Jirimaya 2:11 - DAWAN BÎLA AISKA

¹¹ idan nisanka kum ai gâdka swi si gâd wala brisa kaka. ¡Baha nani ban gâd bahki nani sa! Sakuna yang upliki nani ai swin, yang lika witin prana ban sna, sakuna aidul nani diara bahki ba briaia tâwan.

Jirimaya 2:11 ပူးပေါင်းရင်းမြစ်များ

1 King Nani 11:33

Witin bui yang ba ai swin bara Sidón nani gâdka Astarté ra ai pura suni mayunan, Moab uplika nani gâdka Quemós ra, bara Amón uplika nani gâdka Moloc ra sin. Bara yabalki nani ra wapras, diara wapni daukras naikra nani ra, bara lâika bîla nani sin kulkras, ai aisa Debit daukan ba baku.

2 King Nani 1:3

Sakuna Dawan insalka ba, Ilayas Tisbé wina ba ra win: “Bus, bara Sameria kingka bîla twatwilkra aula ba wal prawaia was, bara makabi wals: ‘¿Israel ra Gâd âpu kan ki, Ecrón gâdka Baal-zebub ra kaina kaikaia auma ba?’

2 Kronikas 13:9

¿Bara Eran kiamka Libait Dawan prîs nani ba sin man nani mita kangbram wan apia, bara man nani mita idan prîs nani ba mangkram apia aidul nisan wala nani dauki baku? ¡Ani uplika kabia bal bîp wainhka kum sîp 7 bri ai gâdka nani ba prîs mangki pura sunaia!

Lawana Nani 106:20

¡Gâd pranakira ba lakan, bîp kum twi pi ba lilka ra!

Lawana Nani 115:4

Idan nani aidulka ba, gul bara silbar nani sa upla bui diara kum ai mihta nani ni paskan ba:

Lawana Nani 3:3

Sakuna, Dawan, man, yang kaini kahbaika sma, man sika yang praina sma, man sika yang kupi kli bukisma ba.

Aiseya 37:19

Baku sin ai gâdka nani pauta ra angkan baha nani ba, gâd nani apia kan bamna, sakuna upla mita daukan, dus nani bara walpa nani ni daukan kan ba. Baha mita sika sauhki tikan ba.

Jirimaya 16:20

¿Upla ba sip sa ki witin mita ai gâdka nani paski briaia? ¡Ban kaka, baha nani ba gâd kasakkira apia sa!”

Jirimaya 18:13

Baha mita Dawan naku aisisa: “Nisan nani tilara man nani makabi wals, baha sut sturka talia upla kum kum walan sapa. ¡Israel luhpia nani diara saura pali daukan ba!

Jirimaya 2:5

Dawan aisisa: “¿Almukkam nani ba dîa saura daukri ai kaikan, baha tâwan yang wina laihura taki wan ba? Gâd apia diara bahki nani ba ninara witin nani wan, bara witin nani sin baku diara bahki takan.

Jirimaya 2:8

Prîs nani ba sin ai plikras kan, upliki nani ra smalki nani ba sin yang lâika ba smalkras tâ bri nani ba maipara buan, prapit nani ba Baal dahra aisin bara aidul nani diara bahki ba ninara wan.

Jirimaya 5:7

Dawan naku aisisa: “¿Naha pâtka nani sut na nahki ban swih tikamna? Man luhpiam nani ba lulki ai swin, bara gâd apia nani ba mayunisa. Yang bui witin nani ra plun ailal pali yabri, sakuna witin nani lika yang wal wapni apia kan, witin nani sut aiska ba ur tatakra takan.

Isikiel 14:5

“Israel luhpia nani sut kupia alkamna, witin nani ba yang wina dakwi taki banhwan ba ai aidulka nani dukiara.

Isikiel 5:7

“Baha mita yang, Dawan, naku wisna: Man nani kau kiamapara takram, nisan wala nani sut purkara, tasba aiska purkara, lâika mai smalkri ba walras katma, bîla ba sin sip alkras katma, ban sin lamara nisan wala nani lâka ba kat sin daukras katma.

Miqueas 4:5

Upla kiamka wala nani ba sut, ai gâdka nani lilka paski, baha nani bîla wali daukisa, ban sakuna, yawan lika wan Dawan, wan Papaskra ba, bîla wali dauki kabia ban kaia ra.

Roman 1:23

kan ban kaia ra pruras, Gâd ra prana ba swi si, pruaia uplika lilka ra ni tawan, ban sin daiwan tnawira nani bara kwasi nani lilka ra, bara daiwan mina walhwal bri nani ra sin.

1 Korint 8:4

Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

Galesha 4:8

Kaina piua ra, Gâd kakaira apia katma ba ra, man nani lika gâd apia nani albika nani katma.

Kli Smalkanka 32:16

Aidul nani sîa briaia kata ba ra mayuni Gâd lawanka ra kupia baiwanka nani ra tuskan;

Kli Smalkanka 32:21

Yang traiki kaikan gâd kum gâd apia ba wal, ai gâdka kuninkira ba yang ra baku kulki ba; ¡bara yang sin traika kaikamni nisan kum nisan apia ba wal, nisan kum ai tânka briras ba yarka ai kupia sauhkbia!

Kli Smalkanka 33:29

Israel, man lilia sma, ¿ya man wal prakaia sa? Dawan sika swaki mai sakan, witin kainam kahbi main mai kaikisa, ¡witin sika pura luram sordka ba! Waihlam nani man ra bawbia, bara ai prautka ba man mita batakma.”

1 Pita 1:18

Bamna Gâd ba baha rayaka bahki, almuk nani wina briram ba tila wina swaki mai sakan; bara man nani pain kaikisma, wan swaki sakan mana ba lika, diara aisawi nani ba wal aibapras kan, gul bara silbar baku;

1 Samuil 4:21

Bara tuktika nina ba Icabod mâkan, baha tânka wiaia: “Nanara Israel ra yamni kulkan lâka ba âpu sa, Gâd lâ auhbaika watla ba dakbi brih wan ba mita.” Aisubanka ba natka bâk aisi marikisa, Gâd lâ auhbaika watla ba dakbi brin bara ai dapna bara ai maya sin pruan ba.