Jirimaya 2:13 - DAWAN BÎLA AISKA

¹³ “Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Jirimaya 2:13 ပူးပေါင်းရင်းမြစ်များ

2 King Nani 22:17

Kan yang ra ai swi si, gâd bahki nani ra kîa yamni nani angki yabi kan, baku kupi uya sauhkan, ai mihta warkka nani daukan ba wal. Bamna yang latwanki ba witin nani mapara sa, bara sin sip pali dasbia apia.

Lawana Nani 36:9

Raya kaia kârma ba man ra bâra sa, man ingnikam baman yang nani ingni kaikaia sip sa.

Smasmalkra 1:14

Bara sip kapri kaikaia naha tasba ra diara nani dauki ba bahki sa, pâsa ra wan mihta ni alkaia baku.

Smasmalkra 12:8

Yang, Smasmalkra ba, kli aisisni: ¡Brinka bahki baman, brinka bahki baman! ¡Sut ba bahki baman!

Smasmalkra 2:11

Ningkara yang mihti warkka nani sut ba kulki kaikri, nahki karna ai munan ba, baha sut daukaia, bara tânka briri baha sut ba bahki baman ba, pâsa ra alkaia baku praiska, bara naha tasba ra diara yamni kum wina hilp briaia âpu sa.

Smasmalkra 2:21

Upla nani bâra sa ai warkka ra mangkisa sinska lâka nani, diara tânka nu ba, bara diara lan takan sinska lâka ba, ningkara upla wala kum warkka daukras uplika ra laki yabaia dukiara bribia wisi. ¡Naha sin bahki man sa, bara lâ kasak pali apia sa!

Smasmalkra 2:26

Baku bamna Gâd sins lâka yabisa, diara tânka briaia lâka; bara ai liliaka sin, yaura witin yamni luki uplika ra; sakuna saura dadaukra ra yabisa wahbi kukaia, ningkara ani uplika Dawan yamni kaiki ra yabisa; baku sin baha ba bahki baman sa, pâsa ra alkaia baku pitka.

Smasmalkra 4:4

Kaikri wark ailal takaia ba, bara nahki taki ba, bisnis uplika kum wala ra tuman lâka brih aula, bara baha sin bahki sa, pâsa ra alkaia baku.

Aiseya 1:3

Wark bîpka wainhka ba ai dawanka kaikisa, biriku sin ai dawanka daiwan watla ba; sakuna Israel yang upliki nani ai dara walaia tânka âpu sa.”

Aiseya 1:4

¡Alai, upla saura dadaukra nani, watawi lâka man twilki banhwisa ba, saura dadaukra kiamka nani, watawi lâka luhpia nani! Dawan wina laihura takan nani, Israel Gâdka Holikira ba wina sin laihura takan, Gâd ba lulki swin.

Aiseya 12:3

Swaki wan sakaia laya kârma nani ba wina, man nani liliakira bal lî saki kama.

Aiseya 5:13

Baha mita, witin nani walaia apia luki ba tâka upliki nani ba priski brih wan kabia. Tawan sut bara ai wihtka nani ba sin, plun wahwan mita bara lî diran mita sut prubia.

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Aiseya 63:8

Witin win: “Witin nani ba yang upliki sa, baha luhpia nani ba waihli mihta ra mangkaia apia kaia sa.” Bara witin swaki sakan,

Jirimaya 1:16

Naku sika klalka yabaia lâ daukaia sna ba, baha saura dadaukra nani ai lulki ai swin ba mapara, witin nani sika dus mâka kîa pain angki bara upla wala nani ra witin ai tasbaya wina apia nani gâdka lilka klauna paski bri kata ba, bahara ai pura suni mayunan.

Jirimaya 14:3

Yuyakira nani albika nani ba lî panhkaia laihura blikisa; lî watla tara nani ra witin nani auya, sakuna lî sakras ai mihta ra, lî watla nani ba bîla man kli tawi aula. Kunin munan swira tara takan, ai lal pura biki tawi aula.

Jirimaya 15:6

Man bui yang ra ai swiram, ninam ba yang ra lakram. Yang, Dawan, kasak aisisna. Baha mita yang, kupi alki takaski ban swapri, bara mihti bukri klala maikaia, bara mai sauhkri.

Jirimaya 17:13

Dawan, man sika Israel bîla kaikanka. Baha nani sut mai briras mai swin ba swira takan kabia. Baha nani sut man wina kitwi laihura taki ba upla nina tasba pukpuka ra ulbi swin tiwi ba baku lap tiwbia, man lî kârma kauhla, mai briras mai swin ba mita.

Jirimaya 18:14

¿Líbano ra walpa nani purara sno bâra ba âpu takisa ki? ¿Il nani wina lî kauhla iswi ba lâwbia ki?

