Jirimaya 2:6 - DAWAN BÎLA AISKA

⁶ Witin nani lika yang ai plikaia trabil taki lukras kan, Idsip wina yang bui witin nani sakri ba, upla iwras tasbaya bâk tapahki ba, tasba lâwan albangka nani bâk luan ba, lî âpu tasbaya bâk, pât nani pali man taukan ba, upla sin bahara iwras, bahara sin impakras yabalka ra taukan ba sut.

Jirimaya 2:6 ပူးပေါင်းရင်းမြစ်များ

2 King Nani 2:14

Bara Ilaidsa prâka kauhan kan brin ba wal, lî ra wipan, bara winan: “¿Anira sa ki Dawan, Ilayas Gâdka ba?” Liura wipan wal baku, tnaya kum ra bara tnaya wala ra baiwi takan, ara Ilaidsa ba bâk lui wan.

Job 3:5

¡Aitani lukaina, kasbrika distika tara kum bui tihmia dingkan kata, apia kaka kasbrika siksa pali kum bui yu ingnika ba tikan kata, apia kaka aiskura alki, tihmia tara ba mita sirang tara ni ikan kata!

Job 35:10

Sakuna Gâd Papaskra ba ra lika pliki banhras sa, witinka karnika nani yabi ba tihmu nani piua ra,

Lawana Nani 23:4

Il bîla kau tihmu bâk wapi luamna kra, diara saura bâra sa sibrin lukamna apia; kan Dawan, man, yang wal sma; man sepadkam dusa kînkam ba, baha nani kupi bukisa kasak lukanka ra.

Lawana Nani 77:5

Mani nani luan yua nani ra lukisni;

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Jirimaya 2:2

“Jerusalem tawanka tara ra was bara aisas; wini karna aisas witin nani pain walbia: ‘¡Dawan naku aisisa! Kupi krawisa man tiara katma piua ba, mayi mai briri bara man wapni kapram, latwan ai kaiki katma bara upla iwras tasbaya bâk nini blikram, baha tasbaya ra diara pâwaia mangkras kan ba.’

Jirimaya 2:8

Prîs nani ba sin ai plikras kan, upliki nani ra smalki nani ba sin yang lâika ba smalkras tâ bri nani ba maipara buan, prapit nani ba Baal dahra aisin bara aidul nani diara bahki ba ninara wan.

Jirimaya 5:12

Israel Juda wal Dawan ba ai Dawanka briaia apia win; witin nani aisin: “Gâd ra baha tâwan wan kulkbia apia win. Bamna diara saura wan mapara takbia apia, war bara plun wahwan sin yawan ra balbia apia.”

Jirimaya 5:2

Upla ailal bâra sa Dawan nina ra aisi swer takisa, sakuna witin nani kunin man aisisa.”

Jirimaya 51:43

Tawanka nani ba aihka saura takan, bîla man daukan, tasba ba lâwan diara bâra âpu, upla bâra iwras, upla bahak sin wapi luras.

Oseas 12:13

Prapit kum paiwanka bâk, Israel luhpia nani ba Dawan mita Idsip wina sakan; ¡prapit kum wark dauki kan ba tâka bâk, Dawan bui witin ra main kaiki kan!

Oseas 13:4

Dawan aisisa: “Yang, Dawan, yang lika man Gâdkam ban sna Idsip tasbaya ra kapram ba yua wina: Yang tnaiya ra Gâd wala, yang baku man kaikma apia, sakuna yang baman lika, kan yang baman sna, man swaki sasakrikam.

Emus 2:10

Yang bui Idsip tasbaya wina man nani mai sakri, mani 40 upla iwras tasbaya bâk mai brih tampahki kapri, witin nani tasbaya ba man nani ra maikaia dukiara.

Matiu 4:16

Tihmu tara ra iwi uplika nani ba ingni tara kum kaikan; bara prura tihmuka tasbaya ra iwi nani ra ingni tara kum ingwan.”

Kli Smalkanka 1:19

“Yawan Horeb wina takan ba wina amorreo nani ilka nani ra impakan, Dawan Gâd adar wankan ba bîla wali dauki. Baha upla iwras tasbaya tara, sibrinkira pali man nani kaikram yaba, yawan sut bâk wataukan, Cadés-barnea ra balan ba kat.

Kli Smalkanka 32:10

Upla iwras tasbaya ra prawan, tasba lâwan nani ra pâsa mita wipi bri tauki kan sakan; ai klahkla mununhtara brih smalki ai nakra yula baku mai kaikan.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

Wihta Nani 6:13

Bara Gedeón pana aisin: —Mâsa, padin ai muns, sakuna Dawan ba yang nani wal sa kaka, ¿dîa muni naha diara nani naku yang nani ra takisa? ¿Anira sa Dawan daukanka karnakira nani ba, baha dukiara wan damika nani wan aisi kan ba Idsip wina wan sakan piua ra? Sakuna witin naiwa wan lulkan bara Madián uplika nani mihta karnakira ra mangki wan swin.