Jirimaya 2:8 - DAWAN BÎLA AISKA

⁸ Prîs nani ba sin ai plikras kan, upliki nani ra smalki nani ba sin yang lâika ba smalkras tâ bri nani ba maipara buan, prapit nani ba Baal dahra aisin bara aidul nani diara bahki ba ninara wan.

Jirimaya 2:8 ပူးပေါင်းရင်းမြစ်များ

1 King Nani 18:22

Bara Ilayas kli upla nani ra win: —Yang yakan Dawan prapitka raya sna, sakuna Baal prapitka nani lika 450 bâra sa.

1 King Nani 18:29

Yu wan lal kat piua ba luan kata, bara witin nani lal saura takan kan, baku ban wini banhwi kan, kîa yamni angkaia piua ba kat; sakuna bîla baikra kumi sin bal takras kan. Ya pali bui pana aisaia ba âpu kan, wini banhwi ba walaia ba sin âpu kan.

1 King Nani 18:40

Bara Ilayas witin nani ra win: —¡Baal prapitka nani sut alki banhs! ¡Yarka kumi sin swakbiara! Bara upla nani mita sut alki banhwan, bara Ilayas brih wan Quisón tingnika ra, bara bahara sut kat nana dakban.

Job 35:10

Sakuna Gâd Papaskra ba ra lika pliki banhras sa, witinka karnika nani yabi ba tihmu nani piua ra,

Aiseya 28:7

Baha nani wain di pirwi tauki ba, wain karna piawi kisni taki ba di pirwi ai ninara wapi ba: prîs nani, prapit nani sin dih baku dauki ba; witin nani sut bla taki sinskas taki ba; wain karna di ai mina ra wapi ba, diara aihka kaikan ra sin pirwi kan bara bla sa, lâ daukan piua ra.

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 30:5

sakuna witin nani sut ba baha nisanka bahki nani ba mita kunin lâka ra mai taibia, hilpkam nani yamnika nani man nani ra brih balbia apia, lilia âpu, umpira lâka baman lika brih balbia.”

Jirimaya 10:21

—Naha tawanka ra sepad nani ba sinskas atia sa; witin nani Dawan ra plikras. Baha tâka mita sika witin nani kauhan ba bara daknika ba yakawi tanis man tauki banhwisa.

Jirimaya 12:10

Waihla nani ailal wihtka nani ba mita wainki awa nani ba sauhkan, naisla ba ai mina ni uli taiban. Yang want pali kapri tasbaya ba witin nani mita upla iwras tasbaya dauki bîla man swin.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 2:11

idan nisanka kum ai gâdka swi si gâd wala brisa kaka. ¡Baha nani ban gâd bahki nani sa! Sakuna yang upliki nani ai swin, yang lika witin prana ban sna, sakuna aidul nani diara bahki ba briaia tâwan.

Jirimaya 2:6

Witin nani lika yang ai plikaia trabil taki lukras kan, Idsip wina yang bui witin nani sakri ba, upla iwras tasbaya bâk tapahki ba, tasba lâwan albangka nani bâk luan ba, lî âpu tasbaya bâk, pât nani pali man taukan ba, upla sin bahara iwras, bahara sin impakras yabalka ra taukan ba sut.

Jirimaya 4:22

“Yang upliki nani sika kiamapara, ai kakaira apia —Dawan baku aisisa—. Witin nani tuktan baku diara luki kaikras, laki sin kaikras. Diara saura daukaia sinska lika manis brisa, sakuna yamni daukaia tânka lika briras.”

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Jirimaya 7:8

‘Man nani sika diara bahki upla kunin aisi bîla nani ba kasak lukisma.

Jirimaya 9:14

Witin nani lal karna, dîa ai kupia ra lukan ba kat daukan, gâd apia nani ra mayunan, ai damika nani dîa witin nani ra smalkan ba baku daukan.

Isikiel 22:26

Naha tawanka ra prîs nani ba, yang smalkanki ba warbi lakisa, bara yang diara holikira kulkisna nani ba tâski daukisa; sip aihka sakras sa diara holikira ba bara diara tâski ba wal, upla wala ra sin smalkras tânka briaia dîa sunu ba, bara diara sunu apia ba. Riski yua nani sakri ba kulkras, kulkanka sin aikras.

Isikiel 34:2

“Man, upla luhpia, yang nini bri Israel sîpka main kakaira nani ba mapara aisas, bara wis: ‘Dawan naku aisisa: ¡Alai kabia, Israel sepadka nani ra, ai wîna kat baman main kaiki nani ba! Sepad nani ba sîp nani ba sika main kaikaia sa.

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Abakuk 2:18

¿Lilka nani upla ai mihta ni alki paski ba dîa mapara hilp sa ki? ¿Lilka bahki kum kunin ra baman wan brih wi ba dîa hilp takaia sip sa? Lilka nani ba sip sturi aisaras sa, ¿bara lilka papaskra ba, nahki baha lilka ra luki tniwi kabia ki?

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Luk 11:52

“¡Alai pali kabia man nani Lâ Smasmalkra nani ra! Kan man nani diara tânka kaikaia kîka brisma ba; sakuna man nani sin dimras bara diman dauki nani ra sin yaram dimras.

Jan 16:3

Baku daukan kabia, kan tasba wina uplika nani ba mita Aisiki ra kakaira apia sa, bara yang ra sin ai kakaira apia sa.

Jan 8:55

Ban sakuna, man nani bui witin ba kakaira apia sma. Yang lika witin ra kakaira sni; bara witinka ba kaikras wimna kaka, yang sin man nani wal baku kuninkira sna. Sakuna kasak pali mai wisna, witin ba yang kakaira sna, bara ai bîla sin wali daukisni.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

Kli Smalkanka 33:10

Jekob ra bara Israel ra man lâmka bara adarkam nani ni smalks; man altarkam ra bara Dawan lamara, witin kaiki ba ra sîka mâka kîa yamni, daiwan angkan sin sakripaiska daukisa.

1 Samuil 12:21

Kunin gâdka nani nina blîkpara, baha nani hilp mai munras, swaki sin mai sakras, kan witin nani ba kuninkira nani sa bamna.

1 Samuil 2:12

Elí luhpia nani ba watawikira nani kan, witin nani Dawan dukiara lukras kan,