Jirimaya 19:4

Kan Israel luhpia nani ai lulki ai swin bara tasbaya na upla tringsar tasbaya daukan; nahara gâd wala nani ra diara kîa pain nani angki yabi kan, baha gâdka nani ba witin nani sin apia ai damika nani Juda kingka nani sin kakaira apia ba, upla pâtkas nani sin nâra iki tâlia laikan.

Jirimaya 2:11

idan nisanka kum ai gâdka swi si gâd wala brisa kaka. ¡Baha nani ban gâd bahki nani sa! Sakuna yang upliki nani ai swin, yang lika witin prana ban sna, sakuna aidul nani diara bahki ba briaia tâwan.

Jirimaya 2:17

Naha diara nani man nani puramra balan man nani ai lulki ai swiram ba tâka, yang sika Dawan, man nani Gâdkam yabal ra tampahki katna ba.

Jirimaya 2:26

“Âimplikra pura baikan piua ra ai swira bri ba baku, Israel ba baku swira takan kabia, upla nani ba, king nani ba, wihta nani ba, prîs nani ba, prapit nani ba sut;

Jirimaya 4:22

“Yang upliki nani sika kiamapara, ai kakaira apia —Dawan baku aisisa—. Witin nani tuktan baku diara luki kaikras, laki sin kaikras. Diara saura daukaia sinska lika manis brisa, sakuna yamni daukaia tânka lika briras.”

Jirimaya 5:26

Kan upla saura nani yang upliki nani tilara bâra sa tnawira âialkra nani kahbi tauki ba baku sa, mina alkaika nani mangkisa, wala nani ba alkaia dukiara.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Isikiel 14:5

“Israel luhpia nani sut kupia alkamna, witin nani ba yang wina dakwi taki banhwan ba ai aidulka nani dukiara.

Isikiel 47:1

Waitnika ba aikan kli tempel durka ra tawi balri. Baku mika kaikri dur munhta bâk lî iswi kata, bara lalma tani ra laiwi kan, nahki natka ra tempel mangkan ba baku. Lî ba tempel aihkika tani bâk laiwi kata, altar ra ba wina waupasa tani ra.

Miqueas 2:8

Man nani lika yang upliki nani mapara buram. Waitna nani war aiklabi si ai watla ra aula kan ra, ai kwalka manakira mihta dakbi briram, baha nani pât swakwan luki kan ba.

Miqueas 6:3

Naha na Dawan aisisa: “Upliki nani, ¿man nani mampara yang dîa daukri, diara aihka pali sin mai munri sa ki? ¡Ai wis!

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Jan 4:10

Bara Jisas pana win: —Gâd diara yabi ba kaikram kata, bara ya sin man ra lî makabi ba, kasak pali mai wisna man bui witin ra lî makabaia kapram; bara witin mita lî rayakira ba maikbia.

Jan 4:11

Mairin ba bila: —Mâsa, dîa ni lî panhkaia kat sin âpu sma ba, bara liwanhta na sin pakni pali sa. ¿Bamna ani wina lî diaia aikma ki?

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 7:37

Lilia tara piua prakaia ba lika, kau tara daukan. Baha piua ra Jisas ai mina ra bûi, ai bîla baikra tara ni aisi, naku win: —Ya lî din daukisa kaka, witin ba yang ra bal dibia.

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

2 Pita 2:17

Naha smasmalkrika nani lika, sim tingni kumi lâwan ba baku sa, kasbrika nani pâsa mita aki brih wi ba wal baku sa; bamna baha nani dukia wisi, Gâd mita plis tihmu tara pali kum ridi dauki swin sa.

Param Marikanka 21:6

Baha ningkara ai win: “Pat daukan sa. Yang sika A ba bara Y ba. Ya diran dauki ba, yang raya kaia laya kârma ba wina yârika dibia, baha ba mana âpu pri pali.

Param Marikanka 22:1

Bara insal ba awala klin kum ai marikan, rayaka lâka laya wanki ba. Baha ba glas baku ingnikira kan, bara Gâd king iwaika ba wina bara Sîp Luhpia king iwaika ba wina sin taki kan.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.

Wihta Nani 10:13

Baku man nani ra swaki mai sakri, sakuna man nani ban yang ra ai lulki ai swiram gâd wala bahki nani ba mayunaia dukiara, bahamna yang kli man nani swaki mai sakamna apia.

1 Samuil 12:10

Sakuna tisku witin nani Dawan mawanra ai tânka brin, Baal bara Astarté lilka nani ra ai pura suni kan ba saura dauki kan. Witin nani pramis taki Dawan ra ai pura sunan, Dawan ra baman mayuni ai pura suni kaia.