Jirimaya 13:17 - DAWAN BÎLA AISKA

¹⁷ Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 13:17 ပူးပေါင်းရင်းမြစ်များ

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Aiseya 63:11

Witin nani ai kupia kraukan patitara yua nani kata ba, Moses piua ra kata ba bara ai uplika nani swaki sakan ba sin, bara witin nani makabi wali kan: “¿Moses sîp daknika sepadka ba, Nilo awala wina swaki sakan Gâdka ba anira sa? ¿Witin Moses ra ai spiritka holikira yaban ba anira sa?

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 15:17

Baha nani lilia baman kaia luki nani ba tila wina aihka takisna, man bui yang Dawanki takram yua ba wina yakan wataukri, kupiam baiwanka nani ba ni ai banhkram bamna.

Jirimaya 17:16

Ban sakuna, yang mita taibi mai wiras sna man baha ba mahka dauks, sauhki tikanka witin nani purara blikaia, baku sin yang brinki apia sa man bui witin nani ra sauhki tikaia. Dîa aisari ba man nu sma, kan man lamam kat mai aisari bamna.

Jirimaya 22:5

Sakuna naha maisa pakanka na walras kama kaka, king watla na slingban kabia. Yang, Dawan, kasak aisisna.’ ”

Jirimaya 23:1

Dawan ba kasak aisisa: “¡Saura pali kabia baha sepadka nani ra, sîpki nani ba witin nani main kaikras swin ban tiwi banhwi ba!”

Jirimaya 23:2

Dawan, Israel Gâdka ba, sepad nani dahra aisisa, witin nani ai uplika nani wihtka tara nani aimaki ba: “Man nani mita sîpki nani ba aihka aihka yakabram, main kaikras munram sut plapan. Bamna aitani pali sa yang bui man nani ra klala maikaia daukankam saura nani ba tâwan. Yang, Dawan, kasak aisisna.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Inanka Nani 1:16

Naha diara nani taki ba bui sika yang ra aikan inisna; naikra nani na, laya nani wal banhwi laiwisa, kan upla âpu sa yang maisi nihkaia, bara yang kupi tâ baikaia. Luhpi nani sut sauhki tikanka tara ba tilara takaskan, waihla nani ba mita puri luan bamna.

Inanka Nani 1:2

Witin tihmia bani ini ban katwisa; ai nakra laya, iswi ai mawan bâk laiwisa. Ai latwankirka nani sut ba tilara, kumi sin âpu sa witin ra ai maisa nihkaia. Ai uplika pali nani sut, witin ra kunin muni lulki swin; nanara baha nani sut ai waihla baman takan.

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Inanka Nani 2:18

¡Dawan ra hilpka makas, Saion tawan tara painkira! ¡Yas namkra laya ba lî aubra tara baku plapi kabia, kakna ra bara tihmia ra! ¡Inankam ba takaskpara, namkra nani inisma ba wina takaskpara!

Inanka Nani 3:48

Naikra laya awala baku plapisa, tawanki latwankira sauhki tikanka ba dukiara.

Isikiel 24:16

“Man kau want sma uplika ba man wina mahka sakaisna. Sakuna man sari bri inpara, namkra laya sin sâkpara.

Isikiel 34:31

Man nani ba sîpki sma, twi painkira brisna ba sîpka nani sma. Yang sika Dawankam sna. Yang, Dawan, kasak aisisna.”

Isikiel 36:38

Baha tawanka sauhki tikan kan nani ba upla ailal pali aibanhbia, sîp ailalkira yua tara ra sakripais daukaia Jerusalem ra brih wi ba baku kabia. Baku mika, ai dara wali banhbia yang sika Dawan sna ba.’ ”

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

1 Samuil 15:11

—Yang sari sna Saúl king mangkri ba, witin bui yang wina tnaya tawan bara bîli kat wali daukras. Samuil kupia ra trabil munan bamna, witin tihmia aiska Dawan ra ai pura suni lalawan.

1 Samuil 15:35

Baha yua wina Samuil kli Saúl ra wih kaikras kan, witin pruan yua ba kat. Sakuna sarka lika tara bri kan, nahki Dawan ba kli sip ai kupia lakras kan, Saúl Israel kingka mangkan ba dukiara.