Jirimaya 2:21 - DAWAN BÎLA AISKA

²¹ Wain kiwka kau pain ba baku naisla ra mai mangkri, wain kiwka saumuk kau pain saki ba baku. ¡Sakuna man tânkam ba saurkam pali takram bamna, mai kakaira apia lap mai tikri!

Jirimaya 2:21 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Lawana Nani 105:6

Man nani ai napakanka Ebraham kiamka nani sma ba, man nani Jekob bâk saki brin luhpia nani sma.

Lawana Nani 44:2

Man mihtam pali ni, idan nani tasbaya wina kangbi sakatma; nisan nani, upla sât wala nani ra klala yaram, bara damiki nani ra yaram, witin nani iwi kan ba tasbaya ra iwaia. Witin nani ra yaram manis sahwan.

Lawana Nani 80:8

Idsip wina wain kiwka kum sakram; idan nani ra yaram bâra mangkan.

Lawana Nani 80:9

Baha mangkaia tasbaya ba klin daukram, bara wain kiwka ba ai wakia nani sakata bara kuntri aiska ba banhki daukan.

Impakan Sturka 15:17

Dawanki, wan brih was man ilkam holikira ra bâra iwaia; baha ilka ba man mita bâk sakram, man bahara iwaia, iwaia watla man mihtam ni alki buki bapram ba.

Aiseya 1:21

¡Tawan tara kasakkira katma ba, nahki muni rug mairin wal baku takram! Blasi ra, uplikam sut ba, kasak lâka ra diara dauki kata ba bara wapni lâka ra iwi kan, sakuna nanara upla âikra nani baman bâra sa.

Aiseya 27:2

Baha yua ra Dawan aisabia: “Man nani aiwans wainki damnikira nasla ba lawana.

Aiseya 41:8

“Jekob tawanka Israel luhpia nani, wals, yang duki dadaukra bâk saki briri ba, Ebraham yang upliki pali kiamka ba wina:

Aiseya 5:4

¿Yang wainki nasla ra diara kum daukaia bâra kan? ¿Kau diara kum yang daukras swiri sa ki? Yang bîla kaiki kapri, wain mâ damni nani aikbia, ¿sakuna dîa muni, mâ swahni nani sakan ba?

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Jirimaya 11:16

Kaina piua ra yang Dawan mita, man ninam ba mâki katna, ‘oliv dusa wahia sisitni mâ ailal painkira’. Sakuna nanara alwani karna lulki ba tilara, wahiam nani bara tnamwa nani ba sut angkaia sna.

Jirimaya 11:17

Yang, karnika sut brisna Dawanka ba, yang mita sika mai angkri, bara yang mita sika pât tara ba man ra balaia daukri, Israel man Juda wal watawika lâka nani manis yang maipara daukram bamna, man nani Baal ra kîa pain angki yabi yang kupi baikram.

Jirimaya 5:10

¡Bamna ai waihla nani ba bal nasla ra dimi wain kiwka nani ba palkbia, sut pali sauhki tikras kabia kra! ¡Tnawa nani ba krikbia, kan yang wainki nasla apia takan bamna!

Inanka Nani 4:1

¡Gul ba nahki muni mapla tiwan! ¡Gul ingnika lipni ba nahki muni tikan! ¡Tempel walpaya nani ba yabal un nani ra yakaban sa!

Isikiel 15:2

“¿Diaura kau pain sa, wain dusa plamaya tatka ra, apia kaka dus playa nani tatka ra?

Matiu 21:33

“Man nani maprika lilka wala na wals: Insla dawanka kum ai nasla ra wain dusa mâ nani mangkan; bara klar kum kutban, wain laya taibi sakaia untika kum salhkan, bara tawer sin kum paskan diara ba sut aihwakaia dukiara. Ningkara, nasla ba wark tatakra nani mihta ra mangki si, witin plis ra impakan.

Mark 12:1

Bamna Jisas witin nani ra maprika bîla nani ni mahka smalkan, bara naku aisin: “Waitna kum kan, witin ai nasla ra wain dusa mangkan; bara kir klar kutban, wain laya taibi sakaia pliska kum daukan bara tawer kum bukan, diara sut ba pain aihwakbia wisi. Ningkara, nasla ba wark tatakra nani mihta ra mangki si, witin kuntri wala ra impakan.

Luk 20:9

Ningkara, Jisas bui upla nani ra naha maprika lilka sturka na win: “Waitna kum bâra kan, witin ai nasla ra wain mâ mangki si, ai warkka uplika nani mihta ra swi si, plis laihura impaki wan, bahara sin piu wihka takaskan.

Jan 15:1

Jisas kau aisin: “Yang sika wain kiwka rait pali ba, bara Aisiki ba sika baha mangki ba.

Kli Smalkanka 32:32

Witin nani ba wain nasla saura sa, Sodoma bara Gomora wal kiamka nani sa, wain tahpla puisinkira sakisa;

Kli Smalkanka 4:37

Witin bui man nani damikam nani ra latwan kaiki witin nani kiamka ra bâk sakan bara Idsip wina ai karnika tara ni pri sakan.

Jasua 24:31

Israel luhpia nani lika Dawan dukia daukan Jasua raya kan piua ra, bara ningkara sin, almuk nani ba kau raya kan piua ra, baha almuk nani sika Israel luhpia nani dukiara Dawan dîa daukata sut kaikan ba.