Jirimaya 18:23 - DAWAN BÎLA AISKA

²³ Sakuna, Dawan, man bui witin nani dîa dauki ba sut kaikisma, witin nani bui yang ai ikaia daukan. ¡Watawika lâka pâtka ba swih tikpara, saura daukan ba sin âmya tiwbiara! ¡Yas witin nani man mamwanra kauhbia, kupiam baiwan ra lâ ni dauks!

Jirimaya 18:23 ပူးပေါင်းရင်းမြစ်များ

Lawana Nani 119:126

Dawan, pat piua aimakan sa diara kum daukaia, kan witin nani man lâmka ba wali daukras bamna.

Lawana Nani 35:4

Ai ikaia aula nani ba munrika plapan kabia; baha nani saura ai munaia luki nani ba munrika plapan kabia;

Lawana Nani 56:8

Man bui yang ra ai munan, plapi baman taukisna ba sut kulki brisma, baku sin naikra laya nani ba sut ulbi brisma. ¿Man baha nani ba wauhtaya ra ulbras katma ki?

Lawana Nani 59:5

Dawan, man, Gâd karnika sut pali brisma ba, Israel Gâdka, rawi bus bara klala yas, baha lukras nani Gâdka ba; umpira kaikpara, watawi dadaukra upla âikra nani ba.

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Aiseya 2:9

Witin nani paskan bara bawan, maya kat iwan. ¡Baha mita witin na pâtka ban swih tikpara!

Jirimaya 11:23

Witin nani kumi sin raya kabia apia, kan yua ba aula baha yua ra yang bui man nani aikuki diara kulki kaikamna, Anatot uplika nani, bara man nani puramra pât tara ba bri balamna.”

Jirimaya 15:15

Dawan, man lika diara sut tânka brisma ba, ¡yang ra ai luki bas, bal hilp ai muns! ¡Waihli nani nini bliki ba man bui witin nani ra pana muns! Witin nani mapara man ban kupiam alki takaski kapara, witin nani ban yang ra ai ikbia; kaiks man tâmwan diara saura nani ai wi ba ban kupi alki takaskisna.

Jirimaya 17:18

Nini bliki nani ba lawaska kikaia dauks, yang lika apia; witin nani sirang tara iwbia ba ra, yang lika apia. Witin nani purara sari balaia dauks, kriki, kli kriki âpu pali dauks.

Jirimaya 17:4

Man prapatikam baku tasba maikri ba tasbaya ba man lulki swiaia sma, waihlam nani ba albika takaia mai daukamna man kakaira apia sma ba tasbaya ra, kan yang kupi baiwanka buki klauhan pauta klauhi ba baku, mai angki âpu mai daukbia.”

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 26:11

Bara prîs nani bara prapit nani ba mita wihta nani ra bara upla nani ra sin win: “Naha waitnika na pruaia pâtka ra lakaia sa, kan naha tawanka mapara aisin bamna. Aisin ba man nani kiamam ni walram.”

Jirimaya 26:8

Witin aisaia Dawan mita win ba witin sut aisin ba ra, prîs nani, prapit nani, upla wala nani bal Jirimaya ra prak alki bara win: “¡Man lika pruaia!

Jirimaya 37:15

Bara baha nani Jirimaya ra kasak lawan, blikan bri si wipaia bara silak watla ra mangkaia Janatan sturi âiulbra ba watla ra, baha watla ba silak watla kan.

Jirimaya 38:4

Bara wihta tara nani ba wih king ra win: —Naha waitnika na ikaia sa, witin aisi ba mita suldiar nani tawan ra nâra ba lukanka, upla nani sut lukanka ba swapni daukisa. Waitnika na upla nani tâ baikaia daukras, sakuna saura munaia baman aisisa.

Jirimaya 6:15

¡Witin nani ai swira briaia kan baha dukia nani witin nani dauki ba yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.”

Jirimaya 6:21

Baha mita, Dawan aisisa; “Naha uplika nani na ai mina pruki kauhaia daukaisna. Aisika nani, luhpia nani, lamara uplika prui nani ba sut, aikuki baku prui banhbia.”

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Jirimaya 8:12

¡Witin nani ai swira briaia kan baha dukia nani witin nani dauki ba, yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.’ ”

Inanka Nani 3:60

Man kaikisma witin bui pana ai munaia ai brinka ba, bara ai kupia wina kunin paski, maipara ai munaia bri ba.

Inanka Nani 3:61

Wals, Dawan, swiri dauki bara witin nani ai kupia wina kunin paski, maipara ai munaia luki ba.

Luk 21:22

Baha piua ba lika pât wahwaia piua nani kabia, bamna Ulbanka nani dîa aisi ba sut aimakaia sa.

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;