Jirimaya 2:30 - DAWAN BÎLA AISKA

³⁰ Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 2:30 ပူးပေါင်းရင်းမြစ်များ

1 King Nani 19:10

Witin pana win: “Dawan, daihra walri, Dawan karnika sut alki brisma ba tâwan uya pali lawri sa, kan Israel luhpia nani man lâmka ba swin, bara altarkam nani sut batakan, bara prapit nani sut sin ikan sord ni. Bara yang baman takaskri, bara ai plikisa rayaki na sakaia dukiara.”

1 King Nani 19:14

Bara witin mita pana win: “Daira walri, Dawan, man karnika sut alki brisma ba tâmwan uya lawisna, kan Israel luhpia nani man lâmka ba swin, man altarkam nani ba sut sauhki tikan, bara prapit nani sord ni baman ikan, bara yang baman takaskri, bara yang ra sin ai ikaia plikisa.”

2 Kronikas 24:21

Sakuna upla nani ba witin mapara buan, bara walpa ni sabi banhwan, king adarka ba kat, Dawan tempelka kutbanka ba ra.

2 Kronikas 28:22

Bara pât tilara kan sakuna, witin Dawan ra tniwras kata. ¡King Ahaz ba baku kan!

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Aiseya 1:5

¿Dîa muni man nani klala kau makabisma? Wînam aiska ba mai wipan sa. Lamla ba insauhkan sa, karnikam sin aiska âpu pali takram sa.

Aiseya 59:3

Man nani mihtam nani ba tala ni tâski takan sa, bara mihtam sirpika nani ba upla ikram tasbaika alkan; unam nani ba kunin man aisisa, twisam nani ba watawika lâka man aisisa.

Aiseya 9:13

Upla nani ba klala brin, sakuna witin nani Gâd ra ai kupia lakras, karnika sut bri Dawanka ba plikras.

Jirimaya 31:18

Yang walri Efraín uplika nani ba brukwisa sari lâka tara ni: ‘Yang ba bîp wainhka kum sip smalki tim daukras ba baku sna, sakuna man mita lika puri luram bara tim ai daukram sa, pura luan lâka aikisma; ai dauks kli man ra balaia, kan man sma sika Dawan ba, yang Gâdki.

Jirimaya 46:14

“Man nani Idsip ra maisa paks, Migdol, Menfis, Tafnes nani ra sin: ‘¡Aihwaki bas, man nani ridi bas! ¡Sord ba ai kaina kir langki aula!’

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 7:28

Witin nani ra wis: ‘Naha nisanka sika ai Dawanka ai Gâdka bîla wali daukras ba, saura daukan smalki ba sin walan daukras ba. Kasak wapni aisaia aisinka ba witin nani aisinka wina âpu pali aihwa takan.’ ”

Inanka Nani 4:13

¡Naha sut na ai prapitka nani saurka, bara ai prîska nani watawanka nani tâka mita sa, kan witin nani tawan bîla pali kat, upla kasak nani tâlia laikan bamna!

Isikiel 22:24

“Man, upla luhpia, Israel ra wis: ‘Man nani ba klala maikan sa tawan kum ra, lî auhras bara lî âpu kaia ba.

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Daniel 9:13

Naha klalka yang nani purira balan na sut lika, Moses lâ wauhkataya ra ulban ba kat sa, sakuna yang nani bui mai plikras kapri, Dawan wan Gâdka sma ba, yang nani saurki nani ba sin kau lulkras, kasakkam tânka ba nina sin bliki banhras sna.

Sofonías 3:2

Witin ba Dawan bîla baikra ba walan daukras sa, ai saurka nani wina wapni takaia sin brin daukras sa, witin ra kasak lukras kan, ai Dawanka ra plikras kan.

Matiu 23:29

“¡Lâ Smasmalkra nani bara parisi nani, kuninkira nani, man nani mampara saura pali kabia! Man nani mita prapit raitika ba paskisma, bara upla pain kan nani raitika sin pain pali skahkisma,

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

1 Tesalonaika 2:15

Naha Ju nani sika Dawan Jisas ba ikan, patitara ai prapitka nani ra ikan ba baku; bara yang nani ra sin kangbi ai sakan. Witin nani ba dîa Gâd want ba kat daukras bara upla sut mapara bûi banhwisa.

Param Marikanka 16:9

Sut ba saura pali angkan kan, bara witin nani ba Gâd nina ra diara saura nani aisan, witinka naha pâtka tara nani purara karnika bri ba; sakuna witin nani ai kupia lakras, witin ra sin mayunras.