Jirimaya 17:9 - DAWAN BÎLA AISKA

⁹ “Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Jirimaya 17:9 ပူးပေါင်းရင်းမြစ်များ

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

2 Samuil 11:15

Wauhkataya ra naku ulban kan: “Urías ba anira war karna aiklabi ba tâ pali ra mangks, bara baha ningkara witin ai mânka swis, baku witin insauhki prubia.”

Lawana Nani 51:5

Yang kasak daihra walisni, saurakira sna ba, aisubi takri ba wina. Saurakira sna, yaptiki biara ra kapri ba wina.

Lawana Nani 64:7

Dawan bui witin nani ra ai trisbaya nani wal ai dahra walras kaka sabia;

Sins Lâka 28:26

Tanis uplika ba lika witin ai kupia lukan pali kat luki tniwisa, sakuna sins lâka ra dauki watauki uplika lika swaki sakan kabia.

Smasmalkra 9:3

Naha sika saurka sut ba, naha tasba ra diara sut taki ba wina, sut ra sim dukia bîla kaikisa, tani wala ra kaikri, upla lukanka sut ba, saura ni banhwan sa, sinskas lâka mita ai sinska ra taibi brisa, ai rayaka aiska ra; bara tnata piua ra lika, ¡raiti kat wabia!

Aiseya 1:5

¿Dîa muni man nani klala kau makabisma? Wînam aiska ba mai wipan sa. Lamla ba insauhkan sa, karnikam sin aiska âpu pali takram sa.

Aiseya 1:6

Man nani minam bîla wina lamla bahna kat, diara yamni kumi sin âpu sa; baha sut ba, insauhkan baman, prukan baman, taya sukwan baman sa; sîka mangkras, kwala wilkras, batana laiki latwanka ba sin daskras.

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Jirimaya 16:12

Bara man nani kau saura daukram damikam nani ba wal, man nani kumi bara lamla karna lukankam ra dîa daukaia brin mai dauki ba bîla wali daukram, sakuna yang bîli lika wali daukras.

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Matiu 13:15

Kan naha uplika nani lukanka na warwan sa, ai kiama ba praki brisa, bara ai nakra nani sin prakan sa, baku lika kaikbia apia bara walbia sin apia, bara sin tânka bribia apia, baku sin yang ra tawi balbiara bara yang sin rakamna apia.’

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Mark 2:17

Jisas naha wali, witin nani ra win: —Upla wîna dutki nani ba lika, daktar briaia apia sa, sikniskira nani ba lika. Yang lika upla kasakkira nani paiwaia balras, upla saurakira nani ra lika.

Roman 1:21

Bamna baku Gâd ra kakaira sa, sakuna Gâd ra mayunras bara tingki sin wiras. Kau ni diara bahki nani ra baman ai lukanka mangkan, bara witin nani ai kupia tanis ba tihmia ra bamna, ba kat takaskan sa.

Roman 7:11

Bamna saurka ba sans brin lâ bâk kunin ai munaia, bara baha sin lâka bâk prura sin aikan.

Epesus 4:22

Bamna man nani blasi natkam almuk ra iwi katma lâka ba mahka swis, kan baha daukanka mita mai sauhkisa, bara ai brinka saura ba ni kunin mai munisa.

Hibru Nani 3:12

Muihki nani, aman kaiki bas, man nani wina kumi sin ai kupia saura brih, Gâd rayakira ba wina tnaya ra tawbiara, witin ra kasak lukras ba mita.