Jirimaya 18:15 - DAWAN BÎLA AISKA

¹⁵ Sakuna upliki nani ai âuya ai tikan, kunin gâdka nani ra diara kîa pain angki yabisa. Patitara yabalka almuk ra, aimawahkan, witin kakaira apia ba yabalka nani ra ban auya.

Jirimaya 18:15 ပူးပေါင်းရင်းမြစ်များ

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Aiseya 3:12

Upliki nani, tataibra ba wahma lupia kum sa; mairin nani wihta tara aimakan sa. Man nani upliki nani, tâm bri nani ba mita kunin mai munisa, yabal wala bâk mai bri auya.

Aiseya 41:29

¡Witin nani kumi sin diara apia sa! Diara kumi sin daukras; aidul lilka bahki nani baman.

Aiseya 57:14

Baha ningkara aisanka kum walma: “Man nani yabal ba langni dauks, langni dauks; pahbi sâks wan mina prukaika nani ba, yang upliki nani ba yabalka bâk lubia.”

Aiseya 62:10

Taki was, taki was tawan latara get nani bâk, upliki nani yabalka ba pahbi sâks. Tasba unta nani yabal tara ra bâra ba, lasbi praks; walpa nani ba sin sâks, bara upla nani ra sain kum mariks.

Aiseya 65:7

Witin nani lâ krikanka nani daukan ba aisika nani sin daukan ba baku. Kîa pain angki kan il nani purara, kiuhsi nani purara swiri dauki kan. Witin nani dîa daukan ba pas kulki kaikamna, witin nani dîa briaia aitani ba yabamna.” Baha Dawan aisin.

Aiseya 9:16

Kan naha tawanka wihtka tara nani ba, upla ra kunin mamunra nani sa, bara witin nani tâ brabrira kum pliki kan ba tiwan sa.

Jirimaya 1:16

Naku sika klalka yabaia lâ daukaia sna ba, baha saura dadaukra nani ai lulki ai swin ba mapara, witin nani sika dus mâka kîa pain angki bara upla wala nani ra witin ai tasbaya wina apia nani gâdka lilka klauna paski bri kata ba, bahara ai pura suni mayunan.

Jirimaya 10:15

baha dukia nani ba diara bahki, lawaska kikaia dukia, Dawan lâ dauki kabia bara sauhki tikbia.

Jirimaya 11:12

Baha taim Juda uplika nani Jerusalem nani sin witin nani kîa pain angki yabi ba gâdka nani ra hilp makabaia wabia, sakuna pât tara ba balbia bara baha gâdka nani sin witin nani ra sip swaki sâkbia apia.

Jirimaya 11:13

Juda gâd nani ailal pali brisa tawan nani ailal bri ba baku, Jerusalem ra iwi uplika nani ba sin kîa pain angki Baal ra yabaia altar nani ailal paskan sa tawan ra yabal ailal ba baku.

Jirimaya 11:17

Yang, karnika sut brisna Dawanka ba, yang mita sika mai angkri, bara yang mita sika pât tara ba man ra balaia daukri, Israel man Juda wal watawika lâka nani manis yang maipara daukram bamna, man nani Baal ra kîa pain angki yabi yang kupi baikram.

Jirimaya 13:25

Israel, baha sika man briaia sma ba yang kli maikaia sna ba man daukram ba. Yang, Dawan, kasak aisisna. Man bui yang ra âmya lap ai tikram bamna, bara lukankam ba aidulkam nani ra kasak lukram.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 17:13

Dawan, man sika Israel bîla kaikanka. Baha nani sut mai briras mai swin ba swira takan kabia. Baha nani sut man wina kitwi laihura taki ba upla nina tasba pukpuka ra ulbi swin tiwi ba baku lap tiwbia, man lî kârma kauhla, mai briras mai swin ba mita.

Jirimaya 18:14

¿Líbano ra walpa nani purara sno bâra ba âpu takisa ki? ¿Il nani wina lî kauhla iswi ba lâwbia ki?

Jirimaya 19:5

Baha purkara Baal altarka nani sin paskan, baha purara ai luhpia nani ba angki yabaia, baha daukaia yang aisaras, adar sin yabras katna ba, yang lukanki ra sin baku daukaia tânka sin lukras katna ba.

Jirimaya 2:13

“Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 2:32

¿Mairin kum ba ai prana dauki aiskahki dukia nani ba, marit takan prâka skahkan ba âuya tiwbia ki? Ban sakuna, yang upliki nani lika piua wihka pat ai âuya ai tikan sa.

Jirimaya 3:21

“Kiuhsi nani upla iwras baku tasbaya ba pura wina bîla baikra nani ba walisa: ‘¡Baha sika Israel luhpia nani, makabi inisa witin nani ra umpira kaikbia luki! Yabal wapni wina witin nani tnaya ra wan. Witin nani ai âuya ai tikan ai dawanka ai Gâdka ra.

Jirimaya 44:25

Dawan karnika sut bri ba, Israel Gâdka, aisisa: ‘Mairin nani man nani baku aisi sin daukisma. Man nani wisma pat pramis takram Kasbrika Purara Kwinka ba ra kîa pain nani angki wain prisantka nani sin yabaia, man nani dîa aisaram ba kat daukma. ¡Pain pali, aisaram ba baku warkka ba sin dauks!

Jirimaya 51:18

baha dukia nani ba diara bahki, lawaska kikaia dukia, Dawan lâ dauki kabia bara sauhki tikbia.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Isikiel 21:15

Witin sibrin lâka ni banhbia, manis pali ra rausauhkan kabia. Ai watla nani ra sord âikra ba mangkri sa. ¡Sordka ba klaki wapni daukan, imyula baku lipaia, iki tikaia dukiara mala daukan!

Isikiel 36:15

Kli walamna apia lahtuban bîla nani, nisan wala nani wina; kli kupia sauhkan bîla nani walbia apia baha uplika nani wina, kan man nani kli ai uplika nani ra luhpias swima apia. Yang, Dawan, kasak aisisna.’ ”

Oseas 11:2

Sakuna yang bui witin ra kau ban wini kapri ba ra, witin ba yang wina kau laihura wan. Yang upliki nani ba gâd bahki nani ra sakripais dauki yabi kan, aidul nani ra dus taya kîa yamni angki yaban.

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Oseas 2:6

“Baha mita ai yabalka ba, kiaya nani ni prakamni bara kaina kir kutbamna, bara ai yabalka nani ba pliki sâkbia apia.

Malaquía 2:8

“Sakuna man nani prîska lika, yabal kasak ba wina tnaya ra tawram; smalkankam nani ba ni upla ailal batakram. Baku man nani upla nani ra smalkram lâika Libai ra yabri ba warha daukaia.

Matiu 15:6

bara ya ya baku aisabia ba, ai aisika ra bara ai yaptika ra hilp munaia apia sa. Baku man nani bui Gâd lâka ba bahki kulkram, man nani lâmka nani nina blikaia dukiara.

Roman 14:21

Bamna pain sa yawan wîna piaia apia, wain sin diaia apia, bara wan muihni mina prukaia dukia kumi sin daukaia apia sa.

Kli Smalkanka 32:21

Yang traiki kaikan gâd kum gâd apia ba wal, ai gâdka kuninkira ba yang ra baku kulki ba; ¡bara yang sin traika kaikamni nisan kum nisan apia ba wal, nisan kum ai tânka briras ba yarka ai kupia sauhkbia!