Jirimaya 2:15 - DAWAN BÎLA AISKA

¹⁵ ¿Dîa muni witin nani layan ihbi baku, karna ihbi bal alki ba? Kuntrika ba witin nani bal sauhki swin ba; tawanka nani sut angkan, uplika nani sin âpu daukan.

Jirimaya 2:15 ပူးပေါင်းရင်းမြစ်များ

Job 4:10

Witin nani layan baku ai napa arkbi uhbia, sakuna Gâd mita napa nani ba sut kriki tikbia bara sâp takbia.

Lawana Nani 57:4

Tasba ra kauhi prawisna, layan nani upla pi ba tilara ai napa nani ba lika langsa bara trisba tatwika baku sa, ai twisa ba lika sord malika kum baku sa.

Aiseya 1:7

Tasbayam ba sauhkan sa, upla iwras tasbaya baku swin, tawan tara nani ba angkan amisa. Man nani kaikisma waihlam nani bal man nani mangkram ba bri pîsa, upla iwras tasbaya baku sa Sodoma slingban kan ba baku.

Aiseya 24:1

Man nani kaikma, Dawan mita tasba bilara diara âpu swibia, diara nani ba sauhkbia, lulki bataki swibia, upla nani ba sut plapaia.

Aiseya 5:29

witin uhbi ba layan baku kabia, ai napa nani arkbia, daiwan kum ra pâli prak alkbia baku, swiaia tânka âpu, upla kumi sin witin ai bîla wina dakbi sâkbia apia.

Aiseya 5:9

Karnika sut bri Dawanka ba swer taki yang ra aisin: “Utla ailal ba sauhkan kabia; tara bara pranakira kabia sin, bîla man swin kabia upla bahara iwbia apia.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Jirimaya 10:22

¡Damra wals! ¡Maisa pakanka kum blikan aula! Laih yahbra tani wina bin tara kum aula Juda tawanka tara nani ba upla iwras tasbaya, yul talia nani watla daukaia.

Jirimaya 25:30

“Jirimaya, man bui yang nini ra naha sturka nani na witin nani ra wis: ‘Dawan ba pura wina alwani baku ai bîla baikra ba blikisa, ai iwaika holikira iwi ba wina. Ai sîpka nani ba mapara winisa wain tataibra nani wini ba baku, tasba ra upla nani iwi ba sin mapara.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 26:9

¿Nahki man sibrin âpu aisisma bara Dawan nina ra wisma naha tempelka na Siló baku takbia, naha tawanka na sin slingban kabia, upla sin âpu swin kabia?” Bara upla sut tempel ra aipaswan Jirimaya ra kir kutban.

Jirimaya 33:10

Dawan aisisa: “Man nani wisma baha pliska ba upla iwras tasbaya takan, bahara upla âpu daiwan nani âpu; Jerusalem tawan yabalka ba Juda tawanka yabalka ba bîla baman sa; bahara diara âpu, daiwan sin âpu. Baha pliska ra sika witin nani kli balbia bara walbia,

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 51:38

Babilon uplika nani ba layan ihbi baku, layan luhpia nani lawi baku kabia.

Jirimaya 6:8

Jerusalem, man mita wapnika dauks, apia kaka yang kupi sauhki man wina tnaya ra tawamna, upla iwras tasbaya ra mai lakamna, upla âpu bîla man mai swimni.”

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Isikiel 36:3

Bamna aitani sa, yang nini ra aisas bara wis: ‘Naku wisa Dawan ba: Tnaya sât sât wina mai yuskisa bara mai sauhkisa; nisan tringsar nani sut ba ai munhtara mai brisa, bara upla nani ba lamwaska kikisa bara bahki mai kulkisa.

Isikiel 5:14

Yang mita mai daukamni, diara sauhki tikan yuyaka nani ailal ba baku, Jerusalem; swiram mai daukamni tawan nani kir mai bri ba sut mawanra, baku bamna upla sut mai kaikan kabia bâk lui nani ba.

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Emus 3:12

Dawan naku aisisa: “Sepad kum, layan bîla wina sîp kuhma wâl pan, apia kaka kiama tâ lupia pan aiklabi dakbi bri ba, baku sim natka ra, Israel luhpia nani Sameria tawanka ra ba, swakwan kabia; baha nani ai iwaika swapni tara purara aitniki ba, Damaskus ra.”

Emus 3:4

Layan il nani tilara ba piua ra, daiwan kum alkaia ridi takan bamna; layan luhpia nani ba tasba unta ra ihbi lawi ba, witinka daiwan kum alkan bamna.

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Nahum 2:11

¿Layan watla untika nani ba ra kau dîa takaskuya ki, layan luhpia nani takaski yukuwaika ba ra? Bahara sika layan nani ba, ai luhpia nani aikuki, ai yukuwaika watla karnakira bri kan ba; upla kumi bahara dimi, witin nani ra sirang ikaia âpu kata.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Sofonías 2:5

¡Creta uplika nani, kabu un ra iwi banhwisma ba, sarkam pali ai daukisa! Gâd bui man nani mai sauhki tikaia dukiara pat aisin sa: “¡Kenan, filisteo nani kuntrika, bâra iwi banhwisma ba sut mai sauhki âpu mai tikaisna!

Sofonías 3:6

Dawan kasak aisisa: “Yang nisan nani ba âpu daukri, tawerka nani, tawanka kutbanka nani ba sin slingbi âpu daukri, bara tawanka yabalka nani bîla ba, upla iwras yabalka daukri. Upla kumi sin bâk lui waia apia daukri. ¡Tawanka tara ba bîla man swin, upla kumi sin bâra âpu!

Sakaraya 11:3

Sepad nani ba karna inisa, kan twi nani prana kata ba sut sauhki tikan bamna. Layan ihbi ba walisa Jordan lamara ai watla bri kan ba sut sauhki tikan sa bamna.

Wihta Nani 14:5

Bamna Samson ai aisa bara ai yaptika aikuki Timnat ra wan. Tawan ba lama mapa ra wain nasla bâra kan, baha kat Samson auya kan ba ra layan wahma kumi lawi bal takan witin ra alkaia.