Jirimaya 2:23 - DAWAN BÎLA AISKA

²³ ¿Man nahki ai wima: ‘Yang tâski takras gâd bahki nani ra sin mayunras’? Il bîla ba ra kaiks man tânkam daukram ba, man dîa sut daukram ba bâra sa kiamil mairin wainhka pliki plapi taukan baku taukram ba, tnaya bani ra;

Jirimaya 2:23 ပူးပေါင်းရင်းမြစ်များ

Ester 8:16

bara Ju nani ba baku natka ra, witin nani ra ingnika ba wihki lilia lâka ba wal witin nani ra balan; ba purkara sin ai âuyapah lâka ba wihki kulkanka lâka sin witin nani brin.

Lawana Nani 36:2

Witin lukisa ai mayunra tara briaia ba aitani sa. Ai watawika lâka ba misbara kaikaia ba sip kaikras sa.

Lawana Nani 50:21

Man nani naha sut daukram, sakuna yang sâp kapri; ba mita kupiam ra lukram yang lika man wal baku sna. Sakuna yang bui man mamwan kat damhra kwahkaisna, dîa daukram klala maiki wapni daukaisna.

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Sins Lâka 30:12

Upla tila sin bâra sa, witin ai nakra nani ra witin ba sunu pali sa, ban sakuna witin nani ai tâskika wina sikbi sakras sa.

Sins Lâka 30:20

Marit lâka sauhki mairka ba naku daukisa: witin plun pi si ai un dikisa bara wisa: “Yang diara watawi kumi sin daukras.”

Jirimaya 14:10

Dawan naku aisisa Israel luhpia nani ba dukiara: “Naha uplika nani na iwi kapras ban tauki kaia lihkisa. Baha mita yang bui witin nani ra yamni kaikras sna. Bamna yang nanara witin nani saura dauki ba luki kaikisna, baha mana ba witin nani ra kulkaia.”

Jirimaya 16:10

“Naha bîla nani na man bui witin nani ra wima ba ra, upla nani ba pana man ra mamkabi walbia: ‘¿Dîa muni Dawan baha saurka tara ba yang nani maipara daukaia baku adar yaban? ¿Dîa saurka yang nani Dawanki Gâdki mapara dauki banhri ki?’

Jirimaya 2:36

¿Dîa muni sringkam sma man wal kupia kumi takan nani ba swi si wala plikisma? Idsip sin mai swibia, Asiria pat mai swin ba baku.

Jirimaya 3:2

Il nani bahna ba kaiks lipni ba, pain kaiks: ¿anira lika saura pali kulkaia warkka ba man bahara daukras kapram? Arabia uplika nani upla iwras tasbaya yabalka ra iwi bîla kaiki ba baku, yabal un ra iwi lilam nani ba bîla kaikisma. Man ur taki watawika lâka dauki kuntrikam na tâski daukram.

Jirimaya 31:22

¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Jirimaya 7:31

Witin nani ba Ben-hinom ilka bîla ra altar kum paskan nina ba Tófet, bahara ai luhpia waitna nani ai luhpia mairin nani angkaia, witin nani ra wiras kapri baha daukaia, yang lukanki ra sin baha daukaia lukanka âpu sa.

Jirimaya 9:14

Witin nani lal karna, dîa ai kupia ra lukan ba kat daukan, gâd apia nani ra mayunan, ai damika nani dîa witin nani ra smalkan ba baku daukan.

Oseas 1:2

Dawan ai bîla smalkanka ba, naku tâ krikan, witin Oseas bâk wiaia want kan: “Israel luhpia nani ba rug mairin takan, yang wina tnaya ra tawi. Bamna man sin baku natka ra was, bara yabal mairka kum mayam bris, bara witin wal luhpiam nani sâks; bara baha nani sut ba, rug mairin luhpia nani takbia.”

Luk 10:29

Sakuna Lâ Smasmalkra ba ai makabanka ba wina swakwaia dukiara, witin Jisas ra naku win: —¿Yang upliki ba ya sa ki?

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;