Jirimaya 12:3 - DAWAN BÎLA AISKA

³ Sakuna yang tani, Dawan, man ai kaikisma; man tâinka brisma bara nu sma kupi dahra wal ra man mampara dîa brisna ba. ¡Baha uplika nani ba sîp nani baku daiwan ikaia watla ra brih was; bri si swis ikaia yua piua ba mangki swis!

Jirimaya 12:3 ပူးပေါင်းရင်းမြစ်များ

2 King Nani 20:3

“Dawanki, yang mamkabisna man bui yang dukira kupiam krauks, kan yang sika man mamwanra kasak ba kat daukri kupi aiska kira ba wal, bara diara nani daukri ba sin man kupiam brinka kat daukri.” Bara Ezequías ba karna inan.

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

Job 23:10

Mini lulkanka bani witin kaikisa, tâinka pliki kaikbia kaka, aihwa kamna gul aihwa ba wal baku.

Lawana Nani 11:5

Dawan ba upla kasakkira bara watawikira nani sut ra sin aihwaki kaikisa. Witin ai kupia aiska saura pali kaikisa, baha nani saura daukaia latwan kaiki ba ra.

Lawana Nani 139:23

Dawan, man tâinka pliki kaiks bara kupi tânka ba sin kaiks: yang kupi lukra ba dukiara traiki kaiks bara lukanki nani ba sin.

Lawana Nani 17:3

Man bui yang lukanki nani ra dimram, tihmia ra bal aihwaki ai kaikatma; tâinka aihwa sapa plikatma, bara diara saura nani yang ra sakras katma; sturi aisaia apia nani ba, yang aisaras.

Lawana Nani 26:1

Lâika aisi dauks, Dawan, kan yang diara kasak ba dauki kapri bamna. Dawan, man ra baman lukanki aiska tniwri sa.

Lawana Nani 7:9

Gâd kasakkira, lukanka nani ba laki kaikisma, ai dara walanka tihu pali ba sin, ¡watawikira nani saurka dauki ba yas takaskbia, sakuna upla lukanka pain ba swirka bâra ban kabia!

Jirimaya 15:15

Dawan, man lika diara sut tânka brisma ba, ¡yang ra ai luki bas, bal hilp ai muns! ¡Waihli nani nini bliki ba man bui witin nani ra pana muns! Witin nani mapara man ban kupiam alki takaski kapara, witin nani ban yang ra ai ikbia; kaiks man tâmwan diara saura nani ai wi ba ban kupi alki takaskisna.

Jirimaya 17:16

Ban sakuna, yang mita taibi mai wiras sna man baha ba mahka dauks, sauhki tikanka witin nani purara blikaia, baku sin yang brinki apia sa man bui witin nani ra sauhki tikaia. Dîa aisari ba man nu sma, kan man lamam kat mai aisari bamna.

Jirimaya 17:18

Nini bliki nani ba lawaska kikaia dauks, yang lika apia; witin nani sirang tara iwbia ba ra, yang lika apia. Witin nani purara sari balaia dauks, kriki, kli kriki âpu pali dauks.

Jirimaya 20:12

Dawan karnika sut brisma, wapni lâka ba ni laki kaikisna, upla lukanka tihuka ba kat kaikisma, mairiks baha uplika nani ba nahki klala yabaisma ba, dîa yang ra taki ba man mihtam ra swisna bamna.

Jirimaya 48:15

Moab bara tawanka nani sasauhkra ba pat aula; wahmika kau painkira nani ba prubia. King ba kasak aisisa, witin ai nina ba sika Dawan karnika sut bri ba.

Jirimaya 50:27

¡Suldiar nani ba sut iki tiks, sut ikaia watla ra blîks! ¡Saura pali witin nani ra! ¡Witin nani yua ba balan, klala aiklabaia yua ba!

Jirimaya 51:4

Kuntrika aiska ra Caldea uplika nani ba yabal nani ra prui prawi kabia,

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Jems 5:5

Naha tasba ra man nani prana bara tasba dukia pain baman bri kapram, bara daiwan baku batanwisma. Ikaia yua ba aimakan sa.

2 Pita 2:12

Bara naha uplika nani kupia lukra ba, sim daiwan wail aisubi takan ningkara, upla nani mita alki iki ba wal baku sa; witin nani diara sip tânka briras ai sinska lukra wal baman iwisa, diara tânka briras ba dukiara saura aisisa; bamna daiwan baku prubia,