Jirimaya 13:19 - DAWAN BÎLA AISKA

¹⁹ Négueb tawanka nani ba waihla mita kutban sa; upla kumi sin sip bahak luras sa. Juda uplika nani ba tasba wala ra brih wan, upla sut brih wan.

Jirimaya 13:19 ပူးပေါင်းရင်းမြစ်များ

1 Kronikas 9:1

Israel kiamka nani ba naku Israel kingka nani wauhkataya ra ulbi mangkan kata. Sakuna Juda uplika nani saurka daukan ba tâwan, Babilon ra blikan wan.

Job 12:14

Gâd mita sauhki tikan ba upla âpu sa baha kli paskaia, ani uplika ra Gâd mita durka prakan ba upla wala âpu sa durka ba kwâkaia.

Jirimaya 17:26

Juda tawanka nani Jerusalem kir ra bâra ba wina upla nani balbia, Benjamín tasbaya wina sin, il kuntrika nani Négueb ra bâra ba wina sut. Daiwan nani tempel ra bri balbia aiska angkaia, bara sakripais wala nani daukaia plun nani prisantka sin, bara dus mâka ba ra tingki wiaia prisantka nani sin.

Jirimaya 20:4

Kan Dawan aisisa: ‘Man silp sirang iwi kaia mai daukaisna, uplikam nani ra sin sirang iki kaia; man namkra ni kaiki kama man uplikam nani ba waihlam nani sordka ra kauhi kabia. Juda uplika nani ba sut Babilon kingka mihta ra mangkamna, upla tila witin Babilon ra brih wabia, wala nani skiru ni ikbia.

Jirimaya 24:1

Nabucodonosor, Babilon kingka ba mita Jeconías, Joaquim luhpia waitna Juda kingka ba tasba wala ra brih wan bara witin aikuki Juda wihtka nani ba dus ni diara papaskra nani ba, kî papaskra nani ba sin brih wan kan, baha ningkara Dawan mairikan kwah mâ baskit wâl tempel ba lamara kan kaikri.

Jirimaya 28:4

Yang sin daukamna Jeconías, Joaquim luhpia waitna ba sin naha pliska ra kli balbia, Juda kingka ba, Juda wina upla wala nani Babilon ra brih wan nani ba sin. Âu, yang Babilon kingka karnika ba krikamna. Yang, Dawan, kasak aisisna.’

Jirimaya 32:44

Tasbaya ba witin nani atkbia ba ra, atkan wauhkataya nani ulban ba sîl prakan ba witnis nani ai nina ulban ba sin kaikbia. Baha baku takbia Benjamín tasbaya ra, Jerusalem kir bara Juda tawanka nani ba sut, il nani tasbaya ba twi langni nani ba sut, Négueb tawanka nani ba, yang daukamna baha uplika nani sut kli tawi balaia. Yang, Dawan, kasak aisisna.”

Jirimaya 33:13

Il nani tilara tasba langni nani ra, Négueb ra, Benjamín tasbaya ra, Jerusalem kir bara Juda tawanka nani sut ra sin, sepad nani ba kli bal ai sîpka nani ba kulki kaiki kabia. Yang, Dawan ba, baha aisisni.”

Jirimaya 39:9

Baha ningkara, Nebuzaradán king watla ra aihwawakra nani kamandantika ba mita, tawan uplika nani ba, wala nani sin Caldea uplika nani tilara kan ba, bara baku sin upla sut ba tasbaya wina saki Babilon ra brih wan.

Jirimaya 52:28

Nabucodonosor upla nani priski brih wan kulkanka ba naku kan: witin pat 7 mani king kata ba piua ra 3,023 upla nani Juda wina brih wan;

Jirimaya 52:30

baha wina kli 23 mani king aimaki kata ba piua ra kli Nebuzaradán mita 745 upla nani Juda wina brih wan, bara sut ba kulkan 4,600 upla nani witin priski brih wan.

Inanka Nani 1:3

Pât nani wahwi wark karna taki taibi ba purkara, Juda ba priski brih wan nanara bahara pât wahwisa. Kainara tawan tilara king aimaki kata ba, nanara ai riska pliska sakras sa. Ai nina bliki nani kan ba mita, aiska prak alki brin sa, bara taiban lâka ra mangkan sa.

Sakaraya 7:7

¿Naha pali bîla nani na apia, patitara prapitka nani kan ba mita, aisi kan ba, Jerusalem ra upla ailal ai âuyapah iwi kan ba piua ra, tawan nani ai tnaya kir ba sin, Négueb tawanka nani ra, tawan lupia nani ra upla ailal iwi kan ba piua ra?

Kli Smalkanka 28:15

“Sakuna Dawan Gâdkam bîla wali, ai lâka nani yang naiwa man ra maikisna trai kaikras kama kaka, naha klalka nani puramra balbia:

Kli Smalkanka 28:52

“Tawankam tnaya aiska kutbi kir mai bri mai aiklabi kabia, kutbankam kau purara ba karnakira ba kriki tikbia ba kat, bahara lukisma ba slingban kabia. Âu, Dawan Gâdkam bui kuntrikam tawankam nani maikan ba kutbi brih mai aiklabi kabia.

Jasua 18:5

Naha waitnika nani bui tasba ba baikanka 7 ra baiki sâkbia yuaia dukiara, Juda ra lika waupasa tani ra ai tasbaya nani ba swibia, bara Josep kiamka ba lika yahbra tasbaya ba ban bri kabia.