Jirimaya 16:12 - DAWAN BÎLA AISKA

¹² Bara man nani kau saura daukram damikam nani ba wal, man nani kumi bara lamla karna lukankam ra dîa daukaia brin mai dauki ba bîla wali daukram, sakuna yang bîli lika wali daukras.

Jirimaya 16:12 ပူးပေါင်းရင်းမြစ်များ

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Smasmalkra 8:12

¡Baku takisa, ya saura dauki bara kau ban dauki auya ba sin, mani ailal raya sa! (Kan yang daira walisna ba lika, ya Gâd ra kulki ba, bara mayunra yabi ba yamni auya sa;

Smasmalkra 9:3

Naha sika saurka sut ba, naha tasba ra diara sut taki ba wina, sut ra sim dukia bîla kaikisa, tani wala ra kaikri, upla lukanka sut ba, saura ni banhwan sa, sinskas lâka mita ai sinska ra taibi brisa, ai rayaka aiska ra; bara tnata piua ra lika, ¡raiti kat wabia!

Jirimaya 13:10

Naha uplika watawikira nani na, yang adarki nani daukaia wîri ba bîli wali daukras, bara kiama karna ai kupia lukanka nani ra baman tniwisa. Witin nani gâd wala nani nina ra warkka daukaia mayunaia wan, baha maisa wila ba baku diara hilp âpu ba.

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Jirimaya 18:12

Bara witin nani man ra mai wibia: ‘¡Man taimkam bahki tikpara! Yang nani nahki iwaia brin ai dauki ba baku iwaia brin ai daukisa, laila karna kupi lukanka saura ra luki tniwi kaia.’ ”

Jirimaya 22:28

¿Jeconías ba sumi kriwan baku yus âpu takan sa, upla kum sin want apia watlika kum takan sa ki? ¿Dîa muni witin ai luhpia nani aikuki saki lulkan ba, tasba kum witin kakaira apia ba ra?

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Jirimaya 7:26

Sakuna man nani bui yang bîli wali daukaia apia wiram, uni sin kahbras, almukkam nani ba wal man nani kau kiamam karna takan.

Jirimaya 9:14

Witin nani lal karna, dîa ai kupia ra lukan ba kat daukan, gâd apia nani ra mayunan, ai damika nani dîa witin nani ra smalkan ba baku daukan.

Inanka Nani 5:7

Papiki nani mita saura daukan, bara witin nani nâra âpu sa; bara witin nani ai saurka pâtka ba yang nani brisni.

Isikiel 20:30

“Israel tawanka ra wis: ‘Naku wisa Dawan ba: ¿Dîa muni man nani, almukkam nani baku tâski takaia brinkam sa? ¿Dîa muni yang wal kasak apia sma, aidul yamni kaikras ra mayuni banhwisma?

Emus 2:4

Dawan naku aisisa: “Juda uplika nani saura ailal pali daukan, bamna yang bui witin nani ba sip klala yabras ban swimna apia; kan witin nani Dawan lâka ba bahki kulkan, Dawan ai lâka daukaia yan ba witin nani brih, daukras swin, kau ni aidul nani ra mayunan, witin nani ai aisika mayunan kata aidulka nani ra.

Malaquía 3:7

Man nani sin lâika nani daukaia ba wina laihura waram, damikam nani lâika wina laihura wan baku, witin nani ba yang bîli wali daukaia apia wisi. Yang karnika sut alki brisna Dawanka ba, man nani ra wisma: ¡Man nani kli yang ra tawi bal, bara yang sin man nani ra kli tawamni! Ban sakuna, man nani aisisma: ‘¿Dîa dukiara yang nani na man ra kli tawaia sna?’

Mark 7:21

Bîla tani wina, upla kupia wina taki ba lika: lukanka saura nani, rugka lâka, diara implikaia, upla ikaia ba,

Kli Smalkanka 29:19

“Bara naha swer taki aisin bîla na walan ba ningkara, man nani tilamra lukisa witin ba uba yamni sa, bara lukbia: ‘Diara sut yang ra pain takbia, yang dîa brin ai dauki ba kat luki daukamna ba.’ Bara diara saura taki aisawbia ba, baha uplika ba tâka kabia.

Kli Smalkanka 9:27

Albikam Ebraham, Aisak bara Jekob dukiara kupiam krauks. Naha uplika nani ra kupiam karna takan ba, watawika saurka dukiara kulkpara.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

Hibru Nani 3:12

Muihki nani, aman kaiki bas, man nani wina kumi sin ai kupia saura brih, Gâd rayakira ba wina tnaya ra tawbiara, witin ra kasak lukras ba mita.

Wihta Nani 2:19

Sakuna wihta ba pruya ba ra, witin nani kli saura taki kan, bara ai damika nani saura dauki kan ba wal kau saura dauki kan, gâd wala nani mayuni dukia dauki kan. Ai natka saura nani dauki ba sip lulki swiras kan, bara ai tânka saura kiama karna lâka ba sin swiras kata.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”