Jirimaya 16:5 - DAWAN BÎLA AISKA

⁵ Dawan bui sin naku ai win: “Utla kum ra upla pruan pura mata sari bri kaka bahara dimpara; man inpara bara sarka brisma ba tânka sin marikpara, kan naha uplika nani tila wina sakri kupia kumi lâka ba, laitwanka lâka ba bara umpira kaikaia lâka ba sin. Yang, Dawan, kasak aisisna.

Jirimaya 16:5 ပူးပေါင်းရင်းမြစ်များ

Lawana Nani 25:6

Dawan, man kupiam latwan lâka bara kupiam swapnika piu bani wan marikisma ba, baha man ban luki bas;

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Jirimaya 12:12

Upla iwras tasbaya ilka nani bâk sasauhkra uplika nani ba balan, kan yang, Dawan, sord kum brisna kuntrika na tâ kum wina tâ wala kat sauhkbia, plis kum ra sin kupia kumi kabia apia.

Jirimaya 13:14

Bla takbia bara lî watla nani kalki baku kalkamna, pana pana mapara kabia, aisika nani luhpia nani sut baku daukbia. Witin nani ra luki kupi kriwan takbia apia: pâtkas umpira wimna apia; yamni kaikras lâka ra. Yang, Dawan, kasak aisisna.’ ”

Jirimaya 16:13

Baha tâwan, naha kuntrika wina man nani mai saki kuntri wala ra mai lulkaisna, man nani damikam nani sin kakaira apia kan ba tasbaya ra, bahara Gâd wala nani warkka dauki kama, yang bui man nani ra kupi swapni brimna apia.’

Inanka Nani 3:17

Yang sulki ba kupia kumi lâka wina laihura sakan sa, bara lilia lâka ba dîa sapa sut âiya tiwan sa.

Sakaraya 8:10

Naha piua kat upla nani mana bara daiwan nani mana aibapaia diara âpu sa. Waihla bâra ba mita, upla nani tilara kupia kumi lâka sin âpu sa, kan yang mita daukri upla nani ba pana pana mapara saura kaia.

Kli Smalkanka 31:17

Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’

Param Marikanka 6:4

Bara aras wala kum bal takan, baha ba lika pauni kan, bara purara uli kan ba karnika bri kan, tasba aiska wina kupia kumi lâka ba sakaia, bara yaka upla nani ba aiklabi pana pana prui tiwaia; bara witin ra sord tara kum sin yan kata.