Jirimaya 14:2 - DAWAN BÎLA AISKA

² “Juda sari bri inisa, tawanka tara nani sari ba mita, upla nani ba tasba kat prawisa. Jerusalem sin hilp brin dauki wini inisa.

Jirimaya 14:2 ပူးပေါင်းရင်းမြစ်များ

Job 34:28

Umpira nani bara taiban uplika nani winanka ba, Gâd kat yan wan, bara witin mita walan.

Lawana Nani 144:14

Wan bîpka mairin nani ba kwihra tiwi banhwisa, bara ai luhpia nani ba, piua kau kan baikisa. Wan yabalka nani ra sibrin mita wan pura winanka âpu kabia.

Impakan Sturka 2:24

Bara witin ai kupia krawan Ebraham, Aisak bara Jekob aikuki lâ daukan lâka ba dukiara.

Aiseya 15:5

Yang kupi ba Moab pura mata hilp makabia; ai tawanka wina plapi ban, Sóar kat wabia, ban sin Eglat-selisiya kat. Luhit ilka tnaya witnika bâk ini uli wabia; sauhki tikan lâka ba dukiara, karna ini Horonaim yabalka bâk impaki wabia.

Aiseya 24:11

Wain âpu ba dukiara, yabal tara nani ra upla ba inisa; liliaka nani sut ba sari takan, tasba liliaka ba sut tiwan.

Aiseya 24:4

Tasba ba lâwi bara srawbia, tasba aihka ba lâwbia bara sut srawbia, kasbrika purara bara tasba ra sin, sari lâka baman kabia.

Aiseya 24:7

Wain ba tiwan, wain dusa ba sin siknis alkan, kupia lilia nani kan ba sut ai mamna lulkan.

Aiseya 3:26

Tawan getka nani ba, sari bribia bara inbia, bara witin nani, lulki bîla man swibia.

Aiseya 33:9

Tasba kwala siksa dimi sari sa; Líbano ai swira luki srawan; Sarón ilka bîla sin upla iwras tasbaya baku takan, Basán bara Carmelo ilka sin wahia nani âpu daukan.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 12:11

Upla iwras tasbaya bîla man dauki swin, bara yang kaikisna ai pura mata inisa. Kuntrika aiska ba upla iwras tasbaya takan sa, sakuna upla kumi sin baha kaiki trabil taki lukras sa.

Jirimaya 12:4

¿Ahkia kat tasba ba lâwan kabia bara twi tasbaya ra twi nani srawi ban kabia? Daiwan tnawira nani ba pruisa baha kuntrika uplika nani watawika dauki ba tâka, lukisa witin nani dîa dauki ba man aihka kaikras sma.

Jirimaya 18:22

Âimplikra daknika kum witin nani ai dara walras kaka blîks; ¡baha nani wini sirang iki ba walbia! Witin nani tasba salhkan yang bahara ai mangkaia, bara yang yabalki ra mini alkaika nani swin.

Jirimaya 4:28

Tasbaya ba sari man banhwan kabia, kasbrika pura ba sari mita tihmia takbia. Yang aisari, bamna kli kupi lakamna apia; yang mita daukri, bara kli ninira tawamna apia.

Jirimaya 46:12

Nisan nani ba pat walan man nani swiram daukan ba, tasba bani ra inankam ba walisa; aiklaklabra nani pana pana wal prukisa, sut tasba ra kauhi karwisa.”

Jirimaya 8:21

Upliki nani pât wahwi ba tâka mita, yang sin pât wahwisna; kupi wirha sibrin mita ai taibi ai brisa.

Inanka Nani 2:8

Dawan ai kupia wal daukan Saion kutbanka painkira ba sauhki tikaia. Nahki sauhkaia ba laki kaikan ningkara, baha ba daukan tnata alkan ba kat. Tawan tnaya nani bara kutbanka nani ba, witin mita sari lâka tara ra lakan, baha nani sut ba asla kumi baku batakan.

Inanka Nani 2:9

Tawan getka nani sut tasba ra baman kauhan sa, ¡waihla nani alki takaskaia kutbanka kan ba sin sut kriki tiwan sa! Ai wihta tara nani bara ai kingka nani sin idan nani tilara sa; Dawan lâka bîla nani sin âpu sa. ¡Witin nani tilara, prapit nani sin kli diara aihka nani kaikras sa Dawan wina!

Inanka Nani 5:10

Yang nani wîni taya nani ba, brit angkaika watla baku lapta sa, plun tiwan mita rih wan daukisa.

Oseas 4:3

Baha daukanka nani ba mita, tasba ra upla nani sari tara brisa; tasba ra iwi nani ba sut karnika âpu takisa; unta ra daiwan nani ba aikuki, daiwan tnawa bri pali nani ba sin, bara inska nani kabu ra ba sin aikuki pruisa.

Joel 1:10

Insla nani bilara diara âpu dauki swin sa, tasba ba kwala siksa dimi sari sa. Plawar mâ nani ba âpu takan, wain nasla ra, wain kiwka nani ba sut lâwan, oliv dusa nani ba sin sut srawan oliv batana laya sin âpu.

Joel 1:11

Man nani, insla bara wain nasla dadaukra nani, tasba ra kauhi sari brih ini banhs; plawar mâ bara barli mâ nani mangkan ba sut, tasba kat tiwan bamna.

Joel 1:14

Upla sut ra paiws bara kaiki plun piras tânka ba, dauki banhs; tâ uplika almuk nani bara kuntri ra iwi uplika nani ba sut, Dawan tempelka ra asla dauks, bara ningkara Dawan ra puram suni banhs.

Joel 2:6

Upla witin nani ra kaiki ba ra tatatwisa, ai mawan tâlia sin âpu takisa.

Hageo 1:11

Yang mita sika tasbayam ra, il nani purara, insla nani purara, wain nasla nani, oliv dusa nani purara, tasba wina diara pâwi taki nani ba sut purara, upla nani purara, daiwan nani purara, bara upla ai mihta warkka nani dauki ba purara lî auhaia ba takaskri.”

Sakaraya 7:13

“Yang aisari, witin nani walan daukras bamna, witin nani ai pura sunbia bara yang sin walamna apia.

1 Samuil 5:12

Tawan inanka ba kasbrika purara ba kat uli wan, kan upla nani kau pruras raya kan ba sut yukri alkan wîna aiska ra.

1 Samuil 9:16

“Yauhka, sim naha awarka, waitna kum man ra blikamna Benjamín tasbaya wina, man bui witin ba batana ni laikma, yang upliki Israel luhpia nani wihtka kaia, witin bui witin nani ba filisteo nani karnika ba wina dakbi sâkbia, yang sin upliki nani kupia lukra ba wal sna, ai inanka nani ba yang kat uli wan bamna.”