Jirimaya 2:7 - DAWAN BÎLA AISKA

⁷ Tasba disang ra man nani ba mai bri balri, baha mâ nani ba wina man nani pima wisi mâ kau pain ba man nani piaia. Sakuna man nani balram bara tasbaya ba watawi daukram, kuntrika ba kaikisna bara âiya warbisa, yang prapatiki ba.

Jirimaya 2:7 ပူးပေါင်းရင်းမြစ်များ

Nihimaya 9:25

Bara tawan karna nani paskan kan ba wina, tasba disang nani kan ba wina, utla bilara diara kau pain nani kukan ba wina, liwanhta nani pat bâra kan ba, wain nasla nani bâra kan ba wina, oliv dusa nani, bara dus wala ailal mâ bri ba wina, witin nani pin ai âuyapah takan ba kat, batanwi banhwan bara yamnika tara pali liliaka brin.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Aiseya 19:25

Dawan, karnika sut bri ba witin nani ra ai yamnika yabia wibia: “Idsip ra wibia, yang upliki nani, Asiria ra, man ba yang mihti warkka nani daukri ba, bara Israel ra, man lika yang duki, man nani ra yamni mai munisna.”

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:2

Il nani bahna ba kaiks lipni ba, pain kaiks: ¿anira lika saura pali kulkaia warkka ba man bahara daukras kapram? Arabia uplika nani upla iwras tasbaya yabalka ra iwi bîla kaiki ba baku, yabal un ra iwi lilam nani ba bîla kaikisma. Man ur taki watawika lâka dauki kuntrikam na tâski daukram.

Jirimaya 3:9

Witin nani ai swira âpu ur taki taukan, kuntrika na aiska tâski daukan. Yang wal wapni apia kan walpa nani ra dus pâwi nani ra mayunan.

Jirimaya 32:23

Sakuna witin nani baha kuntrika ra dimi tasbaya ba brin ba ra, man bîlam walras takan, lâ nani smalkram ba daukras, wark nani daukaia wiram ba sin daukras. Baha mita man bui witin nani ba rausauhkaia blikram.

Jirimaya 32:30

Blasi piua wina Israel luhpia nani bara Juda uplika nani ba yang saura kaikisna ba dauki kan; Israel luhpia nani aidul nani paski yang kupi sauhki ba takaskras ban sa. Yang, Dawan, kasak aisisna.

Isikiel 20:24

Dîa muni lâika nani ba daukras kan, lâika nani ba bahki kulkan, yang riski yua nani ba tâski daukan bara ai nakra nani ba ai aisika nani aidulka ba baman kaiki kan.

Isikiel 20:28

Yang pramis takri tasbaya ra yabri diman ba ra, kiahwak kaiki kan kiuhsi kum ba, apia kaka dus tara kum ba, bahara ai sakripaiska nani dauki kan bara prisantka nani yabi kan. Kupi tara pali sauhki ba sika, kîa yamni nani laiki kan bara prisantka nani ba wain ni laiki kan.

Isikiel 20:6

Baha yua yang pramis takri Idsip wina sakaia bara brih waia kuntri kum yang pali sakri kan ra, baha pliska ra nasma bara tiala laya lî baku plapi ra, ¡kuntri kau pranakira sut wal!

Isikiel 23:35

“Baha mita, yang Dawan sna ba, naku wisni: Man bui yang ra âmya ai tikram bara ninam ba yang ra lakram, bamna klala pât nani ba wahwaia sma uba pri kaia bara ur takaia lâka briram ba mita.”

Isikiel 36:17

“Israel wina nani ba ai tasbaya ra iwi kan ba ra, ai daukanka saura wal tâski daukan. Ai iwanka ba yang maipara tâski bara brinki apia dukia daukan.

Oseas 9:3

Efraín kli Idsip ra wabia, bara Asiria ra wih tâski kulkan pata nani ba pibia. Witin nani lika Dawan tasbaya ra ban iwi kabia apia:

Miqueas 2:10

¡Man nani naha wina bus, bara impaki bas! Kan naha lika ris briaia pliska apia sa; saurka witin ra uba pali ai pura luan sa, baha mita witin ba danh pali saura takan sa.

Kulki Kaikanka 13:27

Bara witin nani bui Moses ra win: —Ai blikram tialka laya nasma wal lî laiwi baku ba tasbaya ra, bara naha sika baha dusa mâ nani ba.

Kli Smalkanka 21:23

ai wîna tara ba tihmia aiska swika lalawaia apia, sakuna baha yua ra mahka bikaia, kan Gâd mapara saura kulkan sa upla kum dus ra pami ikan ba, bara Dawan Gâdkam bui tasba man nani dukiam maikaia ba ra tâski mai kulkbia apia.

Kli Smalkanka 32:9

Jekob uplika nani ba Dawan dukia nani sa.

Kli Smalkanka 6:18

Dawan nakra ra kasak wapni kat dauki banhwi bas, Dawan mita almukkam nani ra yabaia swer takan ba tasbaya ra yamni waia pliskam briaia.