Nani 19:2

Bara Jezabel bui maisa papakra kum Ilayas ra blikan bara win: “¡Man ba Ilayas sma, yang na Jezabel! Yauhka naha awarka ra yang bui baha Baal prapitka nani ra munram ba baku, man ra mai munras sna kaka, gâd nani ba bui kau saura pali ai munbia.”

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

1 King Nani 22:27

Bara witin nani ra wis, yang wisni, waitnika na silak ra mangki bri kabia, plun uya yabia apia, brit lî wal baman, yang pruras kli tawi balamna ba kat.

1 King Nani 22:8

Bara Israel kingka ba mita pana Josafat ra win: —Waitna kum nâra sa, yawan sip sa witin bâk Dawan ra aisaia. Baha lika Micaías Imlá luhpia ba, sakuna yang mita baha kulkras, kan aima kumi sin diara yamni dahra aisi ai wiras sa, sakuna saura baman. Bara Josafat mita win: —Baku man aisapara.

Job 19:19

Kau upliki pali nani ba mita sin ai kulkras takan sa, yang mita kau latwan kaikisna uplika ba sin maipara buan sa.

Lawana Nani 31:13

Sip sni walaia upla nani pusbi aisi ba: “Sibrin wan dingkisa tnaya bani ra.” Witin nani ai mânka lâ aisi daukisa maipara; ¡diara daukaia aisi kaikisa yang na ai ikaia!

Lawana Nani 31:14

Sakuna yang lika Gâd, man kat luki tniwisni; yang wîri: “¡Man sika yang Gâdki!”

Lawana Nani 41:10

Sakuna, Dawan, man umpira ai kaiki bas; dîa dauki ba mana man bui witin nani ra yas.

Lawana Nani 41:9

Upliki kau yamni, upliki aihwa pali kulki katna ba, yang wal iwi plun pi kata ba sin, yang maipa buan.

Lawana Nani 57:4

Tasba ra kauhi prawisna, layan nani upla pi ba tilara ai napa nani ba lika langsa bara trisba tatwika baku sa, ai twisa ba lika sord malika kum baku sa.

Sins Lâka 10:18

Misbara pura praki bri uplika ba kunin aisasara sa; nina sauhkan dahra kwahki ba, sins âpu nani warkka sa.

Aiseya 29:21

Baha nani mita upla wala ra upla âikra wisi dahra saki ba, bara lâ wihta nani ra mina ra wilkaika kiwka nani mangki ba. Bara pâtkas nani ra kunin lâka ni raitka yaras kan.

Jirimaya 1:19

Witin nani mampara war aiklabia, sakuna puram lubia apia, kan yang lika man wal kamna kainam kahbaia. Yang, Dawan ba, yang bîli mai wisna.”

Jirimaya 11:19

Yang sika daira walras katna, sîp kum daiwan ikaia watla ra bri auya ba baku, yang maipara diara daukaia witin nani aikuki aisi kan ba. Witin nani aisi kan: “Baha dusa ai karnika aiska bri pâwi ba kaisa yawan klakaia; naha tasba wina daiki sâkpi rayaka bri nani ba tila wina, bara upla kumi sin witin ra kli ai kupia kraukbia apia.”

Jirimaya 11:21

Anatot uplika nani yang ai ikaia luki kan, witin nani ai win Dawan dahra aisamna apia, aisi ban kamna kaka ai ikaia ai win,

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 20:3

Yu kum luan ningkara upla blikan wan Jirimaya ba dus unta klauhbanka ba wina sakan, bara Jirimaya witin ra win: “Ninam ba Dawan mita wala mâkisa Magor-misabib.

Jirimaya 37:13

Sakuna witin Benjamín Getka ba kat wan ba ra, waitna kum nina Irías, Selemías luhpia waitna Hananías mulika, aihwawakra nani wihtka ba bal, witin ra takaskan, bara win: —¡Caldea uplika nani plapan watlika ra man waia sma!

Jirimaya 6:25

¡Man nani insla ra, yabalku sin wapara! ¡Waihlam nani ba bara aiklabaia dukia ba alki ridi sa; tnaya bani ra sirang wan ikaia ba bâra sa!”

Isikiel 22:9

Ai kuninka tâka, uplikam nani ba pâtkira kulkan sa, upla wala prawi ba ra; aidul ra kulkanka tara wal, plun pi ba tilara wisa; diara saura kaikaia lâka ba daukisa.

Daniel 6:4

Bamna pura kakaira nani bara wihta nani bui yabal kum plikan Daniel ba dahra kwahkaia, baha king tasbaya lâka kulkanka ba wal, ban sakuna Daniel ba waitna yamni kan ba mita, witin ra watawanka kumi sin sakras kan, baha mita dahra kwahkaia dukia diara kumi sin sip sakras kan.

Luk 20:20

Bamna biki kakaira nani blikan, baha nani upla pain talia baku, Jisas ra munka diara kum saura aisabia ba ra, wihta tara mihta ra mangkaia wisi.

Apastil Nani Sturka 24:13

Naha uplika nani daihra kwahki na, kumi yang tâinka ba param sip mai wibia apia.

Apastil Nani Sturka 5:33

Aidrubanka uplika nani sut naha walan ba ra, ai kupia baikan bara ban sin apastil nani ra ikaia lukan.

Apastil Nani Sturka 7:54

Witin nani naha diara nani walan ba ra, ai kupia sauhkan, ai napa nani sin arkban Stiben ba mapara.