Jirimaya 2:31 - DAWAN BÎLA AISKA

³¹ (Man nani sin, naiwa uplika nani, Dawan aisin bîla na wals.) Israel, ¿yang na man nani ra upla iwras tasbaya kum takri sa ki?, ¿tasba kum ingni âpu? Upliki nani, ¿dîa muni naku aisisma: ‘Yang nani pri sna; yang nani sip kli man ra tawi wamna apia’?

Jirimaya 2:31 ပူးပေါင်းရင်းမြစ်များ

1 King Nani 11:22

King fero pana win: —¿Dîa muni? ¿Yang wal sma na, dîa mapara kau luha sma ki, bara kli tasbayam ra waia ai wisma? Bara pana win: —Diara luha apia sni; diara kumi mamkabisna ba sika, ai swis tasbayi ra wamna.

2 Kronikas 31:10

bara Azarías prîs tara ba, Sadoc taika wina ba, witin aisin: “Dawan tempelka ra prisantka nani bri balan ba wina, yawan plun piaia aitani brisa, kau manis pura takaskisa; kan Dawan bui ai uplika nani ra yamni munan bamna.”

Job 21:14

Gâd ra wisa: “Ban âuyapah wan swis, yang nani na man lâmka nani tânka briaia sin brin wan daukras sa.

Lawana Nani 10:4

Ai kakma snungki lawi bara aisisa: “Gâd âpu. Dîa daukisna ba ya mita maikabi walaia âpu sa.” Baha baman witin lukisa.

Lawana Nani 12:4

baha nani aisisa: “Yang nani bîli brisna ba wal aitani; yang nani twisi ba tâiwan aisisa. ¿Ya kupias taki balbia, yawan ra adar wankaia?”

Sins Lâka 30:9

Kan yang brinki ba pura lui brimna kaka, bara mai kulkras naku mai wimna: “¿Dawan ba ya sa ki?” Apia kra diara luha kamna kaka, upla dukia alkamna bara alkamna ra; Dawanki, ninam sin lahtubi aisamnara sîa.

Aiseya 45:19

Yang yukuwi aisaras kapri, tasba ra plis tihmia kum ra dimi sin aisaras. Jekob kiamka nani ra yang wiras: ‘Man nani wih ai pliks plis kum diara âpu ba ra.’ Yang Dawan kasak aisisna, baha rait ba mai wisna.

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Jirimaya 2:25

“¡Israel, sûs dingkras plapi minam insauhkpara, yabrika lî diras kârmam lâwbiara! Sakuna man wiram: ‘Apia, sip apia baku daukaia; tringsar nani ba latwan sna bara yang lika witin nani wal wamna.’

Jirimaya 5:5

Bara yang wîri upla diara tânka bri nani ba wal aisamni. Witin nani lika, namhpa namhpa lukras kira, Dawan dîa brin dauki ba Gâd adarka nani ba tânka bribia. Sakuna witin nani sut sin Gâd mapara buan, bîla wali daukaia apia win.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Isikiel 14:5

“Israel luhpia nani sut kupia alkamna, witin nani ba yang wina dakwi taki banhwan ba ai aidulka nani dukiara.

Oseas 13:6

“Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Emus 1:1

Naha sika Dawan bîla dahra, Sepad Emus sîp nani main kakaira, Tecoa tawanka ra brin ba, Israel ra naika takaia ba, tasba nikbras mani wâl ba kainara. Baha piua ra Ozías Juda Kingka aimaki kan, bara Jeroboam, Joás lupia ba, Israel kingka aimaki kan.

Miqueas 6:9

Dawan bîla baikra ba, upla nani ra winisa; bamna aitani pali sa bawikira witin ra ai bîla wali kaia: “Tawan tâ uplika nani, upla sut sin, naha na aman wals:

1 Korint 4:8

Diara nani luha sma ba pat sut yuya brisma, man nani pat yuyakira nani sma. Pat king sma lukisma, bara yang nani wina diara want apia sma. Kasak, ¡king nani pali kapram kaka, yang aitani lukaia kapri, bara baku mika yang nani sip kaia kapri man nani aikuki king aimakaia!

Kli Smalkanka 31:20

Yang mita baha tasbaya tialka laya bara nasma wal lî aubi baku ai damika nani ra yabaia wîri ba ra yarka dimbia piua ra, witin nani plun pih aibanhbia, bara batanbia, bara gâd wala nani ninara wih mayunbia, bara yang ra bahki ai kulkbia, bara yang lâika ba wina dakwi takbia.

Kli Smalkanka 32:15

“Sakuna Jesurún batanwan, bara ai mina wauhan (batanwan mita lipi kan), bara Gâd, witin ra papaskra ba, lulki swin; ai kaina kakahbra bara ai sasakra ba bahki kulkan.

Kli Smalkanka 32:18

“Israel, aisikam bara kainam kakahbra ba âmya tikram; rayakam maikan Gâdka ra âmya tikram.