Jirimaya 2:26 - DAWAN BÎLA AISKA

²⁶ “Âimplikra pura baikan piua ra ai swira bri ba baku, Israel ba baku swira takan kabia, upla nani ba, king nani ba, wihta nani ba, prîs nani ba, prapit nani ba sut;

Jirimaya 2:26 ပူးပေါင်းရင်းမြစ်များ

Esdras 9:7

Wan aisika nani yua ba wina naiwa kat, yang nani saurka lâka ra iwi banhwisna. Yang nani saurki nani tâka mita, kingki bara prîski nani sut aikuki tasba wala nani kingka nani mihta ra ai mangkram. Naiwa yua kat ban wan ikisa, alba wan brisa, wan dukia nani implikisa, yang nani swira lâka tara wal ban iwi banhwisna.

Lawana Nani 97:7

Gâd bahki ra mayuni nani ba sut witin ra bawbia, witin nani baman sa luki banhwi ba sut. ¡Gâd bahki nani sut ba, witin mawanra bawbia!

Aiseya 1:29

Usupum dusa nani ra latwan kaikram ba mita, man nani swiram daukbia, dus mâ nasla nani bâk saki briram ba mita sin, bahki mai kulkan kabia, bahara aidul nani ra puram suni katma ba.

Aiseya 44:11

Upla sut mayunbia ba, swira lâka ra takaskbia. Aidul paski uplika ba waitna sa. Upla sut ba asla takbia kaka lâ pliska ra swira lâka ra takaskbia, bara sibrin ni banhwan kabia.

Aiseya 44:9

Aidul lilka papaskra nani kumi sin diara apia sa, witin nani aidul ra kulkanka tara yabi ba bahki baman. Ya bahara ai pura suni ba blain banhwisa bara sin sinskas, ba mita swira lâka ra takaskbia.

Jirimaya 2:36

¿Dîa muni sringkam sma man wal kupia kumi takan nani ba swi si wala plikisma? Idsip sin mai swibia, Asiria pat mai swin ba baku.

Jirimaya 22:22

Pâsa mita wihta tara nani ba sut bri balbia, lamtwankira nani ba tasba wala ra brih wabia. Swiram mai daukan laya ra mai kulkan kabia watawika lâka nani daukram ba tâka mita.

Jirimaya 32:32

witin nani naha daukanka nani sut dauki kupi sauhkan ba tâwan, Israel luhpia nani, Juda uplika nani, ai kingka nani ba sin, tâ bri uplika nani ba, prîska nani ba, prapit nani ba, upla sut Juda ra bara Jerusalem ra iwi ba âpu daukamna.

Jirimaya 4:9

Dawan kasak aisisa: “Baha yua ba aimakbia ba ra king ba wihta nani ba sibrin mita tatatwi kabia, prîs nani ba sin sibrin tara daukbia bara prapit nani ba sin sirang ikan kabia.”

Jirimaya 48:27

Moab, ¿Israel ba âimplikra kum baku, saura kaiki kabia piua bani ra lawaska kiki kapram apia?

Isikiel 16:54

Kuna ban swira daukaia lâka ra bapi buaia kama, bara swiram takaia daukram ba dukiara; baha wal witin nani maisa nihkra kama.

Isikiel 22:26

Naha tawanka ra prîs nani ba, yang smalkanki ba warbi lakisa, bara yang diara holikira kulkisna nani ba tâski daukisa; sip aihka sakras sa diara holikira ba bara diara tâski ba wal, upla wala ra sin smalkras tânka briaia dîa sunu ba, bara diara sunu apia ba. Riski yua nani sakri ba kulkras, kulkanka sin aikras.

Sakaraya 5:4

Dawan, witin karnika sut alki bri ba, kasak aisisa: ‘Naha lahtubanka yang blikisni, impliki kunin aisi yang nini bri swer taki nani ba watla ra dimaia, bara lahtubanka ba bahara ban takaskbia, watla playka nani ba sukwi âpu takbia ba kat.’ ”

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.