Jirimaya 16:19 - DAWAN BÎLA AISKA

¹⁹ Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 16:19 ပူးပေါင်းရင်းမြစ်များ

1 King Nani 20:23

Siria kingka wihtka tara nani ba naku win: —Man nani gâdkam ba lika il nani gâdka sa, baha mita wan pura lui banhram. Sakuna twi ra aiklaban kaka kaikaia kapram, yang nani bui pura luaia kapri.

Lawana Nani 18:3

Man, Dawan, mamyunaia ba aitani sa, yang mai wisna ba ra, waihli nani wina swaki ai sakisma.

Lawana Nani 19:14

Bîli aisinka nani ba, kupi mununhtara lukisna ba sin, yarka man mamwanra briaia yamni kulkan kabia; Dawan, yang yukuwaiki walpaya tara, ai atki sasakra sma ba.

Lawana Nani 27:5

Yua saura nani balbia ba ra, Dawan ai watla ra ai yukukbia; ai distika ra ai dingkbia, ¡witin walpa tara purara ai swaki ai sâkbia!

Lawana Nani 46:1

Dawan ba sika wan yukuwaika bara wan karnika sin; wan hilpka sa yawan pât bri ba piua ra.

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Lawana Nani 62:2

Witin baman swaki ai sakisa bara kaini kahbisa. Yang kauhamna apia, kan witin ba yukuwaiki sa.

Lawana Nani 62:7

Gâd ra baman ai swaki sakan lâka bâra sa, bara ai kulkisa sa sin; witin sika kaini kahbaiki bara yukuwaiki sin.

Lawana Nani 65:3

Wan watawanka nani ba mita, taibi wan munisa; sakuna man wan saurka nani ba ban swih tikisma.

Lawana Nani 68:31

Idsip wina kuntri lengstarka nani balbia Etiopía uplika nani ba Gâd mapara ai mihta nani bukbia.

Lawana Nani 86:9

Man Dawan, man bui sika nisan nani sut asla paskram ba, bara witin nani ba balbia, man ninam mayunaia.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 25:4

kan umpira nani watla man aimakram bamna, diara luha, ai sarka bri nani karnika man sma, skwal mapara yukuwaika, lapta mapara distika. Kan upla tataibra nani karnika ba, skwal kumi kauhla piua ra kutbanka kum ra platukbi ba baku sa,

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 44:10

Upla kum diara slilki aidul paski, bahara ai pura suni ba gâd kum ra baku, ai taimka ba bahki ra tikisa.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 62:2

Nisan nani ba kaikbia man swak takan lâka sma ba, king nani ba sin sut man pramna ba kaikbia. Bara man ninam raya kum, Dawan wina mâki maikbia.

Jirimaya 10:3

Baha uplika nani mayuni gâdka ba bahki pali sa. Dus nani pâwi ba tila wina dus kum klakisa; bara dus wina diara papaskra ba bal lilka kum karbi paskisa,

Jirimaya 10:5

Aidulka nani ba rayapisa nasla ra daiwan tnawira nani kangbaika paski ba baku paskisa; sip aisaras, witin nani mita twilki bri taukisa, sip wapras. Baha nani sîa bripara, baha nani upla kumi ra sin saura munras, yamnika sin yaras.”

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 14:8

Israel bîla kaikanka, piua karna nani tilara yang nani swaki ai sasakra, ¿dîa muni man upla tringsar kum wan tasbaya ra tauki ba baku taukisma ba, impapakra kum tihmia kum man takaski mahka auya ba baku?

Jirimaya 17:17

Yang ra sirang ai ikaia daukpara, man sika yukuwaiki watla yang pât tara ra sna ba piua ra.

Jirimaya 2:11

idan nisanka kum ai gâdka swi si gâd wala brisa kaka. ¡Baha nani ban gâd bahki nani sa! Sakuna yang upliki nani ai swin, yang lika witin prana ban sna, sakuna aidul nani diara bahki ba briaia tâwan.

Jirimaya 2:8

Prîs nani ba sin ai plikras kan, upliki nani ra smalki nani ba sin yang lâika ba smalkras tâ bri nani ba maipara buan, prapit nani ba Baal dahra aisin bara aidul nani diara bahki ba ninara wan.

Jirimaya 3:23

Yang nani maipara hilp apia sa il nani ra wih mai wini kaia; Dawan wan Gâdka ra baman Israel ai swaki sakan lâka sakisa.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Isikiel 11:16

Baku mita, wis: ‘Naku wisa Dawan ba: Yang mita kangbi sakri, bara tasbaya aiska ra yakabi kir lakri, kuntri tringsar nani tilara, sakuna naha sât na piua kunhku baman kabia. Nahara yang sika, witin nani kutbanka painkira kum kamna ani tasbaya ra wabia sut ra.’

Joel 3:16

Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Emus 2:4

Dawan naku aisisa: “Juda uplika nani saura ailal pali daukan, bamna yang bui witin nani ba sip klala yabras ban swimna apia; kan witin nani Dawan lâka ba bahki kulkan, Dawan ai lâka daukaia yan ba witin nani brih, daukras swin, kau ni aidul nani ra mayunan, witin nani ai aisika mayunan kata aidulka nani ra.

Nahum 1:7

Dawan ba yamni sa; pât bri uplika nani yukuwaika watla kum sa; witin ra luki uplika nani ba kan kahbisa.

Abakuk 3:19

Kan Dawan wina yang karniki aikisa; sula ai karnika brih plapi ba baku witin mita kuhmi dusa nani ra karniki aikbia, bara yang plapi il nani ra uli swak takamna.

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Roman 1:25

kan witin nani Gâd kasakka lâka ba kasak lukras, kunin lâka ni kulkan, bara Gâd paskan dukia nani ra ni ai pura suni mayunan, Gâd pali ra lika apia, bara witinka pali ra sika mayuni ban kaia ba. Baku kabia.

1 Pita 1:18

Bamna Gâd ba baha rayaka bahki, almuk nani wina briram ba tila wina swaki mai sakan; bara man nani pain kaikisma, wan swaki sakan mana ba lika, diara aisawi nani ba wal aibapras kan, gul bara silbar baku;

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”